Lúcas 12:1 - Dupade Uruode

¹ Mu udojo quigade ga ayoré dipeséode ore yore aja Jesús ejode ujetiga ore tangári acajnaquéode to. Ga ayorébui udore que ore edóraque cuse. Jecute ore chinguíra raja ñane iji daquigode. Uje cáma ayorébui ore déji jnese, mu Jesús catecã́ri dacadigode ore bajaque ga chósi tome ore: –Ajusópise uaqueo ome uacasocade ga ca beyoi fariséode ore jmapiedie to jne. Chamáñaje táquechoquí ore ome dáringane Dupade irócho gu.

Lúcas 12:1 Iomraidhean Croise

2 Reyes 7:17

Enga israélgosode ore eduguéjnai e chutṍri daroguipı́si uté bajaque ujetiga chajire cucha dacadode yúode iji ore ujuyaquei jorı́dedie iji ore idai gai. Ga iroguipı́si uté u uje ajirique deduguéjnai yúode gatuaque. Mu uje israélgosode ore chayópisiji sı́riagosode ore ugúchade yui, enga eduguéjnai iroguipı́si cṍra iji joride uaté. Enga urasade ore edójnaringuéo ga que ore chidójnanga uté, ga ore chuchiéjna uté iji jnumi ga topı́si. Enga Dupade iroi Eliséo uruode úringane tocachuque jogadi tu uje e chingome eduguéjna cuchábi uté uje chise Eliséo iji iguı́jnai dirı́ca.

Lúcas 11:44

Yosõripísi jóroque Moisés urusarane atatasórone uaque to rĩ. Uje uacapócho uacasijnaringuéone iji uacajéode. Enga táquechoquí uaque. Jecute a uacajnúone u ayoré totique uje ore chijóchame ga tarata iji jnumi ajei. Uje ayorérique a chicai gai mu que ai chise uje idája iji guesi.–

Lúcas 12:56

Ayoréode uaque, uacacotáyo uágome uacarajatigade udojo, mu que arajáyo cuchárique gotique. Uje chiese arajáyo cuchade iji gaté jnese. Chiese arajáyo jnumi jogosórone adode to rĩ. Mu que aninaño Dupade ipesútedatéode go iji uacajade iji dirode udojo jnese.

Lúcas 5:1

Mu chise deréjnai uje Jesús déji yote quedéjnai pijnanai uje yote quedéjnai tuté i tu Genesaret. Enga ayoréburique ore chise Jesús iji to. Ga chacate ore iji mu ore chapédugu yote quedéjnai pijnanai. Mu ore ajegaidi tu ujetiga ore chudute Dupade ujnomei to.

Lúcas 5:15

Mu Jesús úringai ujnomerãque chubu erámi ome ayoréode ore. Jecute ore timíninga Jesús aja tijode ujetiga ore tangári acajnaquéode. Ga jé u to ujetiga chiqueta ore ujáningo ome ore ejnarétigo.

Lúcas 6:17

Mu uje quene Jesús doi jnumi iji cucarani tuté ga jé u uje Jesús acadigode ore chamáta ñane aja jnup edo. Ga ayoréburique ore chise ore iji uje ore tṍraji punirone jnese. Enga uñéngo ore tṍraji ore uniri uje i tu Judéa. Jé uñéngo ore tṍraji ore idáidatéi uje i u Jerusalén. Jé uñane ore tṍraji dedáyode iji yote quedéjnai edúdode uje uñai i tu Tíro. Jé uñai i tu Sidón. Enga ore tibágui Jesús gu ujetiga ore tangári acajnaquéode to. Jé uñane tibágui ome dejnaréngone ujetiga chiqueta ore ome to.

Héchos 21:20

Uje ore chudute Páblo ojñane udore enga ore chacãre Dupade gai enga ore chojningame Páblo: –Ueracho bojñane mu bamo to uje jiépisi judíode uje ore changureta Jesús to. Enga udore ore chajo rágaja jnese ujetiga judíode uyoque jé yicoi Moisés iroquéode quigode to.

1 Coríntios 15:3

Yingo yajnéone pacajnaqué ueradéjnapis ome uaque ica. Enga chopise ore urusarane Dupade urúo quigode to. Enga u uje Crísto toi ome yoquisijnaringuéone.

Hebréos 12:22

Jé basa ga uaque enga uacajoso cucarãte Sión yui, jé aja Dupade uecai idáidatéi yui rĩ. Uje Dupade idáidatéi tuté i u Jerusalén gateminóri. Enga uacoyo uacarasade iji Dupade iroque dipeséode iji gaté.

Santiágo 3:17

Mu ujetiga uacarajatigai garani upúsu Dupade enga a apijochopise jne ome uacáringane ayoré omipíso. Enga uacacuei a u pajesereringai ome ñane jne. Enga a caniranguipise uágome ñane to. Enga a anejénaño ñane údode to jne rĩ. Enga a osõrataque uaque jne ome ñane. Enga uacáyipiedie a jogadípise cucha omone quitígo jne ujetiga apéso. Enga a eduyo uacaru uréone gatuaque ome ñane. Chamáñaje ũrepise uaque gu.

1 Pédro 2:1

Jecute ayáyo to cucha gajnaréngone jnese: paringaquéode, purupatáringane ore. Enga ca aratáyiñome cuchade ome uacojode ayoréo. Enga ayáyo to uje ajnicho uñane adode.