Lúcas 10:5 - Dupade Uruode

⁵ Mu ujetiga eso uacajegaidi tuté uacaquique ga añuchopúsu uacarúrigo quitique guio ome uacapusiétique guiguíjna iguíjnasónique. Enga ojnichome jne: "Yajéode u ujetiga pajesereringai ca íjnoque iji uaque iji uacajogadi udé."

Lúcas 10:5 Iomraidhean Croise

Lúcas 10:4

Boyo mu jé ca acueyoi uacajnutique cucha jne. Jé aja uacoidéraque uacapláta. Jé aja uacarídai gatérigo. Mu oyo caru aja uacaquitique erãpe uté. Ca ajnaséchoji uacaqui tuté yui.

Lúcas 10:6

Ujetiga jec ũré enga ayoré parai uté enga a uacaruode udore quigode a tocade ome ore jne. Jé basa ujetiga ca ayoré paraque uté enga a ca uacaruode tocade ome ore jne.

Lúcas 19:9

Jecute Jesús catecã́ri ayorébui ore iji dejode ga chósi tome ore: –E yipáñangopísiji uje jnani tuté úringai piquetaque chise iji de deréjnai. Ga a chisápo uté jogasui ore to jne rĩ. Uje ore gãrapi tu jnani bajai Abraham gu.

Héchos 10:36

Jesucrísto u uje di Dupade uruode údi ome jnani bajai Israel ape disi ejode uyoque ujetiga pajesereringai chise yoque ome adode. Mu que gusu israélgosode uje yocangarádejnai u Jesucrísto mu uté gajneque erámi jnese, jecute jé tiógara ujetiga ore cho dangarádejnai iji to iji erámi údode.

Efésios 2:17

Uje Crísto di iji erámi nanique enga chatata pujnomé ueradi uté uje júdi u pajesereringai adode. Enga Crísto chapuse yógaja jnese ome dacajnaquéode. Uté chacate purása quedéjnane uaque uje idája uáguiji Dupade nanique. Jé basa ga acajnaquéode gajnesórone jé upo judíode uyoque rĩ uje idógosi yóguiji Dupade uté, uje Dupade cho darása iji judíode uyoque gu.

1 Samuel 25:6

Enga ore jno David uruode údi ome uté rĩ ga ore chojningame uté: "Yoquirósõri chósi tome uaque: 'Yijorámi á, ¡yipésupú ga Dupade chatapísaja ua, jé aja bacoté, babode uaque jne jõ!