Lúcas 10:4 - Dupade Uruode

⁴ Boyo mu jé ca acueyoi uacajnutique cucha jne. Jé aja uacoidéraque uacapláta. Jé aja uacarídai gatérigo. Mu oyo caru aja uacaquitique erãpe uté. Ca ajnaséchoji uacaqui tuté yui.

Lúcas 10:4 Iomraidhean Croise

Génesis 24:33

Enga jé u uje ore tibidi Abraham iroguipísi ujetiga tagu ore posode to. Mu Abraham iroguipísi chojninga: –Cáma toque jetiga e yaque to. Chamáñaje cáma yingo yirósõri uruode ome uaque gu.– Enga jé u uje Labán catecã́ri enga chojninga: –Be enga angome yoque barósõri uruode gotígo.–

Génesis 24:56

Mu Abraham iroguipísi chojninga: –Úngare. Ca ajochapo yajei údi rĩ enga yajníngo to ga yicagopóji yirósõri te jne ga yingongome yocojñane ome jne uje Dupade chatapísaja yóguiji udojo gu enga e yejnángo iroquéode aja guesi gu.–

2 Reyes 4:24

Quigade enga uaté chiroque daroi aja oruti burica quedéjna yui ujetiga chigaru ugúchade aja gai. Ga iroi nóna darósõri acoté taja dajei, ga uté chijñaque chequé iji oruti burica quedéjna gai. Ga chequé chojningame daroi: –¡Yico, ga yaguitógopı́saja proféta uté yui! Enga jé ca abásape to iji yui. Gusu ujetiga yaquı̃́ra ua, enga quene abase.–

2 Reyes 4:29

Enga Eliséo chosõre uaté yui uje chudute uruode udore, ga chósi tome daroi Giézi uté: –¡Aguito ga ajñuque baguidé umarejna uaté aja gaté ga ajose eruéode aja bagarubi údi, ujetiga ibisoque ua ga ayópise aja disi togábi suté yui jne! Enga jé ca abası́ji yúrique. A gosi pota chaquı̃́ra ua jeta chisı́rasome dasalúdode ome ua, mu jé ca abásape ga ca ası́ome barasitigade ome uté to.– Enga Eliséo chopósi tome daroi gaté rı̃: –Ajna yogué uaté to aja bajesui ga a ese disi jne iji guijnatajei ga ajé yogué aja edodie gai jne.–

Provérbios 4:25

Be ga báyipie jogadípise baquei gatuaque. Ga jé ca báyipie dépoji baquiga casodé rĩ.

Márcos 6:7

Enga Jesús chamáta dacadigode aja dari uje gare ore iji yirídai ujetiga chajuguína óraja tijode. Enga gare ore aja ñane aja ore quigode ujetiga ore jno Dupade uruode údi. Enga chisi ome dajopié tome ore to ujetiga ore chiqueta Satanás utocaidode pírigo ore to.

Lúcas 22:35

Jesús cho quique darógode ga chósi tome ore: –¿Ga ajnusináño to a uje yiroque uágaja erámi nanique? Ga yojningame uaque nanique: "Ca ajnócho uaquepétique, ga jé aja uacaplátaraque. Jé aja uacachiétigo uñane ujetiga boyo yujnomei údi." Uje uacaboyo nanique iji uacajesui tuté erãpe ¿ga cuchárique chona uaque a?– Mu ore chojningame: –Úngare, que cuchárique chona yoque gotique.–

1 Samuel 21:8

David qué jno daruode údi ome Ahimelec ga chojninga: –¿Ama, jé cõráchatique déji bari a? Asṍreraque, quesérique uñeque. Uje yedójnaringuéo diríca gu uje ibisoque yógaja yocajesui ome eduguéjna cuchábi Saúl diríca. Jecute que yucué yõráchacho to diríca.–