Lúcas 1:8 - Dupade Uruode

⁸ Enga chise dínique uje sacerdóteode udore ore doi dáguedie ga ore chijnire ñane aja dáguedie iji Dupade iguíjnai jeta ore pésu cuchade aja quigode iji ajei. Jecute Zacarías déji Dupade iguíjnai ajei.

Lúcas 1:8 Iomraidhean Croise

Ésdras 6:18

Uje e ore chimate Dupade iguíjnai cuchábi aja gaté nanique enga jé u uje Dupade iroguipísode ore dopoi dasoca cásodicáite rĩ uje ore chijnire ñane aja Dupade iguíjnai ajei nanique, uje ore chacája enga ore pésu cuchade aja quigode aja ñane. Enga jé chopome levígosode to uje ore chijnire ñane aja Dupade iguíjnai ajei to uje ore pésu cuchade aja quigode to iji Dupade iguíjnai ajei. Ga ore dopísi Moisés casicaite urusarane quigode jnese enga que uñeque chimoque quitique. Enga e ujnomerángapo ore idáidatéi Jerusalén rĩ uje idaisórone e ore dopoi Dupade adode rĩ iji Dupade iguíjna cuchábi ajei.

Éxodo 28:1

Dupade chojningame Moisés gaté: "Moisés á, aquĩ́ra bayai Aarón iji bejoi jne jeta yo yiroguipísiji uté to jne. Jé aja ujnacarode ore to uje ore íode u udojo: Nadab, Abiú, Eleazar, Itamar ore. A yo yirógode iji ore to jne rĩ jeta ore cháta cuchade aja dayé iji yiguíjna puyai uté jne. Ga udore ore u jne iji uacarasade israélgose ore ujade jeta ore doi yiroquéode jne.

Éxodo 28:41

Ujeta e amate bayai Aarón, ujnacarode ore iguidedie udire jne ga be aceite jne enga aníraja udore ore ójodie to uje aceite gãrapi u poria adie uje poria uaté i tu olívo. Ga imoi tu uje udore e pirosobácho ore ome darasade to, enga ore úringane yiroguipíso quene pijoque uje yingara ore jogadi ome yiroquéode.

Éxodo 29:1

Dupade qué jno daruode údi ome Moisés ga chósi tome: "Moisés á, bajnei tu jeta apésu cuchade aja ajesúode iji Aarón, ujnacarode ore ujade jeta yo yiróguiji udore ore jne jeta ore doi yojningane cucha quigode jne. Ga a ósi tome cuchade udojo jne: Be aquirájna choquírique jeta qué ujnacare ga a ajnája yiguíjnai iquei jne. Jé aja áyasa choquírigo to jeta qué ujnacáño udore to. Enga ajiripise udore údode jne jeta jé ca isójna uñeque.

Éxodo 29:44

A yinoningase uacaseradéjnai, jé aja yiguíjna puyai, enga jé yuságaja yiroi Aarón, ujnacarode ore jne. Ga a puyaque udore ore to jne uje puyácho yojningane cucha jnese gu iji yiguíjnai ajei jnese.

Éxodo 29:9

Mu jé ca edu Aarón uje badia igarubi, gatoje aja, mu adia ore igarubode aja ore pajéode to jne. Ga adia ore gatójedie aja ore to jne. Ga a udore ore pijógome yiguíjnai uté adode jne jeta ore urásarigo tangári ore. Ujeta e amate udore aja ore enga que toc jeta qué pecãracápo ore úringane yirócho jne iji deréjnane gatuaque.

Éxodo 30:30

Ga anire aceite uté aja Aarón, abode ore gai to jne jeta ore úringáringo yiroque pijoguipise ome aceite uté.

Lúcas 1:5

Uje Heródes u ore eduguéjna cuchábi iji ore uniri uje i tu Judéa nanique, ga sacerdote déji to uje i tu Zacarías. Enga Zacarías uté acote i tu Elisabet. Ore gãrapi u jnani bajai Aarón jnese. Uje sacerdóteode ore pésu dáguedie enga ore chécãre rágome dasagode iji Dupade iguíjna cuchábi. Enga jnani bajai Abías gajneque Zacarías uague uaté to iji taningápisi.

Lúcas 1:7

Mu Zacarías, Elisabet que ore atique cuse go uje aberé acoté. Enga e choquíjnape Zacarías ga e gatape Elisabet to.