Juéces 7:1 - Dupade Uruode

¹ Uje direjnipe nanique ga Gedeón uje i uñai u Jerobaal, jé aja pocaningai gaisórone ore jnese to ga ore chobéri dajesui ga ore diguiji deréjnai údode ga ore basíji ore ajmini uje i tu Harod. Ga sibíjnai déji uté to. Enga madiángosode ore irengúi déji casaque garani yui iji ore charidi uté pajmite. Ga qué ore déji dapáringai iji cucarã́techoquí More edúdi.

Juéces 7:1 Iomraidhean Croise

Génesis 12:6

Uje ore jnoji Harán nanique enga ore jno, ore jno, ore jno iji puniri uté yui jec aja uje ore chise ore idáidatéi Siquem ejode nanique. Enga ore chácariji ore atetai iji ejoi uje i tu More. Enga purása quedéjnaringo déji to nanique uje cananéogose ore.

Génesis 22:3

Enga Abraham niji uje qué tota dore. Enga doi dachidé burica quedéjna enga doi dayaripíode enga chujé aja gai. E chaquesu pidode to bajaque ome daserani yui. Ga jé u uje ore chicáji Dupade ojningai punire uté. Enga abi Isaac nóna, jé aja daroque gárode.

2 Samuel 23:25

Sáma u uñai uje uté idai i tu Harod. Elíca u uñai enga idai jé u Sáma idai uté to uje i tu Harod.

Sálmos 83:9

Dupade á, jé be basoca casica ome madiángosode ore nanique ome udore ore. Ga ore gajnéone bajuyaqué jé cho bajuyaqué casica uje bapésu ome jnani bajade uñane uje ore íode u Sísara, Jabín ore iji tié uaté uje i tu Cisón.

Josué 3:1

Uje direjnipe ga jĩraque Josué, urasade israélgoso ore jnome dajesui iji dapáringa casé darengu uje i tu Sitim nanique. Enga ore chise tié Jordán edógai mu que ore chaquesu míraque. Ore pésu darengúi iji tié edógai, enga ore moji edógai to.

Josué 6:12

Uje e dire enga Josué niji iji durasepise nanique ga Dupade uruode pi cajo jnungórone ore niji to ga jĩraque ore chijnoque dajnui tuté Dupade uruode pi cajo tuté aja dajesui.

Juéces 6:32

Enga jé u uje ore jnome dajesúode ga que ore chujé Gedeón gotique. Ga ore chimo Gedeón nanique ga jé ore cho uté i iji ga ore chojningame uté "Baal irotágui jóroque re" ga nóña ga uté i nanique. Ga ore chojninga 'Jerobaal' ome ore uruode nanique, uje Gedeón chucuase Baal gajnei ore aseradéjna nanique ga que cuchárique chósi ti iji Gedeón, ga jé ate tiji quigade.

Juéces 6:33

Udojo quigade ga madiángosode ore chutṍri amaléquegosode ore jeta ore doi pocaningai ome israélgosode. Ga ore chutõrapoi purása quedéjnane uñane to rĩ uje ore unirone déji guedé garani yui. Ga ore chicáji yote quedéjnai Jordán uéchamitó enga ore chicha darengúi aja cucaranone ujai uté uje ore gajminémeque enga i tu Jezreel.

Juéces 6:40

Enga jé u iji dejai uté uje Dupade doi Gedeón ajequigode ga guejnatui que basája áyasa ao gotique to, mu mararata ejode.

Juéces 8:29

Ga Joás ujnacari Jerobaal uté chajníja daguíjnapísi ga chácariji uté. (Jerobaal, Gedeón jé ío udojo jnese nanique.) Ga uté abode cuse ga abode chise 70 gu uje jiépisi acotedie ore nanique.

1 Samuel 12:11

Ga jé u uje Pangarádejnai Dupade chiroque ore adode ajirisórone aja israélgosode ore nanique ujetiga chátaja ore ome ore umajosórone yúode. Yujúdode u Gedeón uje i uñai u Jerobaal, jé aja Barac, Jefté ore. Ga yojningai jé upo yu to rĩ uje uacadode ajirisṍri jé u Samuel uyu to. Ga uacadode ajirisórone udore chátaja uaque ica ga ore chibéro uacamajosórone ore josipiedie iji uacabáyode ga quene uacoyo parácho iji uaquedáyode iji uacaniri udé údode.

1 Samuel 29:1

Filistéogosode ore jnoji darengu bajai ga ore doi darengúi iji afécgosode ore ejoi. Jé basa ga israélgosode chicáji yote uoi uje déji Jezreel ejoi. Ga e dimane ore ome ñane jeta ore chujé ñane.