Lúcas 15:5 - Dupade Uruode

⁵ Ujetiga uté gosi chisírase dachidé bijnangue ga chisa ga chijnónguiji dorotadé. Ga jé u uje chajni aja daguíjnai. Ga nínapúsu re aja daguíjnai yui ome dachidé uje chise gu.

Lúcas 15:5 Iomraidhean Croise

Lúcas 15:32

Mu cucha arei u ujetiga yipécobu yocajñamini tudé. Cucha arei upo rĩ ujetiga pininaquei irágu yoque. Uje gajnui tu diríca ujetiga e besai togome yoque. Mu chajni yoquibai ga e nóña ga ecápo rĩ uje e chisápo yoque rĩ. Gajnui tu ujetiga bijnaque ome yoque mu yicópo rĩ. Ga jé tiógara ujetiga yipéco yocajñamítedatéi tome uté."–

Lúcas 15:4

–Ujetiga gachisṍrirase uacuñeque, enga uaque gosi gachidedie dérasi 100, mu a chojmaráraque bijnárase ga, que toc ujetiga uaque gosi noñome bijnangue iji erámi. Uaque gosi a noñomírase amirenie uje 99 ore iji garai ujetiga chucué bijnangue uaté, jé aja ujetiga chise.

Lúcas 15:6

Ujetiga uté gosi dirase dachidé bijnangue údi ga chamáta dajorane, daguiosode ore aja daguíjnai ga jé u uje chingo dadode ome ore uje chise dachidé bijnangue, ujetiga ore nína re to. Ga chojningárasa: "Yise yachidé áyasa bijnangue casé que. Jecute yirasiguipise yu."

Lúcas 19:9

Jecute Jesús catecã́ri ayorébui ore iji dejode ga chósi tome ore: –E yipáñangopísiji uje jnani tuté úringai piquetaque chise iji de deréjnai. Ga a chisápo uté jogasui ore to jne rĩ. Uje ore gãrapi tu jnani bajai Abraham gu.

Lúcas 23:43

Enga Jesús chajnai uté uruode ga chósi tome: –Jé ũrepise yu ome yuruode uje yósi te ome ua, a jĩrique yimóngo ñane gajneri iji yapade idai iji gaté, jnupe ueradi, uje baqui jé u to gu.–

Juan 15:11

Yurúo udojo ome uaque ujetiga pirasitigai déji yógome ñane. Yigaidi u gu ujetiga pininaquei irágu uacajéode.

Efésios 2:10

A jé ca uñeque chisírase dabánique arĩa, uje Dupade u uje chiqueta yoque. Ga uté cho dapesute cucha ichai iji yoque, enga chisíome pucuecaringué ichai, páyipie ichadie udire ore ome yoque gu uje Jesucrísto, yitojmárangopísiji jnumi. Uje Dupade ajequigode ome uyoque jé iji piquéode u ujetiga jecucha yocátegoningáne cusirase gatuaque iji yocucuecaringué ichai udé. Enga jé u uje Dupade e pésu dáyipie ome pátegoningáne quigode udore ujetiga dimane udore ome yoqui. Gaidi tu gu ujetiga jecucha ga yipécorásu udore ome uté.

Efésios 3:7

Yiraja uje que yitiógarapísa yisai udé arĩa, mu Dupade u uje guẽrate yúringai daroque ome yu, ga gose icaniratiguédatéi uté. Tagúome cutejma dajopiédaté, ga chimate yu aja yúringai Pujnomé Ueradi atatasõre.

1 Tesalonicénses 1:5

Que cachi yocatataque Dupade uruode gotique ica ome yocojña ayorérigo, mu yocaríjogonóri u Dupade Ujopié Espíritu Sánto ica ome yocacajnaquéode udore. Enga que potigayaquérique déji yógome yocacajnaquéode udore úringane ũrepíso. Uacarajáyo to uje yujucópise yocadode guio uje yugúcoi uacari ica. Uje yocucuei u uacomitígarigo ica ujetiga aquéraño to iji Dupade adode.

2 Timotéo 2:26

Enga socaseti ore changureta Dupade to, enga ore chayome Satanás. Uje bamo gu uje Satanás igarique ore nanique gu, enga que togápo ome ore rĩ ujetiga ca ore doi Satanás áyipiedie.

Hebréos 12:2

Enga ca yoquedóraque chiramurase Jesús aja quedéjnane. Yirajágo gu uje yocanguretigai garani u, enga uté u to uje pésu enga yocanguretigai quérã to. Jesús uté chejnáreque re iji curesei gai nanique. Yirajágo uje gosi toi iji curesérique gai enga pajegátigai u ome uté gosi. Mu que pajegátigárique chimo Jesús nanique uje toji curesei gai. Uje áyipie jogadípise pininaquei, jé aja pirasitigade ore nanique rĩ iji datoringárique quigade. Jecute e chácariji Dupade ãrachua iji gatajnoquei.

1 Pédro 1:5

Chamáñaje uacanguretigai déji ome Dupade. Jecute chirote uaque ome dajopié etotiguei ujeta eso uacáringane piquetaque to iji deréjnane udojo eruénique.