Lúcas 1:1 - Dupade Uruode

¹ Teófilo á, e jiei ore uje ore churúsãre Jesús adode quigode uje pésu iji yocurasade ujade nanique. Enga ore ipotigádi u ujetiga ore chatatapísa quitígo.

Lúcas 1:1 Iomraidhean Croise

Márcos 16:20

Mu acadigode ore doi Jesús uruode quigode ga ore jnome erámone ujetiga ore chacate ayoréode ore iji, ujetiga ore chise dáringáringo piquetacho iji erámone údode jnese. Mu ore agutíyamáni jé upúsu Jesús uje ore cho dangarádejnai iji uté nanique. Enga tẽrápisa dajopié ome udore ore gu ujetiga ore pésu dapesútedatérigo iji ayorébui ore ujade, ujetiga diga ore chisípise dáringárique pangurecho ome datatagode Dupade urúo. Amén. Qui jé upúsu.

Juan 20:31

Mu Jesús ipesútedatéode udore uje déji darujna aoi udé, purusãracho gu ujetiga anguretáyo Jesús úringai Dupade utocaite Crísto. Enga ujetiga anguretáyopo úringai Dupade Ape rĩ. Yigaidi tu gu ujetiga pucuecaringué eyúgojmai déji uaque to ome uacanguretigai iji Jesucrísto.

Romános 14:5

Que gusu uje yingarángo yocáyipiedie ome ñane ome cucha pibotígo úringáringo pibose, mu yocadi uté jé chuságaja dirode uñane úringáringo cuchadaté ome ñane to. Jesús anguresõre uñéngo ore cho cucha puyáguiji dirode uñane, uje ome ore ajéode ga, Pangarádejnai áyipie jé u gu. Jé basa ga ome uñéngo ga dirode jnese chopise ñane iji jnumi, enga Pangarádejnai áyipie jé u ome ore to, ome ore ajéode. Mu cuchiyi tupúsu ujetiga Jesús anguresõre chojmara, chojmarane ore jnese chucuepísi Dupade áyipierágome re, jeta jé ca gosi áyipierigui cho quiyíguiyígui ome cuchade udojo. Uje uté gaidi tu gu ujetiga pijoguipise áyipie qui, ga jé ca aguté cho jora ome ipesudedie dáyipiei udire.

Romános 4:21

Jé ũré uje que potigayaquérique chimo Abraham ome Dupade ingoméone cucha yúode. Chiraja gu uje ujopı́erãque Dupade, ga que toque ujetiga ca chimate dachagájade darúo aja guesi, mu a tocade jnese jne.

Colosénses 2:2

Yajéode u gu ujetiga ditijínaque ore ome Dupade adode, enga pijnoraquei dépisiji ore ome ñane. Yajéode u to ujetiga ore chiraja Dupade uruode quigode ujetiga ca ore chagutu rágome uté adode. Yipotapísa to ujetiga ore chiraja uje Dupade áyipie ipoguiédedie quigode upúsu Crísto adode ome yoque.

Colosénses 4:12

Uacarasade uñai Epáfras dopísi Crísto iroquéode to, enga chi yiguíjna uaquei ome uté to. Uté jecucha catecã́ri Dupade ome uaque ujetiga apúyoja uacanguretigade enga ejnáño uágaja Dupade áyipiedie gaté ome uaque.

1 Tesalonicénses 1:5

Que cachi yocatataque Dupade uruode gotique ica ome yocojña ayorérigo, mu yocaríjogonóri u Dupade Ujopié Espíritu Sánto ica ome yocacajnaquéode udore. Enga que potigayaquérique déji yógome yocacajnaquéode udore úringane ũrepíso. Uacarajáyo to uje yujucópise yocadode guio uje yugúcoi uacari ica. Uje yocucuei u uacomitígarigo ica ujetiga aquéraño to iji Dupade adode.

1 Timotéo 3:16

Jé ũrepise yu uje cuchadatei u Dupade adode ome erámi unirisórone uyoque uje yanguretágo. Mu que pirajaque udore quigode ome ore jnese go. Mu quiguipísi tu unojo: Dupade pésu re enga ayoré to nanique enga chingo raja erámi unirisórone. Ujopié Espíritu Sánto chajo raja uje ũrepise uté. Dupade irógode gaté unirísoño ore chimópise adode to nanique. Ujnomei chubu erámi enga erámi unirisórone iji erámi údode ore changureta. Mu diga poite uté aja gatajnoquei enga e pijógapo cutejmai ingoningájna rĩ.

2 Timotéo 4:17

Mu Yocangarádejnai que cha yu to nanique. Enga chisi ome detotiguei tome yu ujetiga yacate purása quedéjnane ore ome adode jnese. Enga chãraque yu ome yúringárique chuque to.

Hebréos 10:22

Jecute e yocajnei tu ujetiga yijoco Dupade yui, enga yirajagópo yógome Dupade yui rĩ. Chamáñaje ũrepise yógome yocanguretigai gu. Yirajágo gu uje uté chinoningase yoquisijnaringuéone iji yocáyipiedie, enga e que máraque yoque gotique. Isocai upo rĩ uje puruque yoquibai iñoñaringuéone to ome yote yocárerique.

Hebréos 6:11

Yocajéode u ujetiga ca abéroyo uáguiji uacadode unojo. Enga jé ajneraño údi aja uaqueruei. Ujetiga beyoi udore enga a Dupade ojningane cucha tocade jne ome uaque jnese uje qué uacarocho cuchade udore yúode.