Lúcas 13:6 - Dupade Uruode

⁶ Jesús chacãra dacajnaquéode aja pore pacáraque enga chojninga: –Jnani déji nanique uje chaca daca pore uje i tu higuéra, ga tibágui daca pore ujetiga árigui cus. Mu chise mu que áraque cusipise go.

Lúcas 13:6 Iomraidhean Croise

Lúcas 13:5

Mu yojningame uaque uje que quigode u udore go. Mu ujetiga ca ecãcho uacáyipie quigode, uacasocárigo udore, enga a eso uaqueruéningo to jnese jne.–

Lúcas 3:9

Dupade jé cho jnani utácarique uje dimane ome dajnosé ujetiga chaquesu pore gajnarénguenie iji pore ijorenie ujade. Chiraja gu uje gajnarénguei enga que áraque cuse. Jecute chaquesu udire ore jnese enga tṍra ore aja pioi.–

Juan 15:16

Que uacajegaite yu nanique mu uyu u uje yajegaite uaque. Enga yiroque uágaja erámi ujetiga amácho ayoré uásejnane aja yu. Enga uacamaningone udore a jogate jne iji deréjnane jnese. Enga uacadie u uacamaningone udore cucha. Enga Yai a chisi ome uacataidode cucha jnese ome uaque gu uacanguretigai iji yu.

Gálatas 5:22

Mu uje Dupade Ujopié Espíritu Sánto chinoningase gosi ga e pijnoraquei déji, pirasitigai dépoji rĩ, pajesereringai déji, ga chidota re ome cuchade, irasique dojode ayoréo, osõrataque rĩ. Que potigayaquérique déji urúrique rĩ.

Filipénses 4:17

Que yáyipie déji gotique ujetiga pisi yu iji, mu yáyipie déji uaque ujetiga ejnáño uágaja uacacaniratiguéode. Yiraja uje Dupade a cho uacoré jne ome uaqueranone udore gu.

Juéces 9:11

Mu Higuéra chajnai dojodie pori ga chojninga: 'Que yipota jeta oyo uaqueduguéjnai iji yu. Que yipota gu jeta yécãre yijogatique iji yapácadi udé. Chamáña uneréjna yadie gu ga ayoréode ore chagutíyame yu jnese gu yadie udire.'