Lúcas 1:13 - Dupade Uruode

¹³ Mu Dupade utocaidi chojningame Zacarías: –Ca atodo yu. Yibágui ua gu jetiga araja uje Dupade a chisi ome bataquei ome ua jne. Ga a bacoté Elisabet, uacatique cuse jne. Enga ẽ́cacho Juan aja jne.

Lúcas 1:13 Iomraidhean Croise

Génesis 17:10

Yáyipiedie u ujetiga beyoi jnanione uaque enga aquesúyo uacaode iji uacajñungunguenie gáyode jnese. Enga gajnui tu gu jetiga angachopísi yu jetiga oyo uacajnenguíji yuruode udojo, jé basa uacapijócho to uje yajneque uaque uje uacabeyoi yuruode.

Génesis 17:19

Enga Dupade chajnai Abraham uruode enga chojninga: –Úngare. Que yuru qui tu gotique. Bacotépise Sára a atique cuse jne. Be jne enga ẽ́care Isaac aja jne jetiga base. Enga Isaac uté a gajneque yuru iyiejájnane jne. Enga a jecucha yuruode tocade jnese jne, enga a ca eruénique cuse jne ome uté, ape disi ejo gatérigo, gatérigo ore jnese.–

Génesis 18:14

¿Ama cucha ibiratique déji ome Dupade ujetiga ca pésu a? Enga a yĩriápo iji uaque jne rĩ iji sequeré ejo enga a amóño jne ujetiga bacoté Sára atique cus.–

Génesis 25:21

Mu aberé Rebéca nanique jecute abai Isaac chijóchapíse Pangarádejnai Dupade ajei údi ujetiga chisi ome ore atígome to. Enga Pangarádejnai tangaripísi Isaac icatecãraitigade nanique enga jé u uje Rebéca abi e déji ajei to.

Sálmos 113:9

Uté chisiapome chequé aberé gajnepídi ome to rĩ jeta pininaquei chise uaté ome úringa abechugué to iji daguíjnapísi. ¡Pisígai Opejã Pangarádejnai uté!

Sálmos 118:21

A yacãre babai jne, uje bachajnai yu gu, ga e yiquetasṍri u ua.

Daniel 10:12

Ga yicatecãraisṍri uté chojningame yu: 'Daniel á, ca atodo. Uje bapota baraja cucha quigójmane udore quitique to diríca enga bo bayágome ua diríca uje beteque chagúi ome udore jeta araja udore quitique to, ga báyipie déji Dupade úringai pátajasṍri ome udore diríca, ga jé u uje Dupade tangári bacatecãraitigade udore quigode diríca. Ga uté chiroque yu aja bei jeta yicatecã́ri ua.

Matéo 1:21

Enga a uaté abi base jne enga ẽ́care Jesús aja jne. Uté a chiqueta darasade ore jne gu iji ore isijnaringuéone.– (Jesús i qui tu piquetangore ome israélgosode ore uruode.)

Matéo 14:27

Mu Jesús chojningame ore: –Uyu u erĩ́e. Jé ca uacagutérigui cho jora.–

Matéo 28:5

Enga Dupade iroi chojningame chequedíe: –Jé ca atodóyo go. Yiraja uje uacacuei u Jesús uje ore chajója curesei diríca.

Márcos 16:6

Mu jnacari tuté chojningame ore: –Ca uacagutéraque cho jora ome yu. Uacacuei tuté Jesús, nazarétgose uje ore chujé diríca, ga ore chajo aja curesei diríca, e nijiápo que rĩ. Enga que dépoji de gotique rĩ. Qué beyoi ga ajicho jogadi casé to gojni uje ore chicháji diríca.–

Lúcas 1:14

A anínapúsu ua jne iji babi batigai. Mu que angara anína ua gotique, mu a jé chuságaja barasade ore to ore ininaquei ome babi batigai.

Lúcas 1:30

Mu Dupade utocaidi chojningame María: –Ca atodo yu. Ueradépise Dupade áyipiedie ome ua.–

Lúcas 2:21

Uje disabi chisósi dirode uje gadióguiji ti iji yui enga ore doi judíode ore isocabei ome Jesús ujetiga ore chicási ome circuncisión. Ga quene ore pésu írique. Mu ore chĩ́carosi Jesús aja uje Dupade irótique ipesute i gu uje abi cáma chiquetási raja daté ajei.

Héchos 10:31

Enga uté chojningame yu: "Cornélio á, Dupade chudute bacatecãraitigade enga chimo to bátegoningáne uje basi jmatágode iji baplátadie.

Juéces 6:23

Mu Dupade chósi tome Gedeón uté: –Gedeón á, jé ca atodo uje e bamo yutocaidi gaté unirísõre edodie que. Ga a jé ca atoi ome bamone udore penocha guichaya jne. Ga o paraque jne ga a yĩreta báyipie gajneri ome cutejmai yẽrate pajesereringa.

1 Samuel 2:21

Dupade chátaja Ána nanique enga pésu jeta Ána abode cusapo rĩ; enga ape diyoquíode gadioque, jé basa ga ape diyequedíe gare ore. Ape bajábi Samuel jé quérãsi gatuaque enga jé pésu Dupade adode gatuaque to.