Juéces 3:12 - Dupade Uruode

¹² Mu udojo quigade ga israélgosode ore chajniapója cucha gajnaréngone úringane pipesucho iji Dupade edominone rĩ, ga que Pangarádejnai chisápo ore unétique rĩ. Jecute Dupade pésu ga moábgosode ore eduguéjna cuchábi Eglón sué israélgosode ore gai ome dáringa dacasuté pirosobade.

Juéces 3:12 Iomraidhean Croise

1 Samuel 12:9

Mu uacáquiode jĩraque chicadígui israélgosode yocangureni Dupa. Uje que ore tangári Pangarádejnai Dupade nanique ga uté cho dajuñame ore nanique ga tẽra ore ome ore umajosórone nanique. Ga hazórgosode ore eduguéjna cuchábi Jabín iroguipísi Sísara suépise ore gai nanique iji ore jocaningai. Ga filistéogosode, moábgosode jecucha ga ore pésu pocaningane ome udore ore to nanique.

Juéces 2:19

Mu uje padode ajirisṍri toi ga israélgosode que ore basíji purása quedéjnane ore isocade yúrique. Ga jé ore chajnera dádi ome dasoca noñángone uje ore doi dupa quedéjnane isocade to. Mu uje ore ujnacare bajade toi mu ore ape disi ejode qui jé u ome cutejmane date noñácho, ga ore sué dai casodica ore isocade gai. Que ore cha dajegaidode cucha unétique uje ore cusu rome gu.

Juan 19:11

Mu Jesús chajnai uruode enga chojninga: –Ísega ca araja to uje Dupade sué bajnéone udore gáyode. Ujetiga ca ajéo enga a ca toguírase ome ua bojningane udore ujetiga apésu. Mu Dupade guẽrate ujetiga apésu cucha dacadode udore aja quigode. Jecute uté uje oite yu aja, uté isijnaringuéone sué basijnaringuéone gai.–

Daniel 5:18

Daniel jĩraque chatata purusarane udore quigode ome uje déji guiguíjnai pajei. Ga chojninga: –Dupa Ujopíerã́quedatéi guẽrate báqui Nabucodonosor úringai eduguéjna cuchape ome nanique, jeta picotaque uté ome úringai eduguéjna cuchape.

Daniel 4:22

Yoqueduguéjná, baricaidé uaté pore jé ua u uje bajneque erámi udé péode ga que pimócho. Ga e bese báringai picotaque ome erámi unirisórone ore jnese. Uje que eduguéjna uñeque déji erã́tique jeta jé cho ua. Bamenuringuejnai jé u poria uaté abubíe uje bamenuringuei que eruénique erãpe cuse. Ga jé isocai tu iji erámi údode uje ore cho deduguéjna iji ua ga ore chedu ua jnese.

2 Reyes 5:1

Sı́riagosode ore eduguéjna cuchábi ichajapite darógode uñeque aja dasoldádode ore iquei jnese nanique ome dáringa asuté, enga jnani uté i tu Naamán. Ga eduguéjna cuchábi irasiguipise Naamán isocai ga chosi iji gaté gu uje Pangarádejnai átapi uté gatuaque aja ore jocaningane ome ore umajosórone ore úringane pejnacho. Uje dicasepise Naamán uté ome dáringai jõcarataque, mu jé chejnáreque dequejnarei uté lépra isagode ome re.

Juéces 2:14

Jecute Dupade ájningaránguipísome israélgosode ore ga chiroque oriechoquíode ore aja ore idáyode jeta ore chajnose ore ome ore ugúcha ponáyone jnese. Mu que Dupade chedu oriechoquíode ome ore gotique mu tẽra ore ome purása quedéjna uñane to jeta ore socárome ore iji ore idáyode ga que ore chisa dejóringome desórone ore.

Juéces 2:11

Ga chise diri uje Dupade chajire israélgosode ore isocade ga que chise ore unétique uje ore chirate purása quedéjnane ore aja ore angurenone ayoré gajnúo gu. Ayoré gajnúone udore ga ore chĩ́care Baal aja ore ga ore tẽrája udore ore angurenone to.

Éxodo 9:16

Qué yicha uágaja diri diríca gu jeta arajáyo yúringai ujopíerãque cuchape uje qué uacagúsoi erámi tudé. Yigaidi upome uaque rĩ jeta uacojode ayoré chudute uacajnomei iji danirone to iji erámi údode jnese uje Dupa Eyúgojmai uyu u uje yujuyagaite uáguiji uaquedai tudé ome uacajosipiedie.

Juéces 3:11

Iji udojo quigade ga israélgosode ore dopísi dangaráni Otoniel uru quigode ome raque nanique. Ga que cuchárique chopósi ti iji ore rĩ aja siqueredie uje chejna ayoré gáredie nanique. Enga e chise diri nanique uje ore angaráni Cenaz ujnacari Otoniel uté toi.