Lúcas 10:2 - Dupade Uruode

² Jecute Jesús chacãra dacajnaquéode aja cucha pĩrátique enga chojninga: –Yoquipesudode udojo cucha ome Dupade, gajnúone u cucha pĩrátique uje sué yoquibai uje garósi uyógome. Ga jé jogadi tu ujetiga qué yutocobi Dupade ujetiga chṍrape uyoque ome yoquisai tuté cucha.–

Lúcas 10:2 Iomraidhean Croise

1 Reyes 18:22

Ga jé u uje Elı́as uté qué jnopo daruode údi ome ore rı̃, enga chojninga: –Jé ũré yu arı̃a uje gusúpusu uecai tu yu iji Pangarádejnai uté angúroméone proféta udore ujade jnese. Jé basa ga uacangureni tuté ayoré gajnu uje i tu Baal irógode ore batigai chise 450.

Sálmos 68:11

Dupade chatata dojña quigode, ga chequé dipesedie udire u uje ore chigójna udore gai.

Números 11:17

Ga Dupade chojninga: –A yiji jnumi jne enga a yicatecã́ri ua iji ore edominone to jne. Enga a yajuguína baríjogoto Yujopié Espíritu Sánto ga a yĩrája Yujopié tuaté aja bajorane udore ore ajéode to. Ga jé u jne jeta ore nóna ua aja quedéjnane to enga jé u jne jeta ore chátaja ua to ome gáguedaté tuaté to. Enga a jé ca gusu ua jeta barote gáguedaté uaté to.

Números 11:29

Mu Moisés chojninga: –¿Ama atodo jeta ore sué yibai ome darajatígadatéode to a? Ga jé ore dóji to ga ore chatata darajatígadatéode to. Yipésupú ga Dupade Ujopiédaté Espíritu Sánto irágurásu yurasade ajéode jnese to jõ, ga ore chatatarása Dupade uru iyiejájnane ome ñane to jnese jõ.–

Matéo 20:1

Ujetiga Dupade e di dáringai eduguéjna údi iji jnumone enga a isocai tu jnanírique uje chobere aja dajesúrique uje chucué darótigo ujetiga ore na acadie úvai.

Márcos 13:34

Cuchade udore isocai tu jnanírique uje chiraja dacoringárique yui ujetiga idájapise quitique ga qué cho quique darógode ore ome ore isatígo iji uté quigade. Enga pésu jnanírique to ujetiga cháji iguíjnai piagoi ujetiga timíninga cuchade jnese aja quigode iji.

Márcos 16:15

Enga jé jogadi u uje chojningame ore: –Boyo jne ga angoño yujnomei tome óriji erámone údode jnese jne, ujetiga ore chise dáringáringo piquetacho jnese to jne.

Márcos 16:20

Mu acadigode ore doi Jesús uruode quigode ga ore jnome erámone ujetiga ore chacate ayoréode ore iji, ujetiga ore chise dáringáringo piquetacho iji erámone údode jnese. Mu ore agutíyamáni jé upúsu Jesús uje ore cho dangarádejnai iji uté nanique. Enga tẽrápisa dajopié ome udore ore gu ujetiga ore pésu dapesútedatérigo iji ayorébui ore ujade, ujetiga diga ore chisípise dáringárique pangurecho ome datatagode Dupade urúo. Amén. Qui jé upúsu.

Lúcas 9:1

Jecute chise dínique uje Jesús chamáta dacadigode ore uje gare ore iji yirídai ujetiga tẽramája ore ome dajopié ujetiga ore jno ga ore chiquetape ejnaretade ore to. Ujetiga ore chijócãrape Satanás utocaidode iji píode ore to.

