Lúcas 1:41 - Dupade Uruode

⁴¹ Uje Elisabet chudute María pijnane enga abi chijocase re iji ajei. Enga jĩrique Dupade Ujopié Espíritu Sánto irágu Elisabet ajei.

Lúcas 1:41 Iomraidhean Croise

Génesis 25:22

Mu garaja abode iji ajei nanique. Enga ore chipatigase re iji ñane iji ajei. Mu Rebéca jecucha ga narañime dabode uje ore quejna iji ajei enga chojningame re: "¡Qué jeque yitobi enga ore basape to!" Enga catecã́ri Dupade ome re nanique uje narañípisome daca uchiejnane iji dajei gu.

Sálmos 22:10

Uje quene yibase nanique mu jĩraque pijoque yúringai pãreque ome ua; uje qué yugúsiji ité ajei, mu Yudupade jé u ua.

Lúcas 1:15

Enga a Dupade cho ujnomeránguiji babi jne. A ca babi chóji yote pioi to jne. Enga Dupade Ujopié a chise ajei eruéode jne uje qué déji daté ajei, jé aja batigai.

Lúcas 1:40

Di iji ore idai ga chicáji Zacarías iguíjnai. Tibidi Elisabet enga chojninga: –Yĩri iji uaque á.–

Lúcas 1:42

Enga Elisabet chejnapúsu daruode enga chojninga: –Dupade a imeserã ua iji yocujodie chequei ujade jnese. Enga a imeserangápo babi to jne rĩ iji bajei.

Lúcas 1:44

Uje yudute baruode que, enga yabi chijocase re iji yajei. Nínapúsu re iji yajei gu.

Lúcas 1:67

Dupade Ujopié Espíritu Sánto irágu disabi dayé Zacarías ajei. Jecute uruode u Dupade gueranone urúo ome. Ga qué tujua ga chósi tome:

Lúcas 4:1

Uje Jesús jnoji tié uje i tu Jordán, enga Dupade Ujopié Espíritu Sánto irágupúsu ajei. Ga Dupade Ujopié Espíritu Sánto choréji erãpetarei.

Héchos 2:4

Enga Dupade Ujopié Espíritu Sánto irágu ore ajéode jnese enga jĩrique ore chiraja enga ore doi dara quedéjnane. Ore chiraja gu Dupade Ujopié Espíritu Sánto.

Héchos 4:8

Espíritu Sánto irágu Pédro ajei enga jĩrique chajnai ore ga chojninga: –Eduguéjnane á, israélgosode angaránone uaque á, angáchoi yuruode.

Héchos 6:3

Yocujode Jesús anguretasóño á, angáchoi yoque. Enga acueyoi jnaníringo iji uacajade ujetiga gare ore iji ti: ujetiga uacarasicho ore adode; ujetiga áyipierãque ore; ujetiga Dupade Ujopié Espíritu Sánto irágu ore ajéode. Enga a ore chajuguína cucha pibosode iji yoque.

Héchos 7:55

Mu Dupade Ujopié Espíritu Sánto irágu Estéban ajei. Ga Estéban chajire gaté enga chimo Dupade ingoningai enga chimópo Jesús rĩ iji Dupade ãrachua uje chague iji.

Héchos 9:17

Jecute Ananías jno ga chicáji Sáulo charidi guiguíjna. Chacája ajei enga chicha dajmainie aja Sáulo gai enga chojningame: –Sáulo á, yujo Jesús anguretasṍri á, yocangarádejnai Jesús u uje chiqueta raja ua iji dajei diríca uje bacai yoqui. Enga uté u uje chiroque yu aja ua to ujetiga yicha yijmainie aja babai enga amópo bajiritígo rĩ. Enga a Espíritu Sánto chacája ua to jne rĩ.–

Efésios 5:18

Jé ca ũruso uágome vínoi, yote pioque ponáyone udore jnese, yijorane uaque á. Chamáñaje yote pioi yugode ijocayato tu dajodé uaté, enga ore ũrusoringuéone chiborátaja pisoca noñaque ponáyone jnese uje pajegátigai gose pisocade udore. Jé basa ga eduyo ajuécho uágome Dupade Ujopié Espíritu Sánto uaté, ujetiga uaté u uje chĩreta uacáyipiedie ome dajequigode cucha enga chijocase uaque gatuaque.

Apocalípsis 1:10

Yocangarádejnai gajnei tuté dire pujnusinamate u uje Dupade Ujopié Espíritu Sánto chingo yenominone aja yu. Enga yudute pibijna dosógode iji yiquigade. Enga cho pubuchugode jocarane.