Juéces 4:1 - Dupade Uruode

¹ Uje e Aod toi ga israélgosode ore pésapo date gajnaréngone iji Dupade edominone rĩ enga que uté chisápo ore unétique gotique rĩ.

Juéces 4:1 Iomraidhean Croise

Hebréos 11:32

Uñane qué déji uje ore changuretapise Dupade to nanique. Mu yipota yiji yurusarane údi ome cucha uñéngo. Jecute que yurúsãre jnani bajai Gedeón adode ome uaque. Jé cho Barac adode, Sansón adode, Jefté adode rĩ. Jé upo David, Samuel ore adode rĩ. Jé upo Dupade uruode atatasórone uñane adode to rĩ.

Hebréos 11:33

Udore ore jnese ore changureta Dupade. Jecute udore uñane ore sué damajosórone gáyode enga ore gajneque ore unirone. Udore uñane eduguéjna áyipierãque ore nanique ome darasade. Enga jecucha Dupade doi daruode ome ore enga chatapísaja ore. Enga suru caratedie pijnanone ome ore ujetiga ca ore tagu ore.

Juéces 10:6

Uje Jaír toi ga israélgosode pésapo date gajnaréngone iji Dupade edominone gatuaque rĩ. Ga ore chapúsapo dangurenone dupa aja to rĩ. Uñane changureta dupa quedéjnai Baal to ga ore catecã́ri uté oré gaté dipesedie to. Jé basa uñane catecã́ri dupa quedéjna to uje i tu Astarté. Uñane ore changureta síriagosode angurenone dupa quedéjna to. Uñane ore changureta sidóniogosode ore angurenone dupa to. Jé basa uñane changureta moábgosode angurenone dupa to. Jé basa uñane changureta amóngosode angurenone dupa to. Jé basa uñane changureta filistéogosode angurenone dupa to. Ga e ore chapúsu israélgosode ore angureni Dupápisi ga que jé ore catecãrápoi uté to rĩ.

Juéces 2:11

Ga chise diri uje Dupade chajire israélgosode ore isocade ga que chise ore unétique uje ore chirate purása quedéjnane ore aja ore angurenone ayoré gajnúo gu. Ayoré gajnúone udore ga ore chĩ́care Baal aja ore ga ore tẽrája udore ore angurenone to.

Juéces 3:12

Mu udojo quigade ga israélgosode ore chajniapója cucha gajnaréngone úringane pipesucho iji Dupade edominone rĩ, ga que Pangarádejnai chisápo ore unétique rĩ. Jecute Dupade pésu ga moábgosode ore eduguéjna cuchábi Eglón sué israélgosode ore gai ome dáringa dacasuté pirosobade.

Juéces 3:7

E israélgosode ore pésupúsu cucha gajnaréngone iji Dupade edominone. Enga ore chicha Dupapísi aja ti yui, ga ore doi dupa quedéjnane isocade to ga ore chijnoque udore ore oré gatedie aja quedéjnane to uje ore íode u Baal, Astarté ore.

Juéces 6:1

Uje Débora e toi nanique ga israélgosode ore chajniapója dasoca gajnaréngone iji Dupade iquei. Ga Dupade tẽra petotiguei ome madiángosode ore nanique ga ore sué israélgosode ore gáyode nanique. Ga israélgosode ore guejnanie siqueré gare iji ti nanique uje que madiángosode ore chajéngome ore gotique nanique.