Lúcas 13:11 - Dupade Uruode

¹¹ Enga chequéraque déji ore gari to uje ejnareté. Ga ejnarei guejnanie sequeré gadióguiji yirídai uñai. Uje Satanás utocaidode chajnongose ira aja ñane, enga que togome uaté ujetiga chipotingare re.

Lúcas 13:11 Iomraidhean Croise

Sálmos 145:14

Pangarádejnai chiringarápo cõrachugode ore aja gaté rĩ, jé aja udore ore uje cuchade na ore aja jnumi, ga chipotingarápo ore aja gaté rĩ.

Sálmos 146:8

Pangarádejnai chuchẽre edoparigode ore edodie gáyode. Pangarádejnai chiringare udore ore aja gaté uje ore tajia re; Pangarádejnai chijnorapise uréone ore.

Sálmos 38:6

Yajna jnumi ome cutejmai yáyuguhebátigadaté, ga yusũrujnáji deréjnai údode.

Sálmos 42:5

Yáyipie á, ¿Chimo jóroque re uje cuchade na ua aja jnumi? ¿Cuchárique u gu a uje áyuguhebaté ua? Angureta Dupade uté yui ome ua. Uje a jé yejna yu aja ujetiga yicota uté. ¡Uje Yiquetasṍri u uté, ga Yangureni Dupa upo uté rĩ!

Sálmos 6:2

Pangarádejná, be ga osõre yu. Bamo arĩa uje que yutajnoquérique cusapo rĩ. Atirépo yijóningai yibai te rĩ. Bamo arĩa uje yisadodéringai u uje pésu cochóya iji yu.

Matéo 4:23

Enga Jesús diguiji Galiléa údode. Enga chacate judíode ore iji ore aquiningaméone udore, udore, udore. Enga omío atatagode ome ore. Uje chingo ore uje idógosi ujetiga Dupade cho darásaji danguresórone ore to. Chiquetápo ore ejnareque ponáyone jnese to rĩ.

Márcos 9:21

Mu Jesús catecã́ri disi uté dai enga chojningame: –¿Jé cho rique disi uté ejnaréngone guejnatígo deréjna uje ejnarei chisa ica ya?– Mu disi dayé chojninga: –Jĩrique chisasi nanique iji úringamí parátagape.

Lúcas 13:12

Mu uje Jesús chimo chequé tuaté ga tibidi, ga chojningame: –Chequé á, angarami yu á. Uje e bejnaréngone cha ua.–

Lúcas 13:16

Mu chequé tuaté tagúripísi gai ujeta piqueta iji dire puyai. Uje Satanás utocaidode chigaru údode. Ga jé tiógara ujeta piqueta iji dire puyai. Uje uacarajáyo uje yocai jnani bajai Abraham ape disi ejo uaté to. Ga chequé tuaté ejnaréngone e iyajmácho iji uje guejnanie sequeré e gadióguiji yirídai uñai uje chisa. Ga cucha ueradi tu ujeta piqueta iji dire puyátique.–

Lúcas 21:28

Ujetiga adúcho uje yojningane udore uñane e tocade, beyoi enga ajnusoi uágome. Enga ajicho gaté ome uacaquetasṍri uyu yiríringai yui.–

Lúcas 8:2

Mu chequérigui ore nóna ore to uje Jesús chiqueta ore iji ore ejnaréquedatérigo. Ga chijócãre Satanás utocaidode iji ore uñanie to. Enga uñáraque déji ore gari to uje i u María Magdaléna uje Jesús chijnime Satanás utocaitígo iji uaté uje gare iji ti yijmanai uñai.

Lúcas 8:27

Uje Jesús doi jnumi iji cucoi mu jnanírique chise Jesús uje gadáragose. Mu nóña ga ayoré do jnani uté ome Satanás utocaidode iji ajei uje e diyajmanguipíso iji. Ga a ca pota go ujetiga chigui daguidéraque, ga jé u uje choquíbi. Enga que moji ayorérique iguíjnarique go, mu charidode u ducódedie jogadode.

Lúcas 8:43

Mu chequé chojmaráraque déji ore gari uje ejnareté. Uje sequeredie gare iji yirídai uje pésu uaté iyosoringuéone. Enga ejnarei tu uje iyode que cha tamutaque. Enga chequé tuaté e tẽra dagúchade jnese ujetiga cho oré daijnane ore ujetiga ore pésu. Mu a ca daijnárique déji ujetiga chibote chequé uaté ejnaréngone ujetiga chiqueta.

Héchos 3:2

Jnani noñai jecucha ga déji Dupade iguíjna cuchábi piagoi iji dirode jnese uje noñaque aja guesi iji daté. Enga jnani uté jorane jecucha ga ore chijnóngaja Dupade iguíjna cuchábi piagoi uje i tu Piago Ueradi ujetiga chutai ayoréode uje ore chacája Dupade iguíjna cuchábi.

Héchos 4:22

Ore iquetai jnani noñaque sequeredie 40 iji yui uje base, mu e etoque gu ore ipesútedatéi uté.