Lúcas 10:7 - Dupade Uruode

⁷ Jé ca uacáyipiedie déji ujetiga asõchóji ore idai údode ujetiga ecãcho uacapusiétigo. Jé ayáyoji uacapusiétique bajai uté gari enga acho uté gueranone piboso ome uaque jne. Chamáñaje ujetiga uaque gosode doi Dupade iroquéode ga jé tiógara ujetiga ore chosõre uaque.

Lúcas 10:7 Iomraidhean Croise

Márcos 6:10

Jesús chojningápome ore rĩ: Ujetiga eso uacapusiétique enga ayáyoji uté jé aja uacacoringárique.

Lúcas 10:6

Ujetiga jec ũré enga ayoré parai uté enga a uacaruode udore quigode a tocade ome ore jne. Jé basa ujetiga ca ayoré paraque uté enga a ca uacaruode tocade ome ore jne.

Lúcas 9:4

Mu ujetiga eso uacaquitique guidai ga ayorérique dejéna uaque aja daguíjnarique ga ca ecãcho uacayaripírique guiguíjna. Ga jé asáchoja jeta boyo iji ore idai uté.

Héchos 16:15

Diga changureta Jesús to, jé aja iguíjnai jogosórone ore. Jecute ore tṍra ore aja yodi jnese. Udojo quigade enga Lídia chojningame yoque: –Ujetiga jec ũré yu uje yangureta Yocangarádejnai Jesús ome uaque enga ajínaño yu aja yiguíjnai enga ácayoji.– Chaquĩ́rapise yóguiji daguíjnai jecute yácagoji.

Héchos 16:34

Udojo quigade ga ore jurúgaisṍri chijna Páblo, Sílas ore aja daguíjnai ujetiga chisi ore iji dabotígo. Enga ore jurúgaisṍri irasiguipise re uje e changureta Dupade to. Enga jé ate jogasui ore to uje ore irasique raque to ome dáringane Dupade anguretasóño.

Héchos 16:40

Uje Páblo, Sílas ore doi guesi tiji dáringane pujurúgai enga ore chicapóji Lídia iguíjnai bajaque enga ore catecãripísi dojode Jesús anguretasóño ujetiga ore chejna rángaja Dupade adode. Enga jé u uje ore jno.

Gálatas 6:6

Ujetiga pacadique gosi ome Crísto adode enga omi tu ujetiga uté gosi tẽrája dacadisṍri ome dẽratígo cucha omío.

1 Timotéo 5:13

Ujetiga ore diguiji guidai údode bisideque, enga diga a ore cutapome dasagode cucha rĩ. Mu que gusu uje ore cuta, mu a jutaréguechoquí ore to rĩ, enga a ca ore susípise daruode guio gotique jne.

2 Timotéo 2:6

Isocai jé u ome ayorérigo uje ore pésu dejnane. Ore isi bajai urásu uté gosi uje que chacho pésu dejnane uje diga e timate ore acade cucha.