Lúcas 1:2 - Dupade Uruode

² Ore urusarane u yocacadisórone acajnaquéode. Uje yocacadisórone udore ore chimópise Jesús adode iji taningai nanique. Enga ore u to uje ore jno uté ujnomei údi.

Lúcas 1:2 Iomraidhean Croise

Márcos 1:1

A yatata Dupade ujnacari Jesucrísto ujnomé ueradi ome uaque jne iji yurusarane udojo:

Márcos 16:20

Mu acadigode ore doi Jesús uruode quigode ga ore jnome erámone ujetiga ore chacate ayoréode ore iji, ujetiga ore chise dáringáringo piquetacho iji erámone údode jnese. Mu ore agutíyamáni jé upúsu Jesús uje ore cho dangarádejnai iji uté nanique. Enga tẽrápisa dajopié ome udore ore gu ujetiga ore pésu dapesútedatérigo iji ayorébui ore ujade, ujetiga diga ore chisípise dáringárique pangurecho ome datatagode Dupade urúo. Amén. Qui jé upúsu.

Márcos 4:14

Enga jé u uje Jesús cho dacajnaquéode quic ome ore. Enga chojninga: –Jnani utácai uje chaca cucha ajñunie jé gajnui tu uté gosi ujetiga chacate ore ome Dupade uruode.

Lúcas 24:48

Enga a yipijogúsorone u uaque jne.

Juan 15:27

Mu que gusu uaté mu a yipijogúsorone u uaque to. Chamáñaje uacagúsoi yari nanique iji taningápisi gu.

Juan 16:4

Yuruode u udojo ome uaque gu ujetiga cuchade udore chise dáringáringo tocachucho enga jĩraque uacáyipiedie déji yuruode udore quigode ome uaque. Que yingo cucha dacadode udore aja uaque iji taningai. Chamáñaje qué yugúsi uacari gu.

Héchos 1:3

Enga Jesús chiqueta raja dajegaidode udore iji datoringai quigade nanique. Dirode guejnane ayoré gare nanique uje jé ate udore enga chiqueta raja ore gatuaque. Chetingare re iji ore ujade uje jé upúsu re. Gaidi u gu ujetiga ca potigayaquérique déji udore uñeque uje ecápo rĩ iji dáringai toque quigade. Enga jecucha catecã́ri ore ome ore úringáringo purása ome ujetiga Dupade chamáta darasade jnese aja re ome uté úringai ore asuté.

Héchos 1:8

Mu ujetiga Dupade Ujopié Espíritu Sánto chacája uaque enga a uacajopiéraque cuse to jne. Enga yipijogúsorone u uaque jne iji Jerusalén, iji Judéa jnese rĩ, iji Samária jnese rĩ, iji jnumi eruéode jnese to rĩ.–

Héchos 14:25

Ore chacate ore ome Dupade uruode iji ore idai Perge mu udojo quigade enga ore chicai ore idai uñai uje i tu Atália.

Héchos 16:6

Dupade Ujopié Espíritu Sánto chãraque ore uniri Ásia yui ome ore ujetiga ore chacate ore ome Dupade adode iji. Jecute ore chicáji punirone uñane uje ore íode u Frígia, Galácia ore.

Héchos 17:11

Judíode iji Beréa que ore cho dojode judío iji Tesalónica go. Paraque ore ga ore tangári Páblo, Sílas ore acajnaquéode. Ore chajire Dupade uruode iji deréjnane ujetiga jé ũrepise Páblo ome acajnaquéode.

Héchos 26:16

Mu ãriji enga ayague. Chamáñaje yiqueta yu aja ua gu ujetiga be yiroquéode jne. Mu que gusu deréjnai udé uje yiqueta yu aja ua, mu a yiquetápo yu aja ua rĩ iji dirode uñéngo. Enga bajnei tu ujetiga atatame erámi bamone cucha jnese uje yingome ua.

Héchos 4:20

Que toguipis ome yoque ujetiga yiyágo yacaco ore ome yocududigode, yoquimone cucha ore.–

Héchos 8:4

Mu dode iji Jesús anguretasórone uje ore jnoji Jerusalén que ore cha chacate ayoréode ome Dupade uruode iji daquigode erámio.

Romános 15:16

Enga chutṍri yu ome yúringai Jesucrísto iroque jeta yatata pujnomé ueradi uje garani jé u uté ome purása quedéjnane ore. Ga yajnui tu sacerdote uje tẽra darasade ore guẽrapáidode cucha ome Dupade uté; e mu cho jetiga yẽrapáidi cucha u purása quedéjnane ore jnese uje e ore changureta pujnomé ueradi uté ome yacajnaquéode udore. Uje yẽra ore aja Dupade enga yigaidi tu jeta uté chimesẽripise udore, ome Dupade Ujopié Espíritu Sánto isocai uté uje e chopise Dupade gajnenguíji ore ome ore úringane pinoningañaque.

1 Coríntios 4:1

Jé ũré uje apóstoles uyoque ga yicoi yocajnesṍri Jesucrísto iroquéode, jecute a jé oyórase uté iróguiji yoque. Uté jé upúsu gu uje ichajapite yógaja yocajnepídi udé ujetiga yajnerangome Pujnomé Ueradi uté ome uaque. Enga pota ujetiga yuchẽcoi Dupade ipoguiédedie dáyipiei udire quigode iji guesode ome uaque.

Hebréos 2:3

Jé cho to ome Dupade áyipie ejodie ome yocúringane piquetaque. Uje cuchadatépise áyipie ejodie udire gu. Enga a ca yapíco to jne ome Dupade ujuyaquei ujetiga yoco cucha bisidéguiji áyipie ejodie. Bajai tu Yocangarádejnai nanique uje chatata udire quigode ome ore. Enga uté ududisórone ore u uje ore cho quique ome yoque ujetiga ca potigayaquérique déji yógome uruode udore úringane ũréo.

1 Pédro 5:1

E yuruode gajnengórone u Dupade anguresórone angaránone anciáno iji uaquedáyode. Enga a yo ore quique jne. Uje Dupade anguresórone ore angarate anciáno yu to enga yimópise Crísto to ome yedodie uje chejnáreque re nanique. Enga ujetiga Jesucrísto diapo jne rĩ ome dáringai cuchape enga a jé Dupade anguresórone angaránone uyoque yocajneque uté ingoningájnai to.

2 Pédro 1:16

E yacaco uágome Yocangarádejnai Jesucrísto ujopié cuchabé. Yacacopo uágome rĩ uje a diapo jne rĩ. Enga que cachi yoquipesute yocojñane udore ome uaque. Uje yimongopise Jesucrísto úringai cuchape ome yoquedodie nanique.