Lúcas 15:1 - Dupade Uruode

¹ Enga ore eduguéjnai irótigo uje ore utaidé darasade ore iplátadie ome impuéstos, jé aja pisijnaringuéone ipesungórone ore, ore jnese sose Jesús yui ujetiga ore tangarami acajnaquéode to.

Lúcas 15:1 Iomraidhean Croise

Matéo 5:46

¿Ja Dupade tẽrarásaja uaque ujetiga eduyo uacajnorasórone uacojo ayoréo ujetiga ajnóraño ore? Uacamóño uje jnani sijnanguipísode que ore changureta Dupade mu jé ore chijnóra dajnorasórone to.

Lúcas 13:30

Mu Jesús chojningame ore: –Adójnacho uje a uacuñéngo déji jne ujetiga ibijoque uaque iji udé, mu a ca ibijoque uaque to iji jogadi uté jne. Jé basa ga uñéngo ore déji jne uje que ibijoque ore to, mu a ibijoque ore jne jeta ore chise Dupade iji úringai eduguéjna cuchape jogadi uté.–

Lúcas 7:29

Uje ayorébui, jé aja ore eduguéjnane irógode uje utaidé ore iplátadie ore chudute udojo enga ore chajo raja uje ore chicota Dupade ome úringai areguipise. Udore ore u uje Juan chaca ore edodie iji yodi nanique.

Romános 5:20

Adójnacho uje jiei pisijnaringuéone iji erámi, enga quene Dupade pésu ga uru pirosobádode chise erámi ome Moisés urusarane cucha puyácho nanique. Mu Dupade gaidi u ome cucha puyade udore ujetiga erámi unirisórone chó gai enga a ore pijógome dáringane Dupade uruode piyógaisóño. Enga ore isocai jé upúsu uté uje jecucha ore chó uruode gai, enga ore ate gajnaréngone quérã, quérã gatuaque. Mu uje pisijnaringuéone chichagu raja erámi jnese, mu jogadi jé u to uje Dupade cutejmai icaniratiguédatéi cho dabai ga chãraja pisijnaringuéone udore.

1 Timotéo 1:15

Jé ũrepíso yuruode unojo enga jé tiógarapísa jeta yanguretágo enga yimeseco jnese: uje Jesucrísto chise jnumi nanique ujetiga chiqueta sijnángone ore ome ore ate gajnaréngone. Enga pisijnaringuéone ipesungore obiréjnai tu yu ome ore jnese nanique.