Héchos 11:19

Uje ore chujé Estéban ica ga ore chopo damajo Jesús anguretasórone uñane to rĩ. Jecute uñane chayome damajosórone enga ore chicáji ore idai Fenícia. Jec uñane chicáji Chipre. Jec uñane chicáji Antioquía. Enga ore chacate ore iji pidáyode udore jnese ome Jesús adode. Mu ore acajnaquéode gajnengórone u judíode enga que ore chacate purása quedéjnane to.

Héchos 13:2

Dire uñai uje udore ore catecã́ri Dupade iji ñane gari enga ore chopo uyatáguiji re rĩ ome dacatecãraitigade ome Dupade. Enga jé u uje Espíritu Sánto catecã́ri ore enga chojninga: –Angaráño Sáulo, Bernabé ore jogatígome uaque ujetiga ore doi yiroquei uñeque uje e yimánome ore.–

Héchos 13:4

Enga Bernabé, Sáulo ore jno ga Dupade Ujopié Espíritu Sánto chingo ore quigode aja ore. Enga ore chicai ore idai uje i tu Seleúcia. Enga ore chacája cucoi tiji uté enga ore chicáji yote quedéjnai ajã́ro uje i tu Chipre.

Héchos 20:28

Jecute yingome uaque ujetiga ajuso uaqueo, enga ajuso uacojode Jesús anguretasóño guio to rĩ. Uacamóño uje Dupade Ujopié Espíritu Sánto utocaidode u uaque gu ujetiga arocho Yocangarádejnai Jesús anguretasórone guio uje gaite oré ore. Enga oré tu úringai chuque uje chojne dayoi ome ore nanique.

Héchos 22:21

Mu yocangarádejnai Jesús chojningame yu: "Bo ga bo. Uje a yorei ua iji tiiii jne. Yigaidi u gu ujetiga acate purása quedéjnane ome yadode."–

Héchos 8:4

Mu dode iji Jesús anguretasórone uje ore jnoji Jerusalén que ore cha chacate ayoréode ome Dupade uruode iji daquigode erámio.

1 Coríntios 12:28

Jecute Dupade ichajapite danguresórone ore aja ore isagode jogadode. Mu cuchiyíode u Jesús iroguipísode uje apóstoles u. Jé aja udore ore uje ore chatata dajnéone Dupade urúo ome raque. Jé aja Dupade anguresórone ore acadisórone to rĩ. Jé aja cucha pitijabádode ipesungórone. Jé aja ejnaretade iquetangórone ore. Jé aja udore ore to uje ore chátaja dojode ayoréo to. Jé aja Dupade anguresórone ore angaránone to. Jé aja dara quedéjnane irajasórone to rĩ.

1 Coríntios 15:10

Mu yibasája yúringai Jesús apóstol ome Dupade átegoningáne ome yu nanique. Enga que yachia Dupade átegoningáne udore ome yu. Uje yise yúringai isagócadaté ome Dupade iroquéode. Enga yujnué yujode Jesús irócho gáyode ome yisacuátigade cucha. Mu cachi Dupade angúromei u yu ome daroquéode, jecute que tiógara ujetiga yisi yibánique.

2 Coríntios 6:1

Jecute yijorane uyoque iji Dupade iroquéode, yijóchago uacajéode údi ujetiga ca oyo cucha bisidéguiji uacajnéone Dupade icaniratiguédatéo ome uaque.

Filipénses 2:21

Uje yocurasade uñane ore ucuegode u cuchade ome re jnese, enga que cucha Jesucrísto iroquéode ome ore go.

Filipénses 2:25

Yajéode upo rĩ jeta yirógape Epafrodíto aja uaque uje uacaroi jé u Epafrodíto aja yu ica jetiga cháta cuchade aja yu iji yúringai pujurúgai. Jecucha Epafrodíto uyoque yátago yoquipesudode cucha aja ñane ome Dupade uje yipécorango Dupade guetesórone ore adode.

