Juéces 6:3 - Dupade Uruode

³ Uje israélgosode ore chutã́ri jóroque mu madiángosode jecucha doi ore, ga que gusu ore mu amaléquegosode dopoi ore rĩ, jé aja purása quedéjnane uñane to uje ore tṍraji guedé garani yui ome ore.

Juéces 6:3 Iomraidhean Croise

Juéces 7:12

Uje Gedeón ore chajire dagaidode udore ore iji dádi ga ore chacãra ore aja chuguyúgu dipesedie ome úringanie dipesei. Ga madiángosode ore u, jé aja amaléquegosode ore uáguedie u to, jé aja purása quedéjnane uñane ore upo to rĩ uje ore tṍraji guedé garani yui. Ga ore gachidode caméllo jiépisi ga cho ungaréjnai arĩ iji yote quedéjnane gáyode ome dapetígajnai.

Juéces 6:33

Udojo quigade ga madiángosode ore chutṍri amaléquegosode ore jeta ore doi pocaningai ome israélgosode. Ga ore chutõrapoi purása quedéjnane uñane to rĩ uje ore unirone déji guedé garani yui. Ga ore chicáji yote quedéjnai Jordán uéchamitó enga ore chicha darengúi aja cucaranone ujai uté uje ore gajminémeque enga i tu Jezreel.

Juéces 3:13

Ga jé u uje ore asuté cuchábi Eglón chutṍri amóngosode ore nanique, jé aja amaléquegosode ore jeta ore cháta rágaja ñane ome dajocaningai ome israélgosode ore. Ga ore jnome israélgosode ore ga ore pésu dajochai ga ore chose israélgosode ore iji ore idai uje i tu 'Pidai Ijnápui.' Ga ore sué israélgosode ore gai iji uté ga e que togome israélgosode ujetiga ca ore doi Eglón uté áyipiedie gatuaque. Ga Eglón, urasade ore, ore cho dedai iji ore idai uté to nanique.

1 Reyes 4:30

Jé ũré uje ujnomeranguipise egı́ptogosode udore ore jé aja purása quedéjnane uñane iji guedé garani yui ome dáringane irajatácho nanique, mu Salomón irajatigade suépise ore irajatigade gai jnese ome cutejmai darajatı́gadaté nanique.

Juéces 8:10

Ore ajnanie dacasutei udire, Zéba, Zalmúna ore, e ore déji ore idai Carcor. Ga udire ore jorane soldácho uje ore chayome Gedeón to ga ore déji ore idai Carcor uté to. Jiépisi soldádode udore uje ore tṍraji guedé garani yui iji pocaningai taningai, mu Gedeón ore yugode chise 120.000 iji ore diríca ga jé u uje uecade gusu 15.000 jnese iji ore jocaningai quigade.

Génesis 29:1

Enga Jacob e jno iji dayaridi uje catecã́ri Dupade iji enga chicáji punire uñai uje déji guedé garani yui.

Juéces 6:2

Enga madiángosode jecucha ga ore cho dajocaningame israélgosode nanique mu israélgosode ore chayome ore ga ore pógu ráguiji cucarã́tedódie jeta jé ca piyaque ore.

Juéces 6:4

Uje israélgosode ore chimate dacade cucha aja guesode mu madiángosode di ga ore chicha dacárpade aja ore ejode. Enga jé u uje ore chajnangarase ore acade cucha ga ore chuságaja ore idai uñai uje i tu Gáza. Ga madiángosode chajnosipise isráelgosode ome ore gachidedie áyasai, jé aja aquirájnanie, jé aja burica quedéjnane udore jnese. Ga que israélgosode ore potique cuse jeta ore tagu iji dachamini uté. Ga cho chique ore uniri údode ome cucha pibosode.

1 Reyes 20:27

Enga israélgosode ore isocai jé upo rı̃ uje ore pésu rágome pocaningai yui to. Ga soldádi chojmara, chojmarane ore jnese chijna deduguéjnane gueranone cõrácha, jé aja ore gueranone cucha pibose ome ore jocaningai uté. Ga quene ore chicáji sı́riagosode ore isoldádode yui nanique. Uje israélgosode ore isoldádode chicáji ore yui nanique, ga ore gajnunie u áyasa quedéjna jochaque gárode iji sı́riagosode udore iquei uje ore dique ¡pac! ¡paque! iji ore iquei. Jé basa ga sı́riagosı́so ore jochaguéjna aja israélgosode ore yui nanique, ga ore chipédugu erámi ome dáringane dipeséo.

Génesis 25:6

Enga Abraham e garósi jeta toi nanique enga tibidi dajnacarode uñane iji dacoté uñanie gari to ujetiga tẽrája ore ome dagúchade uñane, enga jé u uje chojningame ore: –Boyo enga angaráño uacaquitígo ome yujnacaripísi quitique jne. Enga boyo ga acayóji guedé garani yui te jne.–

Éxodo 17:8

Uje amaléquegosode ore chudute uje Israel ájnape disi ejode ore déji pajmini Refidim ga ore doi dajocaningai ome ore iji pajmini uté.

1 Reyes 5:10

Enga jé u uje Hiram uté chisı́ome Salomón ipotigádedie pórechoquı́ udire jnese ome uje poridie udire ı́ode u cédro, pı́no ore.