Lúcas 10:9 - Dupade Uruode

⁹ Ajnusi uágome ejnarétatigo ujetiga aquetáyope ore iji ore idai tuté. Acacho ore ome Dupade adode enga angoñome ore uje e idógosi ujetiga Dupade cho darasade iji dameserãsórone.

Lúcas 10:9 Iomraidhean Croise

Daniel 2:44

Iji peduguéjna ejode udojo úringane eduguéjna cuchape quigade ga Dupade uje déji gaté a chiroque peduguéjna cuchátique aja ore jne jeta jé ca uté chise deruénique. Enga que eduguéjna uñeque déji punínique jne jeta doi ga sué uté gai. A ca ayoré eduguéjna dépoji erã́tique jne rĩ ujeta Dupade ojningai uté peduguéjna cuchape gotique e di.

Matéo 3:2

Enga Juan acajnaquéode qui tu uje chojninga: –Ecãcho uacajéode. Ayáyopo uacate bajade rĩ, uje e idógosi ujetiga Dupade chijna dáringa dacasuté cuchabe aja jnumi uné.–

Matéo 4:17

Jesús e chacate capernaúmgosode enga chojninga: –Ayáyo uacasoca gajnaréngone ome Dupade. Uje e idógosi ujetiga Dupade chijna dáringa dacasuté cuchabe aja erámi uné.–

Márcos 4:30

Jesús qué jno darai údi enga chojninga: –¿Jé Dupade úringárique yocurása yocorási ringome ujetiga yicoi uté gajnúringuiji cuchade a?

Márcos 6:13

Enga ore tṍra Satanás utocaidode aja guesode iji píode ayoré ore to. Enga ore chojnepo aceite rĩ aja ejnaretade ore gáyode rĩ. Ga jé u uje ore chiqueta ore iji ore ejnaréngone to.

Lúcas 10:10

Mu ujetiga uaqueyai tuté ore chetaguipise uacacajnaquéode ga beyoi ga ajnáño dajei aja ore idai guetique, ga ojnichome ore:

Lúcas 10:11

"Cajicho yoque to é. Uje jé yátagoja jnumi isapídode iji yoquirídade uje yijninguéco aja uaque. Ga udojo imoi tu uje yetajopise uacadode ome yoque. Yocósi te ome uaque gu ujetiga arajáyo to uje Dupade ujnomei e idógosipísiji uaque ujetiga aduchorase to. Mu uaquetácho uyógome uaquedai."–

Lúcas 9:2

Enga chiroque ore aja ujetiga ore jno Dupade ujnomei údi aja erámi údode. Ujetiga ore chiqueta ayoré ejnaretade ore to iji ore ejnaréngone.

Juan 3:3

Jesús chajnai Nicodémo enga chojninga: –Jé ũrepise yu ome yuruode udore: ujetiga Dupade ca chinoningase gosi enga a ca togome gosi ujetiga chimo dáringárique Dupade urása. Enga gosi chise dáringárique Dupade urása enga gajnui u ujetiga quene basosi.–

Juan 3:5

Jesús chajnai Nicodémo ga chojninga: –Jé ũrepise yu ome yuruode udojo: ujetiga gosi chedu dabatiga ayorei a ca uté gosi chimo dáringárique Dupade urása jne. Mu ujetiga Dupade Ujopié chinoningase gosi enga úringai Dupade urása jogadi u.

Héchos 28:28

Adójningachó gajneri uje Dupade a chingo dáringai piquetangore ome purása quedéjnane iji erámone jnese uje que judío ore gotique. Enga a ore tangári jne.–

Héchos 28:31

Enga Páblo jno dacajnaquéode údi ome ayoréode gatuaque, gatuaque enga que pijocayagome acajnaquéode udore gotique. Jecute chingo isocai ome ore ujetiga ore chise dáringáringo purása ome Dupade ujetiga Dupade u ore asuté to. Enga chacadápo ore rĩ ome Yocangarádejnai Jesucrísto adode.