Lúcas 1:53 - Dupade Uruode

⁵³ Dupade átapipísode u jmatágode ore. Jeque ga chiroque ayoré atade aja doi mu ore chedo dajmainie.

Lúcas 1:53 Iomraidhean Croise

Sálmos 146:7

Pangarádejnai chajire udore ore adode aja quigode uje ore déji pijosipiedie jmainie; ga chisíome udore ore posode ome ore uje chaguhei chejna ore. Pangarádejnai chijnime ore jurúgayode ore iji ore úringane pujurúgayo.

Sálmos 34:10

Caraté ucatóguedie a ore potique cucha chona ore, ga ore chejnáreque dayaguhénique, mu que cucha onique chona udore ore gotique uje ore chucué Pangarádejnai ome re.

Matéo 5:6

A ore nína raque jnese jne, udore ore uje que cucha uñeque déji ore ajéode ome Dupade uruode uje ore pésu. Uje Dupade a chátaja dapotigádode cucha aja ore jne ujetiga ore pésu.

Lúcas 1:54

Enga chopise dáyugu daroi Israel ape disi ejoi ore uyoque enga yocajneque osongaquei.

Lúcas 6:21

Jé chopome uaque rĩ uje chaguhéode chipatigase uáguiji udé. Anínañopúsu uaque to uje a ca cuchárique chonapo uaque jne rĩ iji quigade. Jé chopome uaque rĩ uje ugo uaque ome uacáyuguhebátigade iji de. Anínañopúsu uaque to uje a uacarasiguipise uaque jne iji quigade.

Lúcas 6:24

Mu yosõripísi jóroque atade uaque uje uacanínaño uaque iji erámi udé. Chamáñaje uacaninaquéode a chaquesu re jnaque jne gu.

Juan 6:35

Jesús chajnai ore uruode enga chojninga: –Arurei uté uje chisi ome pucuecaringué eyúgojmai ome ore jé u uyu. Ujetiga gosi tibágui yu ome arurei uté enga a ca chaguhénique chejnapo uté gosi rĩ. Ujetiga gosi changureta yu ga a ca gosi cajnorapóji jne rĩ.–

1 Coríntios 1:26

Yijorane uaque á, ajnusináñopísa uacasocade uje Dupade tibidi uáguiji taningai: Garósi uaque uje erámi unirisórone ore cho ayoré irajatáguiji uaque iji denominone, ¿jec ũré? Ga garósiapo uaque to rĩ uje erámi unirisórone ore cho ayoré ibijóguiji uaque. Enga que jiei uaque gotique to uje uacoyo uacãrapi iji peduguéjna cuchábode uñeque.

1 Coríntios 4:8

¡Gajnarécho uacáyipie quigode udore arĩa, coríntogosode uaque á! ¡Ome uacajéode ga chiese e uacajnecho uacapotigádode cucha jnese, enga uacajoso ati e uacamácho uágaja uacáringane atácho! ¡Cho jetiga e uaqueso uacáringane peduguéjna cuchape, mu gajnui tu ujetiga ca eduguéjnarase uyoque to! ¡Mu yipésupú ga jé ũrérase uaque enga eduguéjnapise uaque jõ! ¡Ujetiga ũrérase, enga a yátagorásaja ñane ome yocúringane peduguéjna cuchape jnese!

1 Samuel 2:5

Uje gosi chedugáta dagúcha uásejnane mu chise deréjnai jeta jmáta ga jé u uje chucué darósonique ga chojningame uté: 'Asi yu iji arurétique petique ga yiji baroquéode to jne.' Mu uñane chaguhéode ipatigayaque ore nanique mu ore chise dáringane subudéo gatuaque. Chequéraque jetiga jé ca atique cuse mu patireque uaté abode gai, ga ape basugode gare ore iji ti. Jé basa ga chequé apiérẽraque chise dacutaquei iji dapié uaté quigade ga que tijínapo gotique to rĩ.