Lúcas 11:4 - Dupade Uruode

⁴ Ãrope yoquisijnaringuéone gajneri ga yiyagobu yocájningane ome ñane to jne rĩ. Ca ajuéga yógome pisijnaringuéone ujetiga pota chetingare yoc. Mu ãraque uyógome pisijnaringuéone jnese.

Lúcas 11:4 Iomraidhean Croise

1 Reyes 8:34

Enga be ga angaripı́si ore uru quigode iji bedáidatéi iji gaté. Enga ãro barasade israélgose ore ate gajnaréngone to jne. Enga be ga atirépo ore aja ore dáqui cásodicáite gajnei punire rı̃ uje beranome ore nanique.–

Sálmos 121:7

Pangarádejnai a chusípise beo ome cucha noñángone jnese jne. Ga a uté chuse bacuecaringuei guio to jne.

Sálmos 25:11

Pangarádejná, urénga, yipesudi cucha gajnareque querúpise. Mu be ga acadígui yipesudi uté pisijnaringué, u gu uje bajnóra bei ueradi uté úringai pisígai.

Sálmos 25:18

Cajmitape yáyuguhebátigade udore, jé aja yejnaréngone udore cucha, enga ãro yate gajnaréngone udore ore jnese.

Daniel 9:19

'Yangureni Dupade á, ¡osõre yoque enga angári yoque, enga acadígui yocate gajnaréngone udore! ¡Be ga átaja yoque, Dupade á! Que gusu yoque uje yutai ua ome yoque, Dupade á. Mu yutai ua ome bedáidatéi, barasade ore jnese. Dupade ¡jé ca udojo igasíquéo jne! Uje yogota yuruode iji jnumi ome ua. ¡Jĩraque aquĩ́ra udojo ome yoque!'

Matéo 18:35

Uje Jesús chejna daruode udore guesi enga chojningame ore: –Yai Dupade iji gaté a isocai jé u unojo jne ome uaque ujetiga ca acadichopísi uñane adode.–

Matéo 26:41

Ãrijínaño uaquejode. Beyoi enga acatecãchoi Dupade ome uaque. Ujetiga pequetingarãque uaque jne marínga, ca pijnimique uacãrírique. Jé ũré uje uacáyipiedie chóji gaté ome yu, mu uacáringai ayoré uné u gu uje cho jnóro.–

Lúcas 11:5

Enga Jesús e chacate ore ome picatecãraitigade ome Dupade gaté ga chósi tome ore: –A uacuñeque dérasi ujetiga jõrapísirique di iji uacuñeque iguíjnarique iji dejnínga gatócororaque ujetiga chiringare uaque gosi. Ga chojningame uaque gosi: "Yijõra, be ga asiamome arureque gadiótigo ome yu ga yijnama jne.

Lúcas 13:4

E uacadúcho jnese uje jnanione uñane uje gadioc ore iji yirídai uñai ore toi to uje ore ora cototé gajnua péro ore gai diríca iji Siloé. A ajoso ati ore úringane máraque sué jerusaléngosode uñane ore gai. Jecute cucha dacadode udore chise ore.

Lúcas 22:46

Jecute Jesús chojningame ore: –¿Jé gotique gu a uje uacamóño a? Ãrijínaño uaquejode ga acatecãchoi Dupade ujetiga etoguipise uáguiji uacanguretigai ujetiga ca petingaquérique chibote uaque jne.–

Lúcas 8:13

Enga ome cucha ajñunie udire uje basája cucaranépitabui, gajnui tu ayorérique uje chudute Dupade uruode ga ca chise unerotiguérique. Changureta mu a cachi anguretíga uje petingaquéode chise uté gosi ga jĩrique anguretigai doi jnumi uje garósi anguretigai gu. Ga jĩrique cha.

Juan 17:15

Que yingome ua ujetiga ajnime ore iji erámi, mu arote ore ome Satanás.

1 Coríntios 10:13

Uacajnéone petingaquéo que gusu ome uaque go, mu petingaqué ponáyone déji ome erámi unirisórone uyoque jnese. Mu ũrepise Dupade ome daruode uje a ca chõre uacajnéone petingaquéo rĩ ome uaque ujetiga ca atiócho. Ujetiga petingaquérique e chise uaque mu a jĩraque Dupade chisi ome petotiguei ome uaque ujetiga adotáyo uaque ome udore. Enga a chingo uacasocárique ome uaque jne ujetiga eso petingaquei tuté uéchai.

Colosénses 3:13

Yirajágo uje Crísto chĩro yoquisijnaringuéone jnese nanique, enga que jnusinápo rĩ. Jecute beyoi uté adode to enga adotáyo uágome uacojode ayoré ate gajnaréngone ome uaque. Enga jĩraque acadíchoi uaquetétigade ome ore to.

2 Tesalonicénses 3:3

Yocangarádejnai que ajéninga darúrique, jecute a chisi ome petotiguei ome uaque jne. Enga a chirodápo uaque jne rĩ ome cucha gajnaréngone jnese.

2 Timotéo 4:18

Enga a jecucha doi enga chãraque yu iji yajnetígo cucha gajnarécho jnese jne. Enga a suse yio jne jé aja ujetiga yise uniri tiji gaté. Beyoi enga jecucha yicotágo Dupade iji deréjnane jnese ome ingoningájnai. Amén.

Santiágo 2:13

Mu ujetiga ca yosṍco yocujórique ayoré iji dirode unojo, enga Dupade a ca chosõre yoque to jne ujetiga chajire yoquipesudode cucha aja quigode. Mu ujeta yosṍco yocujode ayoré iji dirode unojo, enga Dupade a chosõre yoque to jne ujeta chajire yoquipesudode cucha aja quigode. Enga a cho jne ujetiga yujnuéngo yocajnei tuté Dupade ujuyaqueque gai.

Apocalípsis 2:10

A ejnárecho uaque jne, mu ca atodóyo yui jne. Chamáñaje Satanás a chetingare uacanguretigade jnese jne gu. Enga a ore suru uacuñane gáyode jne iji soldádode iguíjnane. Mu a ejnárechopise uacajnéone petingaquéo udore jne jé aja díningo ujetiga chejna yijmanáyone. A ore chujé uacuñane jne mu ujetiga gosi jno danguretigai údi jne ome yu jé aja datoringárique, enga jogadi a u jne ujetiga yẽrája uté gosi. Enga a yerani u pucuecaringué eyúgojmai jne ome uté gosi.

Apocalípsis 3:10

Uaque u uje uacabeyopísi yuruode quigode uje yojninga: adotáyo uáguiji petingaquéode jmainie jne. Jecute a yãraque uaque jne ujetiga diga pequetingaquéode chise erámi jnese. Chamáñaje a yetingaco erámi unirisórone ore jnese jne gu iji erámi údode.