Lúcas 1:3 - Dupade Uruode

³ Jecute uerate ome yu ujetiga yo quigome ua to, Teófilo á, uje e ore chingo yu Jesús adode iji taningai jé aja eruei. Enga e yiraja quigode to.

Lúcas 1:3 Iomraidhean Croise

Sálmos 40:5

Urénga, Pangarádejná, Yudupá, jiei bamaningone cucha pitijabácho. Jiépoi báyipie omenie quigode rĩ ome yoque ga que pejnai udire jeta pisecaranei. A yajéraso jeta yĩrarare ga yatata udore jnese, mu que toc jeta yejna udore úringáringo púcho.

Sálmos 50:21

Bapesucho cuchade udojo jnese arĩa, mu yo paráguiji barosadi. Ga bajósetí jé yo ua. Mu uyu ga a yiqueta bedodie jne, enga a yingo baba gajnéone cucha aja ua iji benominone iquei.

Provérbios 22:21

Yacate ua ome udojo gu ujetiga araja ũréningo iji cuchade ujade. Jé cho uje yajegaidéjnapise u jeta arajapise baru quitígome gosi jeta catecã́ri ua ome cuchárique quitique.

Lúcas 1:1

Teófilo á, e jiei ore uje ore churúsãre Jesús adode quigode uje pésu iji yocurasade ujade nanique. Enga ore ipotigádi u ujetiga ore chatatapísa quitígo.

Héchos 1:1

Teófilo á, a yurúsãrapo cuchade ome ua jne rĩ. Bamo uje yurúsarome ua nanique enga yurusarane u Jesús ipesudode jnese, acajnaquéode jnese rĩ. Yingome Jesús ipesute taninguíone aja ua.

Héchos 11:4

Mu Pédro chingopísa cucha dacadode quigode aja ore jec iji taningápisi. Enga chojningame ore:

Héchos 15:19

Jecute yingome uaque ujetiga ca yirójo purása quedéjnane iji yocujade aja cucha ibirade. Chamáñaje e ore cha dangurete cucha bisideque bajade ujetiga ore doi Dupade adode to.

Héchos 15:25

Jecute omome yoque jnese iji de ujetiga yirójo yocuñéngo aja uaque ujetiga ore tibágui uaque. Enga udore ore a ore nóna yoquirasiguipísode Páblo, Bernabé ore aja uaque jne.

Héchos 15:28

Chamáñaje omome Espíritu Sánto uyoque ujetiga ca yirójo uágaja cucha ibirade. Mu yirójo uágaja cucha obiréjnane uje que piraque ujetiga apéso.

Héchos 18:23

Uje diyajmaque Páblo iji Antioquía ga jnopóji rĩ. Enga chicáji guidáyode uñane iji ore unirone Galácia, Frígia ore. Enga cho Jesús anguretasórone quique iji udore, udore ujetiga ore chejna rángaja Jesús adode.

Héchos 23:26

Enga urusarane quigode u udojo: "Eduguéjnai Cláudio Lísias u yu uje yurúsãre yurusarane ome ua, eduguéjna Félix. Eduguéjna cuchape ua enga yirasiguipise bei.

Héchos 24:3

Jecucha ga yimóngo bapesudode cucha iji yocuniri údode jnese enga yocacaranguipise ome ua. Eduguéjnapise ua, enga jé tiógara yoquicotaquéode ome ua.

Héchos 26:25

Mu Páblo chajnai ga chojninga: –Que ũruso yu go, eduguéjna cuchábi Fésto á. Jec ũré yu ome yojningane udore jnese.

1 Coríntios 16:12

Yijócha yoquijõrai Apólos ajei údi diríca ujetiga chamáta dajorane uñane enga ore nóna uté aja uaque. Mu que chicáji diríca. Mu socaseti chise uaque iji dire uñeque jne ujetiga piotiguérique déji.

1 Coríntios 7:40

Mu pininaquei jogadi urásu ome chequé uaté ujetiga ca chisapo dabai uñeque rĩ. Cachi yajéode u udore, mu ísenga Dupade ajéode u to jõ. Chamáñaje Dupade Ujopié Espíritu Sánto déji yajei gu.

1 Timotéo 4:6

Ujetiga acate bojórigo Dupade anguresóño ome cuchade udore enga a Jesucrísto irasique ua ome bacajnaquérigo jne. Enga cucha omi u to ome Jesucrísto irógode ujetiga ore cho cucha pibotígo iji Dupade uruode, enga ore chejna rángaja panguretigai ome Jesucrísto. Enga jé badode u udore gatuaque to, Timotéo á.