Lúcas 11:9 - Dupade Uruode

^9-10 Jesús cho cuchade udore quigome ore ga chósi tome ore: –Gajnui tu ujetiga acatecãchoi Dupade. Atáyoi uacajegaitígo cucha ome Dupade enga a chisi ome uaque jne. Isocai jé u gu ujetiga gosi chucué cuchárique, diga a chise. Isocai jé upo rĩ ome uacuñeque ujetiga uacuñeque pota chacája guiguíjnarique ga doi ga chujé piagoi bajaque. Ga jé jogadi u ujeta pucherángai ome uté gosi. Ga jé uaque gosi doi dajmapiedie udire ome Dupade to ujetiga uaque gosi chutai cucháriguiji Dupade ga Dupade a jĩrique tẽrája uacuñeque jne.–

Lúcas 11:9 Iomraidhean Croise

Sálmos 118:5

Yáyuguhebátigade u uje yibidi Pangarádejnai, ga uté chajnai yu ga chijnime yu iji udore jmainie.

Sálmos 27:4

Gusu cucha chojmarai uje yutáji Pangarádejnai, ga a jé yucueguipísi tu uté jne ome yu. Ga u ujetiga yugúsi Pangarádejnai uté iguíjna cuchábi ajei gatuaque jé iji dirode jnese uje qué yiqueca iji erámi. Ga a yitoji Pangarádejnai uté ingoningájnai gai jne, ga a jé yucué uté ayuquetotiguei quigode ome yu iji iguíjna cuchábi uté to jne.

Sálmos 27:8

Uje bojninga: –Acué yenochai ome ua.– Ga jé u uje yáyipie chojningame ua: –Benochai jé u, Pangarádejná, uje a yucué ome yu jne.–

Sálmos 34:10

Caraté ucatóguedie a ore potique cucha chona ore, ga ore chejnáreque dayaguhénique, mu que cucha onique chona udore ore gotique uje ore chucué Pangarádejnai ome re.

Sálmos 34:4

Yucué Pangarádejnai uté ome yu, enga uté chajnai yu ga chirame yu iji yitódode cucha jnese jmainie.

Sálmos 50:15

Enga abichoi yu iji uacajnenie pujurei dire, ga a yijnime uáguiji udire jmainie jne, enga a jé u ujetiga asíyo yibai jne.–

Daniel 9:3

Yujnusina udojo ga yicatecã́ri Dupade ome yujode israélgose ore iji yocuniri. Ga jnusiétaque yu ga yiji yiguidé ojorẽ́ ga yigui uje chichagu yibai teque-teque, ga yácariji puchucurui ome yúringai áyuguhebátaque. Ga yo yuyágome yu.

Matéo 21:22

Dupade a chisi ome uacataitígo cucha ome uaque jnese jne ujetiga anguretáyopise.–

Matéo 21:31

¿Jé gáreode udore uñeque gaite dai iroquei a?– Mu ore chojninga: –Bajai gaite erĩ́e.– Enga Jesús chojningame ore: –Jé ũré yu uje uaquetégode uje ore chutai uacaplátadie ome deduguéjnane, jé aja dibéchoquídie, a ore chise dáringáringo Dupade urása jne. Jé basa que pimo uaque ujetiga eso to jne.

Matéo 6:29

Enga udire sué eduguéjna cuchábi Salomón gai ome dahueratigai. Ueradei eduguéjna cuchábi Salomón iguidedie to nanique múñi.

Márcos 11:24

Jecute yuruode quigode jé u udore ome uaque jnese: cuchade jnese ujetiga atáyoi Dupade enga ca ayáyo uacangoroné ome. Mu ejnáñopise uágaja uacanguretigárigo ome uté yui, ga a jé u jne ujetiga pisi ome cuchárique uté ome uaque gosi.

Márcos 13:37

Que gusu uje yuruode udojo gajnengórone u uaque mu yojningane upo yududisórone uaque jnese to rĩ ujetiga ãrijínañopísa uaquejode gatuaque to.–

Juan 14:13

Cuchade jnese ujetiga atáyoji Dupade gu uacanguretigai iji yi enga a yipésu ome uaque jne. Uje yigaidi u gu ujetiga Dupade Abi uyu yingo Yai ingoningájnai aja uaque.