Filipénses 2:30

Uje Epafrodíto toguírase diríca enga uté bai u Crísto iroquéode. Uje idája yu iji uaque enga que toque jeta átayo cuchárigo aja yu, mu uacaroi Epafrodíto chisi ome re ome yu iji yajnei pocaninga ujetiga chátaja yu iji yúringai tuné pujurúgai.

Colosénses 1:29

Jecute yejna yiguesi ome Crísto iroquéode, enga Crísto uté u uje chisi ome petotiguei ome yu ome daroquéode udore jnese.

Colosénses 4:12

Uacarasade uñai Epáfras dopísi Crísto iroquéode to, enga chi yiguíjna uaquei ome uté to. Uté jecucha catecã́ri Dupade ome uaque ujetiga apúyoja uacanguretigade enga ejnáño uágaja Dupade áyipiedie gaté ome uaque.

1 Tesalonicénses 2:9

Yocujode Jesús anguresõre uaque á, ajnusináño uje yugúcoji uacajade ica enga yocujuya yoc ica uje yucuegoi yoquiquetangóño ica iji uaquedai. Yoco yocujuñame yoque ica gu ujetiga ca yipéco uacajuréraque ica ome cuchárique uje qué yatatago Dupade uruode ome uaque ica gu.

1 Tesalonicénses 5:12

Yocujode Jesús anguresõre uaque á, yijóchago uacajéode údi ujetiga angachopísi Dupade irógode aja uaque. Ore u gu uje ore chacate uágome Dupade uruode. Enga ore chopo uacaquique rĩ ome Yocangarádejnai adode.

2 Tesalonicénses 3:1

Yocujode Dupade anguresõre uaque á, e idógosi yurusarane unojo eruei, mu acatecãchoi Dupade ome yoque to ujetiga Yocangarádejnai ujnomei jĩraque chise erámi jnese. Enga ujetiga ore chimesẽre yocacajnaquéode to. Isocai tu uje uacamesecho to ica.

1 Timotéo 4:10

Jecute yejnángo yógaja yoquisagode Dupade urúo. Ujetiga ore dojnóngaja yoque marínga, jé yejnángo yógaja. Chamáñaje yichago yocanguretigai aja Dupa uecai gu enga yanguretágopise ojningane cucha yúode jnese. Erámi unirisórone jnese ore iquetangóri urásu Dupade, mu iquetade upúsu danguresórone uyoque.

2 Timotéo 4:5

Mu ua, enga ajusípise báyipiedie guio ujetiga etoque ua iji bajnéone cucha dacacho jnese. Ujetiga cucha gajnarétigo yore babai iji bagaidode Dupade iroquéo, mu adota ua ome cuchade udore jnese. Enga ajnusi ua ome bagaidode Dupade iroquéo ujetiga amánaja jnumi jne uje bacate ore ome piquetangóri Jesucrísto adode.

Filemón 1:1

Páblo uyu uje yurúsãre yurusarane cárta ome ua, Filemón á. Enga yoquijõrai Timotéo cháta raja yu ome yocurusarane unojo to. Bamo uje ore suru yibai gu Jesucrísto adode. Mu ua u to uje bátaja Dupade iroquéode aja yoque to. Jecute yijnórango ua.

Hebréos 3:6

Mu Crísto gajnui u guiguíjnai gajnesṍri ujnacari uje pésupúsu cuchade aja quigode iji dayé Dupade iguíjnai. Jé basa ga yocajnui tu Dupade iguíjnai tuté rĩ. Yojningane u yoque uje que yoco cutúguiji yocanguretigai ome Dupade ojningane cucha yúode, jé aja ujetiga yimóngo cuchade udore ome yoquedodie.

Apocalípsis 2:1

Enga Jesús chojningame yu: –Arúsãrape yuruode ome Dupade anguresórone angaráni uje déji ore idáidatéi Éfeso. Enga ósi te ome barusarane: "Uyu u uje yiriguiji papose pi nanganatágode ore ujade, uje gare ore iji ti. Enga guédo garijitidie déji yijmanai ãrachua.