Juéces 5:3 - Dupade Uruode

³ ¡Ayoré dacasutedie uáguiji erámi údode jnese, jé aja ore eduguéjna cuchape uáguiji erámone, beyoi ga angachobi yijñecade udojo jne! ¡Uje a yedoi u Pangarádejnai Dupade jne uje israélgosode yocangureni u uté!

Juéces 5:3 Iomraidhean Croise

Génesis 6:17

Enga a amate cucoi jne enga a yiroque gue cuchátique aja jnumi te jne jetiga yodi chaco jnumi gai. Enga a yejna cuchade jnese jne iji erámi údode jnese. Yojningai u cuchade udore uje qué ueca iji erámi tudé. Enga a jé ca ayorérique, cuchisórique chapídome yujuyaquédatéi tuté jnese jne mu a ore topísi jnese."

Génesis 9:9

Enga chojninga: "Angachopísi yuruode, enga a uacajneque yuruode jne, enga a uacape disi ejórigo ore gajnechópo yuruode to jne rĩ.

1 Reyes 18:22

Ga jé u uje Elı́as uté qué jnopo daruode údi ome ore rı̃, enga chojninga: –Jé ũré yu arı̃a uje gusúpusu uecai tu yu iji Pangarádejnai uté angúroméone proféta udore ujade jnese. Jé basa ga uacangureni tuté ayoré gajnu uje i tu Baal irógode ore batigai chise 450.

1 Reyes 19:10

Ga Elı́as chajnai Pangarádejnai uruode ga chojninga: –Yo yiba badode gu, Pangarádejna Dupa Pujnuéngaisṍri á. Enga yejna yiguesi ome baroquéode úringane pipesucho. Uje yurasade israélgose e ore noñome baru iyiejájnane iji te jmete, enga ore chajnangarase bajnéone gaserãcho, jé aja uje ore chujé barógode proféta udore ome daqueséode. Enga gusúpusu uecai tu yu ome yúringai baruode júsõre iji erámi tudé. ¡Mu e ore pota jeta ore chijna yucuecaringuei iji yari to!–

1 Reyes 19:14

Ga Elı́as chajnai darade udore ga chojningápome Pangarádejnai gaté rı̃: –Yo yiba badode gu, Pangarádejna Dupa Pujnuéngaisṍri á. Uje yejna yiguesi ome baroquéode úringane pipesucho. Mu yurasade israélgose e ore noñome baru iyiejájnane iji te jmete, enga ore chajnangarase bajnéone gaserãte, jé aja uje ore chujé barógode proféta udore ome daqueséode. Enga gusúpusu uecai tu yu ome yúringai baruode júsõre iji erámi tudé. ¡Mu e ore pota jeta ore chijna yucuecaringuei iji yari to!–

Ésdras 7:21

Eduguéjna cuchábi Artajérjes uyu yósi tome yiroguipísode uñane to rĩ uje ore déji punirone udore iji guedé cacadi yui iji tiédaté Éufrates uécha uñai, uje udore ore ajiriguipise cucha orerane yúode to iji ta uje ore chañuru guio. Ga a yósi tome uaque: 'Dupade iroguipise Ésdras uté enga chirajapise gaté unirísõri Dupade guetégode cucha, jé aja imeserane cucha to. Ujetiga Ésdras uté chutai uágome yugúcharique jne, enga jĩraque asíñome jne.

Sálmos 119:46

A yujúdode u bapijogúsorone barúo udore ome peduguéjna cuchábode ore jne iji ore iquéode, enga a jé ca pinguíra dipótique aja yu jne.

Sálmos 146:2

A yicota Pangarádejnai jne, jé aja yucuecaringuei eruénique. A yirate yicotaqué gajnéringui yiradei jne ome Yangureni Dupa uté uje qué yiqueca iji erámi tudé.

Sálmos 27:6

Enga a e pijosique yu iji gaté jeta yugúsi yumajosórone ore gai jnese jne uje udore ore chaparu yibai. Jecute a yẽra yẽrapáitigo cucha ome uté iji uté iguíjna cuchábi ajei, uje yinínaquéode quicho udore. A yijñecare jne, ga a yirate yicotaqué gajnéringui yiradei ome Pangarádejnai uté to jne.

Sálmos 61:8

Enga a jé u jne jeta jecucha yedo bei ueradéjnai uté iji yachachagúgode uje yicota ua ome yijñiecade jne. Ga a jecucha yimate yichagájade yurúo aja guesi iji dirode jnese jne.

Éxodo 31:6

A yisi ome Bezaleel átajasónique ome jne, ga yajegaidi u dángosode uñai uje i tu Aholiab ujeta cháta cuchade aja Bezaleel. Jnani uté uje i tu Aholiab dayé i tu Ahisamac. A jé ca gusu udore ore gotique jne mu a barótigo uñéngo cuse to jeta ore pésu to yiguíjnai gajnéone cucha. Ga udore ore a yõre ore irajatigade jne ome cuchade, jé aja jeta ore chimate dasagode cucha jnese aja eruénique, enga a jé ca ore chimoque yojningárique jne. Ga a cuchade tocade jnese jne uje e yingopísa quigode ome ua gu.

Deuteronómio 32:1

"¡Gatajnoquei á, angarami yu to é, uje qué yirate Dupade iradé to é! ¡Jnumi á, jé cho ua to á, ga angarami yu to é!

Deuteronómio 32:3

Enga a yĩ́care Pangarádejnai i ueradéjnai to. Ga beyoi ga ẽ́cacho Dupa Pujnuéngaisṍri uté úringai cuchadaté to.

Juéces 5:7

Mu israélgosode ga e garósi yóguiji yoquidáyabode jnese. Mu Débora uyu ga Pangarádejnai pésu yu ga uacoyo uacasuté iji yu ome Dupade ojningane cucha yúode. ¡Ga jé yajnua tupúsu jeta israélgosode jnese uacãrapié uacaté jé uyu!