Juan 15:16

Que uacajegaite yu nanique mu uyu u uje yajegaite uaque. Enga yiroque uágaja erámi ujetiga amácho ayoré uásejnane aja yu. Enga uacamaningone udore a jogate jne iji deréjnane jnese. Enga uacadie u uacamaningone udore cucha. Enga Yai a chisi ome uacataidode cucha jnese ome uaque gu uacanguretigai iji yu.

Juan 15:7

Ujetiga jé ajóyo uágaja yu enga que acadíchoi yacajnaquéode quigode enga jogadi u jne ujetiga atáyoi uacajegaitígo cucha iji Yai enga a chisi ome uaque.

Juan 4:10

Mu Jesús chajnai samáriagoto uaté enga chojninga: –Ísega ca araja to uje Dupade pota ujetiga chisi ome cuchadatei ome ua. Enga a ca araja uyu gosi uje yutai yodi iji ua. Ujetiga arajárase yu enga a atárasi yodi iji yu enga a yisírasome yote uecai ome ua.–

Romános 2:7

Uje ome gosode ujetiga ore chidota re iji date arégode gatuaque, enga a ore chimo oredie, ga ueradei oredie uje Dupade a chisı́ome ore jne. Yojningane u udore uje ore ajegáitedatéi tu dáringárique pisı́gai ome Dupade uté, enga ore chejna daguesi ome cucha eyúgojmane, uje Dupade ingoningájnai u, enga ore jnusi rome Dupade guerani pucuecaringué uté yui uje que eruénique cuse. Ujetiga gosi isocai tu uté, enga Dupade a cho gosi oré ga oré tu pucuecaringué eyúgojmai iji deréjna pitade jnese jne.

2 Coríntios 6:2

Uje Dupade chósi te nanique iji ore urusarane uté urúo: "E yico deréjnai ujetiga yangári ua. Chamáñaje e yimate cuchade aja quigode gu ujetiga piquetaque ua iji." Enga e yico Dupade ojningai uté dire ujetiga chiqueta yóguiji.

Hebréos 11:6

Que toc ujetiga Dupade irasique uñeque atique ujetiga jé ca panguretigai déji uñeque. Jecute ujetiga gosi pota ujetiga chise Dupade enga uté gosi doi enga ca chotigase Dupade úringai Dupa jne. Enga changuretapise Dupade to ome úringai posõrangore uje jecucha chisi ome cucha arégode ome dacuesórone ore jnese.

Hebréos 4:16

Jecute jé ca yagutúgo yoque jne ujetiga yicatecãcoi yoquijnorangóri Dupade. A yibájoi Dupade jne enga a jĩraque chosõre yoque jne enga chátaja yoque iji yocajnéone petingaquéo jnese.

Santiágo 1:5

Mu ujetiga uaque gosi ca chiraja dasocáringome re, enga uté gosi doi enga catecã́ri Dupade ome re. Enga jogadi a u uté jne ujetiga Dupade chisi ome payuquetotiguei ome uté gosi. Chamáñaje caniranguipise Dupade ome yoque, enga que dojnóngaja yoque ome payuquetotiguei yui, enga a chisi ome yoque jne.

Santiágo 5:15

Enga ujetiga panguretigai nonapísa ore icatecãraitigade ome uté gosi, enga a piquetaque ejnarétai tuté jne. Enga Yocangarádejnai a chatire ijóningárique gai jne. Ujetiga ejnarétai tuté pésu cucha gajnarétique, mu Yocangarádejnai a chĩro to jne.

1 Juan 3:22

Enga a Dupade chisi ome yoquimeserane cucha jnese ome yoque jne ujetiga yutágoi. Yicoi uruode gu, enga yipéco uté irasigode cucha gatuaque.

Apocalípsis 2:24

Mu que tiatíragosode uacuñane doi uaté acajnaqué tágode to ome re. Uje chiese uaté angarásoningo chirajárase Satanás isocádatérigo to ujetiga ore chirate, uje chiese cucha pibojma jne. Jecute yo uacaquique ome cuchade udore: