Juéces 7:3 - Dupade Uruode

³ Jecute ósi tome jnanione udore: "¡Jeta gosi iji uacajade chagutu rome ore jeoga gosi dosóñime yoquigaidode udore ore yui jne enga jé areque jeta gosi chajni aja daguíjnarique!" Uje Gedeón chatata Dupade uruode udore ome darasade ga uñane chajni. Ga ore chisecãru arorade ga ore batigai chise 22.000. Ga Gedeón chisecãrápo dajorane to rĩ aja dajocaningai ga ore chise 10.000.

Juéces 7:3 Iomraidhean Croise

Matéo 13:21

Mu ore cho cucha pacadie uje garósi erode. Jecute uje pequetingaquéode chise ore jeoga ore cho daba danguretigai iji Dupade uruode enga jogadi u uje jĩraque ore anguretigai chicai jnumi yui ome Dupade. Enga que ore jno dáringai Dupade anguresõre údi gotique.

Matéo 20:16

Jesús chejna daruode guesi enga chojningame ore: –Jecute yingome uaque uje yanguresõre ejode uñane a ore sué yanguresõre bajade gáyode jne ome Dupade guẽratígo ome ore. Jé basa yanguresõre bajade, bajac ore mu, a querénga ore gajnetique unájna jne. Uje Dupade ibidigode jiei ore. Mu imeserane garósi iji ore.–

Apocalípsis 17:14

Enga a ore pésu pocaningai ome Jesús, uje gajnua tu áyasa pẽrapaide chuguéraque. Mu Jesús a sué udore ore gai jne. Chamáñaje pangarádejnai u gu enga sué pangaránone gáyode jnese. Eduguéjna cuchape to enga sué eduguéjnane uñane gáyode jnese to rĩ. Enga uté jorane ore dopísi deduguéjnai tuté uru quigode. Chamáñaje Dupade ajegaite udore ore gu nanique.–

Apocalípsis 21:8

Mu pisijnaringuéone ipesusórone a parãte udore ore jnese aja gajño pioi jne uje azufre ai nóna pioi ocaraidie aja gaté iji uté. Enga pitoringai erueminóripísi u uté jne. Gajño pioi quisórone ore u: sadodéchoquíode. Upo Dupade uruode otigayasórone ore rĩ. Upo pijnacóroráne ore rĩ. Upo ayoré yungórone ore rĩ. Upo jnanione, chequedíe ore jnese rĩ uje ore chachia ráguiji punganingane. Upo udore ore jnese rĩ uje ore chequetingare re ome pujopié gajnarénguenie. Upo ayoré gajnúone catecãraisórone ore rĩ. Upo urupatáquechoquíode ore jnese to rĩ.–

Juéces 6:35

Ga Gedeón chirógapo jnacarode uñane aja manasésgosode ore yui to rĩ jeta ore cháta raja ñane to ome ore umajosórone yui. Chirógapo uñane aja asérgosode ore yui to rĩ, jé aja zabulóngosode ore, jé aja neftalígosode ore to rĩ. Enga ore tibágui Gedeón jnese.