Lúcas 10:6 - Dupade Uruode

⁶ Ujetiga jec ũré enga ayoré parai uté enga a uacaruode udore quigode a tocade ome ore jne. Jé basa ujetiga ca ayoré paraque uté enga a ca uacaruode tocade ome ore jne.

Lúcas 10:6 Iomraidhean Croise

Sálmos 35:13

Mu uje dequejnaréngone ipatigayaque udore ore ga yigui yiguidé uje chichagu yibai tec, teque, uje pujnusiétigai imoto yiguidé uaté. Ga yijosi yu iji jnumi ome yúringai uyataque. Mu ¿chimo jóroque re gotique? uje que pichajnaite yicatecãráitigade udore go, ga yicatecãráitigade ore chajníja yibai.

Isaías 9:6

¡Israélgosode á, pininaquei jogadi tu ome yoque uje quene disatique basosi que iji diri tudé á! Ga Dupade guẽrate disabi suté ome yoque. Ga a uté u jne ujeta yoco yoqueduguéjna cuchábi iji uté to. Enga a ore pésu uté i ueradéjnaringo jne ga íode u udojo jne: Cucha Pitijabátedatépisi u íode uñai. Ga íode uñai tu Payuquetotigué Omone Gajnengóri. Ga íode uñai tupo Yocai Togójmai to rĩ. Ga íode uñai u Peduguéjna Cuchape uje Pajesereringai Osṍri tu uté.

Lúcas 10:5

Mu ujetiga eso uacajegaidi tuté uacaquique ga añuchopúsu uacarúrigo quitique guio ome uacapusiétique guiguíjna iguíjnasónique. Enga ojnichome jne: "Yajéode u ujetiga pajesereringai ca íjnoque iji uaque iji uacajogadi udé."

Lúcas 10:7

Jé ca uacáyipiedie déji ujetiga asõchóji ore idai údode ujetiga ecãcho uacapusiétigo. Jé ayáyoji uacapusiétique bajai uté gari enga acho uté gueranone piboso ome uaque jne. Chamáñaje ujetiga uaque gosode doi Dupade iroquéode ga jé tiógara ujetiga ore chosõre uaque.

Efésios 5:6

Yijorane uaque á, a uñane pota chãra uágome cuchade udojo, uje chiese ga ca puyaque pisijnaringuéiso udore ome Dupade. ¡Mu jé ca oyo ũréji ore aringaqué bisidégode udore! Ore gaidi tu ujetiga ore chorei uáguiji quedéjnarique ome Dupade gu. Mu que potigayaquérique déji uje Dupade ájningadatéi a tocade jne ome udore ore uje ore pésu cucha gajnaréngone udore.

2 Tesalonicénses 3:16

Yocajéode u ujetiga Yocangarádejnai uté uje chisi ome pajesereringane ome ayoréode, enga chisi ome uaque to iji dirode jnese. Ujetiga tijode chopo jnángome uaque rĩ iji cucha dacadode ore jnese. Yocajéode upo rĩ ujetiga Yocangarádejnai Jesucrísto déji uacari jnese jne.

Santiágo 3:18

Uté gosi ujetiga chucué pajesereringai ome re, enga doi enga chedupísiji dajei. Enga diga pajesereringai iji uté gosi ajei tṍra cucha omone aja guesi iji uté gosi ajei gatuaque jne. Enga úringai ate omi pijógome ore jnese.

1 Pédro 1:14

Oyo disi uje angoninguite guesaque enga tangaripísi dayé. Enga ca beyoi uacate baja casodica uje gajnarécho ica uje cáma anguretáyo Dupade to.

1 Samuel 25:17

Mu babai adode noñanguipísome udore ore que, ga iyieja David jocaningárique yui ome babai, jogasui uaque jnese. A pota cho dajocaningame yoque. Jecute acué basocáringome David uté jeta aquĩ́ra uté ome ájningai. Ja seca tangári ua jne enga ¡jé ca socárome yoque jne é!–