Juéces 7:2 - Dupade Uruode

² Ga Pangarádejnai catecã́ri Gedeón uté nanique ga chojningame: "Urénga, bajorane iji barasade jiei ore ga a ore jos eti ore guejnaque madiángosode ore jne, ga a ore chisi dabai jne, uje a jé ca ore áyipie déji jne uje uyu upúsu uje yátaja israélgosode uaque gu ome ore.

Juéces 7:2 Iomraidhean Croise

Génesis 46:2

Enga e ore mo enga Israel uté urigode chiqueta raja. Enga Dupade tibidi enga chĩ́care i bajai aja enga chojninga: "¡Jacob á!" Enga Jacob chajnai ga chojninga: –Yugúsi de é.–

Daniel 4:30

Ga chojninga: "Idáidaté yoquidai Babilónia udé, uje yipesute udé ome cutejmai yetotiguejna. Ga idáidatéi u ome pidáyode jnese iji yuniri udé údode. A yitoi jne, mu yijíñome yipesudi udé pidai iji yiquigade jeta jé ca pamurañaque yu ome guidai tudé, ga a jé yijogate yurasade ore áyipiedie jeta ore chajire guidáidaté cuchábi udé."

Romános 11:18

¡Mu jé ca purása quedéjna uacuñeque dorási ga poja jmanecaque bajade ore ome dáringane parãcho iji pore ueradé uaté! Jeta apotárasa báringárique dicotare, mu ajnusina uje que toc ujetiga jmanecaque pichagájai doi ga pésu ero jeta quérã mu ero u uje pésu jmanecaque pichagájai uté jeta ijõre, enga gose uje catája cucha goto uaté ero gu.

Romános 3:27

Uje Dupade cho ayoré ujñapetáguiji yoque gu dacaniratiguédatéi ome yoque, ¿ama yicorási ga yisı́gorase yoquibai a? ¡Úngare! ¡Íjnoque jogadi ome yoquijoyaquérique gotique! Uje que yoquipesudode cucha uñeque chiborátaja yocúringai ujñapetaque uté gu. Que tṍrapóji Moisés urusarane cucha puyácho úringane pipesucho aja quigode rı̃. Mu Dupade ı̃carai tupúsu panguretigai ujetiga chimesẽre yógome, enga gusu uté. Jecute a jé ca pimeraja Moisés urusarane úringane pipesucho gotique.

2 Coríntios 4:7

Yirajágo uje cucha orerã́quedatéi déji yocao ayorei ajei. Yirajágo mu uje que cuchárique tṍraji yocao ayorei tuté. Mu gajnua u pĩraca docoráraque iji jnutique. Jecute obiréjna uje yocaríjogoto pujopiédaté que garani u yoque go, mu garani u Dupade.

Efésios 2:9

Que toguírase arĩa ujetiga ayorérique ipesutique cucha uñeque chiborátarásaja uté gosi úringárique piquetaque. Enga qui tu gu jetiga jé ca uñeque chosi riji gaté ga chojningárasa ome dajoyaquéode: "Dupade chiqueta yu gu yátegoningáne udore."

Deuteronómio 32:27

Mu a ca yipésu jne. Que yipota gu ujetiga yumajosórone ore chujñieta yu to. Ga a ore chojningárasa ome yu to gu: 'Chiese Dupade u uje chejna israélgosode ore, mu que u gotique. Yejnángo yoquetotiguei ome ore ga uyoque u uje yejnángo ore.'

Santiágo 4:6

Mu Dupade chatapísaja yógome dátegoningáne. Uje ore urusarane Dupade urúo déji uje chojninga: "Dupade chetaguipise ayoré dicotárechoquíode. Mu átapiode u ayoré pajnotágode ore ome dátegoningáne."

1 Samuel 14:6

Jonatán chojningame dajõrai: –Bo yico, ga jé yucuegoi dupa quedéjnane anguresórone udore ore irengúrique ga yejnángo ore jne jeta Pangarádejnai Dupade ajéo ome yoque. Que cucha gotique gu ome Dupade jetiga jiei ayorérigo, jeoga garósi ore uje a chisi ome ore úringane pujnuéngaisṍre ome gosode ga gosode sué dajocaningai gajnéone ore gai gu Dupade.–