Juéces 5:2 - Dupade Uruode

² "¡Beyoi ga yicotágo israélgosode yocangureni Dupa Pãrésõre ga yacãco uté gai ome yocurasade ore uje ore doi pocaningane ga ore sué yocumajosórone gáyode ga gose yocangureni uté irotaquei! Uje jnanione uñane qué ore déji yocujade uje a ore chudute pocaningárique ujnomérique ga jĩraque ore pésu rome yui.

Juéces 5:2 Iomraidhean Croise

Nehemías 11:2

Mu yocurasade chudute udojo uje yibicoi ore iji yoquirosadode iji Jerusalén ejode enga jiei ore uje ore chojninga: "Ejẽ́, a uyoque u to jne arĩa." Enga yocurasade jerusaléngose yacãco Dupade gai ome udore ore uje jĩraque ore doi yoquibijnane.

Sálmos 103:2

A jecucha yacacãre Pangarádejnai jne ome yáyipie omenie gatuaque, enga a jé ca yicadígui uté gueranone yagutíyabácho uñeque ome yu jne.

Sálmos 110:3

A chise dínique ujetiga basoldate dipeséode udore ore dimane ome bajocaningárique yui ga ore cho piguidé pibiéji bangoningájnai jeta angongara báringai ujopíerãque cuchape iji bajocaningai uté. Uje diri chujé gaté ga gajnetui base iji erámi ga imoi tu uje ijõre basoldate dipeséode ore aja bajocaningai, ga érãtique ore enochai base gotique.

Sálmos 136:15

Mu uté tṍra Faraón, isoldate dipeséode ore aja Yote Quedéjna Caratai uté ajei ga chaco ore gai. Chamáñaje que ijnoraquédatéi eruénique cusipise gu.

Sálmos 18:47

Dupade uté u uje cho dajnutabádu yu, ga uté chicha purása quedéjnane udore aja yúdi.

Sálmos 48:11

¡Jé tiógara ujetiga Cucarani Sión nína re! ¡Jé aja pidáyode udore iji Judá uaté údode, jeta ore dorási ga ore tẽráchu ome daninaquei! Uje ũrépiso bajiritigade udore quigode gu.

Sálmos 94:1

Urénga, Pangarádejná, Dupade uje cho dajnutabádu re á, be ga pipañaite ua, Dupa jnutáchá.

Sálmos 97:8

Urénga, Pangarádejná, Sión chudute ga nína re, uje Sión uté íode uñai u Jerusalén; jé aja Judá idáyode ore to uje ore nína re ome bajiritíga uréone quigode.

1 Coríntios 9:17

Ujetiga yipésu cuchárique gu yajéningo, enga jé tiógara ujetiga pisi yu. Mu ujetiga ayorérique que yocajéo mu jé yipéco cucha dacatique enga uome to. Chamáñaje Dupade iroquéo udore gu ome yoque.

2 Coríntios 8:12

Chamáñaje Dupade chimesẽripise uyoque uje que yico yoquẽrapáidode unerotiguérique. Ujetiga Dupade chimo uje caniraque yoque ome enga e que chachoque yoquẽrapáitique cucha go. Chamáñaje Dupade que jnari gu cucháringome re ujetiga ca déji gosi.

2 Coríntios 9:7

Jecute acueyoi uacáyipiedie ome uaqueranone cucha bajaque enga ujetiga amácho uacáyipiedie enga ca eso unerotiguérique uaqueranone. Chamáñaje Dupade ijnorai tu gosi uje irasique re aja deranone cucha. Jé basa gajnarei tu ujetiga uneroque gosi gueranone ome Dupade mu jé tẽríji. Enga cho ujetiga piroque gosi aja.

Deuteronómio 32:43

Erámi unirisórone uaque jnese á, ¡Beyoi ga acotáyo israélgosode ore angureni Dupa to! Uje Dupade chimo uje ore chujé irógode to ga a cho dajnutabádu daroque chugode udore to jne. Ga jé adi u ome detesórone ore jnese, enga a cho dajuñame ore jnese to. Mu Dupade a chicadígui darasade ore isijnaringuéone to uje ore pésu iji daniri nanique, ga a chĩro ore ate gajnaréngone jnese to jne. Ga ore uniri uté a ueradápo jne rĩ ujeta pĩroque pisijnaringuéone jnese uje pipesute iji uté nanique."

Filipénses 2:13

Dupade pésu dáyipiedie ome cuchárique, enga jé u uje chisi ome páyipie omenie ome yoque. Enga Dupade upo rĩ uje chátaja yoque ujetiga yimáco yocáyipiedie unaji aja guesi.

Filemón 1:14

Mu que yajéode u ujetiga yijnárasa yimenuringuei aja ua ujetiga be yipotigádode cucha. Mu yipotapísa ujetiga bajéode jé u yajéode to. Jecute a ca yaquĩ́ra Onésimo iji yari jne ujetiga jé ca bajépiso to.

Apocalípsis 18:20

Mu gaté unirisórone uaque á, anínaño uaque ome cucha dacadode udore. Jé aja Jesús iroguipísode apóstoles uaque, anínaño uaque to. Jé aja Dupade uruode atatasórone uaque to, anínaño uaque to. Jé u uaque to uje uacoyo uacajnéngu Dupade, anínañopúsu uaque to. Chamáñaje Dupade cho dajuñame idáidatéi uté gu ipesute gajnaréngone ome danguresórone uaque.–

Apocalípsis 19:2

Chamáñaje ũrepise Dupade ome ajiritigade gu, enga que cho paraque ome dapesutique cucha. Enga jé tiógara uje cho dajuñame chequé dibéchoquía uaté. Chamáñaje uaté bai u dapesute gajnarenguipísode uje chacate erámi unirisórone ome punganinga quedéjnane. Enga Dupade jnutaque to ome darógode udore uje uaté chujé ore nanique.

Juéces 5:9

Ga yáyipie dépisi yocasutedie udiji ore diríca iji israélgosode yocujade, jé aja pocaningane imosórone iji yocujade to. Uje yibicoi ore ome pocaningai enga jĩraque ore jnome yui jeta ore chujé udore ore. ¡Ga beyoi ga acotáyo Pangarádejnai Dupade to ome úringa pasuté pãreto!