Lúcas 15:4 - Dupade Uruode

⁴ –Ujetiga gachisṍrirase uacuñeque, enga uaque gosi gachidedie dérasi 100, mu a chojmaráraque bijnárase ga, que toc ujetiga uaque gosi noñome bijnangue iji erámi. Uaque gosi a noñomírase amirenie uje 99 ore iji garai ujetiga chucué bijnangue uaté, jé aja ujetiga chise.

Lúcas 15:4 Iomraidhean Croise

Sálmos 119:176

Yajnua tu áyasa bijnángueraque uje chicai te yui; be ga acué baroi uyu, uje érãtique yicadígui baroquéode udore quigode.

Isaías 53:6

Uje bijnaque yoque jnese ga yocajnunie jé u áyasa dodie. Ga jé yicagóji yoquiquigode erámio jnese. Ga que uñeque doi ga jĩraque quítequiguíji Dupade adode úringáringo pigaicho. Jecute Dupade chicha yocajnéone pujuyaqué aja dajúdebei piquetangore uté gai, ga toi ome yoquisijnaringuéone.

Matéo 12:11

Jesús chajnai ore enga chojningame ore: –¿Ja ca uacuñeque chijnimírase dachidéraque áyasa ya ujetiga basája ejóraque iji dire puyátique?

Lúcas 13:15

Jecute Jesús chajnai uruode ga chósi tome: –Táquechoquíode uaque á, ¿ga uacuñeque dérasi a? ujetiga ca chosõre dachidéraque aquirájna, jeoga búrro iji dire puyátique ujetiga chijnája yodi jeta chaningare.

Lúcas 15:3

Enga Jesús chajnai ga chacãra dacajnaquéode aja áyasadie gachisónique. Enga chojninga:

Lúcas 19:10

Uje Dupade utocaidi tu yu ujetiga yucuebi udore ore uje ore cho bijnángone ome yu ome ore ipesudode dasijnaringuéo. Jecute yáyipie qui tu ujetiga yiqueta ore jnese.–

Romános 2:1

Yirajágo uje jé tiógara ujetiga Dupade cho dajuñame erámi unirisórone ore ome ore ipesudode cucha gajnarécho udore. Mu uaque gosi a chojningárasa: "A jé ũré ua jõ. Omitigai turásu ujetiga Dupade cho dajuñame ayoré unejai uté, uje gajnareque adode gu." ¡Mu chimo jóroque re, uje bedugádi u ayoré unejai uté adode ome bajiritigade udore, uje uacaba gajnéone cucha cho ñane mu! Jecute máraque ua to, enga Dupade gajnepı́di turásu ujetiga cho dajuñame ua to.

1 Pédro 2:25

Uacajnunie u áyasadie uje ore chimere riji erámi. Mu uje uacanguretáyo Crísto enga uacacáputayopísiji uacarodisṍri Crísto. Enga Crísto e u uje chirote uaque enga suse uacáyipiedie guio. Adi u áyasadie irodisṍri isocai ome dachidedie áyasai uje que chuseque ore.