Lúcas 1:6 - Dupade Uruode

⁶ Enga ueracho Elisabet, Zacarías ore adode enga Dupade irasiguipise ore. Ore tangaripísi Dupade iroquéode aja acajnaquéode ore gu. Enga que piyaque ore bárique cucha uje ore dopísi Dupade adode.

Lúcas 1:6 Iomraidhean Croise

Génesis 17:1

Enga Abram guejnanie sequerei e chise 99 nanique uje Pangarádejnai Dupade chiqueta raja enga catecãrápoi rĩ. Enga chojninga: –Bacatecãraini Dupade uyu uje yujopié que eruénique cuse. Angaripísi yu enga apésupúsu yojningane cucha jnese. Enga apésu cucha omone gatuaque.

Génesis 6:9

A qué yingome uaque jne Noé uté isocade. Jnani uté ate ujñapetaguipise nanique enga jecucha pésu Dupade ojningane cucha nanique. Enga gusu uté nanique iji dojode jnanío ujade uje pésu Dupade ajegaidode nanique.

Génesis 7:1

Iji udojo quigade ga Pangarádejnai Dupade catecãrápoi Noé nanique rĩ enga chojningame uté nanique: "Gusu ua iji erámi tudé uje babé yojningane cucha, yajegaidode ore jnese. Bojode erámi unirísoño ore jnese que tangárapoi yu to rĩ iji deréjnane jnese. Jecute gusu bajogasui uaque uje yidejéna uaque aja cucoi ajei.

1 Reyes 15:5

Enga Dupade chingongara dasongaquei aja Abiam uté gu dáqui gatei David isocade. Uje David uté pésu cucha arégode iji Pangarádejnai edominone gatuaque iji dacuecaringuei údode jnese, enga que cho cutúgome Dupade uté iroquéode uñeque. Mu ate gajnarei chojmara nanique uje David cho dayoguéji, enga uté adode ome hitı́tagosi Urı́as uté jé u nanique.

1 Reyes 9:4

Enga Pangarádejnai chojningame Salomón uté: –Yajéode u ome ua ujetiga jecucha ga ajna yojningane cucha iji jnumone gatuaque iji yedominone. Enga basocai a jé chopı́siráse bai casica David uté uje ujñapetaque uté isocade ome yu. Be ga ũrepise báyipie ome yu, ga angoninguite guesaque ua ome yiroquéode jnese, jé aja jeta ajuse yarecujaidie guio, jé aja yáyipie quigode udore jnese. Jeta bepı́si udore, enga a yipésu ga bape disi ejórigo a jé ca ore chimoque bayaripi udé ome dáringáringo eduguéjna iji israélgosode ujade iji deréjnane jnese. Uje yuru cásodicáite quigode jé u uje yichagája bai casicaite David yui nanique. Uje yojningame uté nanique: "Bayaripi cuchábi a jé ca chimoque bape disi ejórigo jne ujetiga ore chácariji uté ome dáringane israélgosode ore eduguéjna gatuaque."

2 Reyes 20:3

Enga chojninga: –Pangarádejná, yijócha bajei údi iji de ujetiga jé ca acadı́gui uje ueracho yipesudode cucha iji bedominone. Bamo yu uje yedu ua iji yáyipie ga yajna cucha uréone iji jnumone iji yucuecaringuei.– Enga jé u uje Ezequı́as básome darai ga popı́siji dejode.

Sálmos 119:6

A ca cuchárique chinguíra dipoi taja yu jeta yáyipie jogate baroquéode quigode udore jeta yipésu gatuaque.

Lúcas 1:7

Mu Zacarías, Elisabet que ore atique cuse go uje aberé acoté. Enga e choquíjnape Zacarías ga e gatape Elisabet to.

Lúcas 16:15

Mu Jesús chojningame ore: –Yirajágo jnese uje ayoréode ore chicota uaque ome uacáringáringo jnani parácho mu que ore chiraja uacáyipiedie. Mu gusu Dupade uje chiraja uacáyipiedie jnese. Mu Dupade guetétiga ujetiga oyo ayorédatéi iji uaque.

Lúcas 2:25

Iji deréjnane udore nanique ga jnanírique déji Jerusalén uje i tu Simeón. Enga ate areguipise uté enga chijnorapise Dupade. Enga que cha dangoroné ome israélgosode ore iquetangónique yui. Enga Dupade Espíritu Sánto ujopié irágupúsu uté ajei.

