Juéces 8:4 - Dupade Uruode

⁴ Ga jé u uje Gedeón, jorane soldácho ore uje ore batigai u 300, ga ore chaquesu yote quedéjnai Jordán ga ore chicáji uéchamitó jeta ore chajna damajosórone iji jnumone. Ga eyuque ore iji dariguítigade, mu jé ore chajo rágaja damajosórone jeta ore chujé ore iji toniñeque.

Juéces 8:4 Iomraidhean Croise

2 Coríntios 4:16

Jecute que yoco jṍro ome Dupade adode. Chamáñaje ayoré uyoque yoquiqui tu jnumi yui jnese gu. Jé basa yocáyipie u uje chiro re iji deréjnane, ga chicai gaté ga que toi go iji deréjnane jnese.

Gálatas 6:9

Mu yicoi ga ca yachógo yocátegoningáne ome Dupade ujetiga yipéco adode. Ujetiga ca yachógo yipéco udore ga a chise dínique jne ujetiga yimóngo yocátegoningáne udore adie ome yoque.

Juéces 7:25

Ga Efraíngosode ore chujé madiángosode ore iji pajmini tuté ga ore chiqueta ore asuté gáredie uje ore íode u Oreb, Zeeb ore. Ga ore jno Oreb údi aja curuté ójo ga ore chicha cachodi aja curuté uaté ójo. Ga jecucha ore cho curuté uaté i iji ore yui Oreb i to nanique. Ga ore chijna ore asuté uña aja ore ijoyapídi iji úvadie jogadi ga ore chicha Zeeb uté cachodi aja udore ejoi nanique. Ore pésu ore ijoyapídi i ga jé ore cho Zeeb iji to. Ga ore chaquesu degode madiángosode ore asutedie etabídode ga ore chijna ore gatoidie ome Gedeón iji yote quedéjnai Jordán uéchamitó.

1 Samuel 30:10

Mu David jorane jnani uje 200 u ore, ore chácariji jómioi uéchai, uje e eyuguipise ore gu. Ga 400 u David jorane uje jé ore chejna raja dacotedie quigade.