Lúcas 12:9 - Dupade Uruode

⁹ Mu udore ore uje ore chotigase yu iji de jnumi jé basa ga a jé yotigásape ore to dirome ome Yapade, irógode ore to iji gaté.

Lúcas 12:9 Iomraidhean Croise

Matéo 10:33

Jeque udore ore uje ore chotigase yu iji erámi uné, jé basa a jé yotigase ore to dirome iji Yai iquei iji gaté.

Matéo 25:12

Mu uté chajnai ore enga chojninga: "Que yiraja uaque gotodie. Jecute que yuchẽre yoquibai ome uaque."–

Matéo 25:31

Ujetiga Dupade utocaidi uyu yĩriápo rĩ enga a eduguéjna cuchape yu jne. Enga a yirógode gaté unirísoño ore chicha yu aja dajei te jne. A yiyápoji yiyaripi jne rĩ ome yúringai pojnánguejna.

Matéo 25:41

Jé u uje eduguéjnai uyu a yojningame yarasé jogosórone jne: "Dupade ujuyaquédatéi gajnesórone uaque á, acayoi quedéjnane ome yu. Uacaquítequiguíji gajño pioi uje Dupade jé ipesudome Satanás, irógode ore nanique. Enga a qué uacagúsoji jne iji deréjna pitade.

Matéo 7:23

A yichajnárasi ore enga yojningárasome ore jne: "Que yimo uaque to go. Boyóji yejode ome uacapesudode cucha gajnarécho."

Márcos 8:38

Mu ujetiga gosi chajéngome Dupade utocaidi uyu, jeoga chajéngome yacajnaquéode iji daquitígo erámio iji ayoré ate gajnaréngone ore ujade enga a jé yijna uté gosi jmapié ome jne. Enga a yajéngome uté gosi to jne iji yiríringárique, ujetiga obiréjna Yapade ingoningájnai iji yu ujetiga Yapade irógode gateminóño ore cháta rágaja yu to jne aja de jnumi.–

Lúcas 15:10

Enga yingome uaque uje jé isocai tupo ome Dupade, irógode gaté unirísoño ore rĩ ujetiga ore irasiguipise raque ome gosi ujetiga cha dasijnaringuéringo ga chajniápo Dupade gai rĩ. Ujetiga chojmára uté gosi marínga, a qué ore nínapúsu raque jne ome uté gosi ujeta uté gosi cha date gajnarétigo.–

Lúcas 22:57

Mu Pédro chotigasipise ga chósi tome: –Cachi que ũré ua gotique arĩ́e. Cáma yimo uté gosi to go.–

Lúcas 9:26

Mu Jesús chósi tome ore rĩ: –Mu ujetiga yujórique ayoré ajéngome yadode, yacajnaquéode quigode ore, ga a jé Dupade utocaidi uyu yiji uté gosi isocai ome jne. A yajéngome to jne ujetiga yisápo jnumi rĩ ome yúringárique eduguéjna cuchape. Uje a yoidé tu Yapade ujopié jne gu. Jé aja yapade irótigo jeta ore nóna yu aja jnumi.

2 Timotéo 2:12

Ujetiga yejnárejo yógome uté adode, enga a uté ujode eduguéjna uyoque to jne ujetiga chijna dáringai eduguéjna cuchape aja erámi tuné jne. Mu ujetiga yojnijome yocujórique ayoré: "Que yirajágo uté go." Enga a uté doi yoquisocai tuté to jne enga a chojninga jne: "Que yiraja udore ore to."

1 Juan 2:23

Gosi uje chotigase Jesús úringai Dupade ape enga que cuchárique déji uté ome Yocai Dupade to. Mu gosi uje que otigayaquérique déji Jesús ome úringai Dupade ape enga Yocai Dupade déji uté gosi gari to.

1 Juan 2:28

Yababode uaque á, e yo uacaquique ujetiga jé apúyoja Crísto. Adi tu ujetiga ca yagutúgo yógome uté iquei jne ujetiga diga chiqueta raja yoque. Enga a ca yocuñeque chiraja dajegátigárique jne ome uté.

Apocalípsis 3:8

Yiraja uacapesudode cucha jnese. Yiraja uje que jiei uaque go, mu uacangáchoi yuruode enga que otigáso yu to go. Jecute uacajnei tu ujetiga qué beyoi yiroquéode. Cho jetiga yuchẽre piagórique gai tome uaque ujetiga boyo yuruode údi. Enga que toque ujetiga uñeque suru piagoi tuté gai ome uaque.