Héchos 2:25

Enga eduguéjna cuchábi David casicaite urusarane ojningai jé upúsu Jesús to nanique uje chojninga: Jecucha yimo yangaráni iji yiquéode. Déji yãrachua enga que yitodo cuchárique.

Héchos 23:1

Páblo chajire eduguéjnane iji ore aquíningai enga chojninga: –Yujode judío uaque á, que yagutéraque cho jora ome yipesutígo cucha gajnarécho ome Dupade gotique nanique, ga jé chuságaja deréjnai udé gajneri.–

Héchos 24:16

Jecute yajéode jecucha u ujetiga ca yagutéraque cho jora ome Dupade, jnanione ore rĩ ome yipesutique cucha gajnarétique.

Héchos 8:21

A ca togome ua ujetiga áta ua aja yoque to ujetiga acatecã́ri Dupade ujetiga Ujopié chacája uñéngo. Jé tiógara gu ome ua uje gajnarénguepísi báyipiedie gu ome Dupade.

Romános 8:4

Enga Dupade gaidi tu gu ujetiga cucha ujñapetade jnese uje uté chĩ́care iji Moisés urusarane, quene pimanique aja guesi iji uyoque ome Dupade Ujopié Espíritu Sánto uje déji yocajéode. Que ayoréode uyoque u uje yimáco udore aja uéchai ome ayoréode yoquijmapié noñangue gotique arĩa, mu uje yajnángo Dupade Ujopié jmapié iji jnumone, yocangurené tu uaté ujetiga chátaja uyógome detotiguei uté.

1 Coríntios 11:2

Yijorane uaque á, yirasiguipise yujode Dupade anguresõre uaque uje que acadíchoi yu. Enga jecucha boyo yacajnaquéode údi ome uaque uje yacate uágome ica.

2 Coríntios 1:12

A yingo cuchárigaja uaque jne uje pésu yoquininaquei: u uje que yocagutéraque cho jora ome yoquipesutique cucha gajnarétique. Uje yujucópise yocadode guio iji erámi udé enga que paringaquérique déji yocajéode. Jétapũré uje yugúcoji uacajade. Que yocúringane ate uome garani u yoque go, mu garani u Dupade ome yoque. Chamáñaje ate uome gu uté ome yoque enga ecãraque yocadode enga imanique yógaja yocúringai ayoré uome.

Filipénses 2:15

Yigaidi u gu ujetiga ca uacojórique ayoré chiraja daru quitíguiji uaque, enga ca ore chisápo uacayoguérique rĩ iji dajade. Uacagúsoji pisijnaringuéone ipesungórone ujade iji erámi tuné uje gajnarenguipíso ore isocade. Mu Dupade ape uaque, jecute oyo uacai Dupade uje uégome pisijnaringuéone iji erámi unirisórone udore ore ujade. Chamáñaje uacajnunie u guédodie ome úringanie nanganatáguei uje chijninguese utataringuéone ajei.

Colosénses 1:22

Uje Crísto toji curesei gai ome uaque enga imoi tu uacáringane uome ome Dupade. Dupade pésu cuchade udore gu ujetiga diga chimanipise uágaja dari uje e ueque uágome pisijnaringuéone, enga e que uacayoguérique cusipise go, enga uacáringane máraque e bijnápis ome uaque to.

1 Tesalonicénses 3:13

Yocajéode u to ujetiga uacanguretigade uajácho to iji uacáyipiedie, ujetiga eduyo Dupade to iji uacajéode. Enga ca uacayoguérique cusipise go iji Yocai Dupade iquei ujetiga Yocangarádejnai Jesucrísto diapo darasade ore údi rĩ iji jnumi.

2 Pédro 3:14

Jecute, yijorane uaque á, uje qué uacarocho cucha dacadode udore yúode enga acueyoi uacasocáringome ujetiga gusu pajesereringane iji uacajéode. Uacagaidi u gu ujetiga diga Dupade chise uaque enga ueque uágome pisijnaringuéone jnese enga ca uacayoguérique cusipise go.

1 Juan 2:29

Uacarajáyo Jesucrísto úringai areque. Jecute uacarajayópo Dupade atígo ore to rĩ ome ore úringáringo cucha arégode ipesungóño.

1 Juan 2:3

Ujetiga yipéco Dupade ojningane cucha, enga a ca potigayaque yoque jne uje yirajágo Dupade.

1 Juan 3:7

Yababode uaque á, ajuso uaqueo enga ca pãraque uaque. Uje gosi a pésu cucha arégode enga imoi tu uje areque gosi. Uje ajnai tu Jesucrísto úringai areque.