Lúcas 12:5 - Dupade Uruode

⁵ Mu a qué yo quigome uaque jne uté gosi ujetiga uacatódi turásu. Uje Dupade u. Uje uté ipesute yocujñapiedie eruéode. Ga uté u to uje ipesute yoquiquigode iji yoquitoringai quigáningo jne. Jé etotiguei cuse to jeta tṍra yógaja gajño pioi jne. Jecute uacatódi urásu Dupade mu ca atodóyo ayorérique.–

Lúcas 12:5 Iomraidhean Croise

Sálmos 9:17

A parãte cucha gajnaréngone ipesusórone ore jnese aja pitoringai, jé aja punirone udore ore jnese uje ore chicadígui Dupade.

Provérbios 14:26

Ujetiga ayorérique tangaripísi Pangarádejnai Dupade ga que cha dangoroné ome Dupade ojningane cucha yui. Enga a uté gosi abode ore irasique re iji dirode jnese jne uje ore dai angureni tu Dupade gu.

Matéo 10:28

Jesús chojningápome ore rĩ: –Ca atodóyo ayoréode uje ore yugode u yocúringane unojo ayorepíso. Chamáñaje que toque ujetiga udore ore chijocasipise yocáyipiedie gotique. Mu uacatódi upusurásu Dupade. Uje que gusu ujetiga ajéraso enga uñeque toi, mu ajepóraso enga chiroguirase uñéngaja gajño pioi.–

Matéo 25:41

Jé u uje eduguéjnai uyu a yojningame yarasé jogosórone jne: "Dupade ujuyaquédatéi gajnesórone uaque á, acayoi quedéjnane ome yu. Uacaquítequiguíji gajño pioi uje Dupade jé ipesudome Satanás, irógode ore nanique. Enga a qué uacagúsoji jne iji deréjna pitade.

Matéo 25:46

Jé u uje a pujuya ore jne iji deréjna pitade. Jé basa ore uje que ore bárique cuse enga a ore chise dacuecaringuéringo jne iji deréjna pitade.–

Matéo 5:22

Mu yojningápome uaque rĩ: ujetiga uñeque ájningaránguipíse ome dojórique ayoré, a jé tiógara to jne ujetiga docoidája pangaránone to. Ujetiga gosi chijnime daru gajnarétigo aja dojórique ayoré enga uté jé tiógara to ujetiga docoidája dacasuté cuchábi, ujode dacasutei ore iquei. Jé chopo rĩ ujetiga uñeque chuca dojórique ayoré, a suse deo ome gajño pioi jne. Socase chicáji.–

Márcos 13:23

Mu ujetiga cuchade udore tocade jne, mu ca jnopise uacajénique jne uje e yimanipise quigode ica uje yingome uaque ica.

1 Tesalonicénses 4:6

Enga jé ca uacuñeque toria dojórique Dupade anguresõre acotéraque. Uje e yingongome uaque bajaque diríca uje Yocangarádejnai a chopise dajuñame uñeque jne ujetiga pésu cucha dacadode udore uñeque.

Hebréos 10:31

Cucha iyiejnapise Dupa uecai ujuyaquei te jne ujetiga yocuñeque gajneque to.

2 Pédro 2:4

Yirajágo uje Dupade que chĩro daroque gateminórone ore isijnaringuéone nanique. Mu tṍra ore aja gajño pioi. Enga noñome ore iji ijnangununie, enga chigaru ore ome ojnaquérodie enga suru ore gai iji te, jé aja ujetiga chajire ore adode aja quigode.

Apocalípsis 14:7

Enga uté chojningame ore iji daru uajádode: –Jé angachopísi Dupade é. Beyoi enga acotáyo uté to é. Deréjnai e u gu ujetiga uté chajire uacadode aja quigode. Beyoi enga acotáyopise uté uje ipesute erámi taningane, jé aja yote quedéjnane, sibíjnane ore jnese é.–

Apocalípsis 15:4

Yocangarádejna, que uñeque déji ujetiga ca todo ua. Que uñeque dépoji rĩ ujetiga ca chisi babai. Gusu ua gu uje ueguipise ua ome pisijnaringuéone. Erámone jogosórone a ore chichaga dagataidie aja baquei jnese jne, enga a ore chicota ua. Uje ore chiraja gu uje jé tiógarapísa bapesudode udore jnese.

Apocalípsis 20:14

Unojo quigade enga Dupade tṍra pitoringai, jnaropié ore aja gajño pioi jnese. Enga pitoringai erueminóripísi tu gajño pioi tuté.