Juéces 20:1 - Dupade Uruode

¹ Israélgosode ore tṍraji dedáyode jnese nanique uje ore chudute benjamíngosode adode ujnomei. Uñane tṍraji ore idáyode uje ore íode u: Dan, Beerséba, Galaad ore. Ga uñane tṍraji dedáyode uñane to, ga ore chimáta raja ñane iji ore idáidatéi Mízpa. Ga ore chopise jnani chojmarai uje ore áyipie qui chojmaráji jnumi. Ga ore chutṍri Dupade ome benjamíngosode jeta ore chiraja dasocáringome ore.

Juéces 20:1 Iomraidhean Croise

2 Samuel 19:14

Enga judágosode ore chudute David uruode ga ore áyipie qui chojmára jetiga ore tibidi David ga chajniapója ore idai to rĩ ga nóna daroguipísode aja Jerusalén rĩ.

2 Samuel 2:9

Ga chimáta israélgosode ore angaránone aja ñane iji uté jeta ore cho deduguéjna cuchábi iji Saúl ujnacari uté iji ore uniri Israel jnese. Ga ore tṍraji israélgosode ore unirone uje ore íode u udojo: Galaad, jé aja Gesuri, jé aja Jezreel, jé aja Efraín, Benjamín ore. Jé gusu judágosode uje que ore chise to ga ore cho deduguéjna cuchábi iji David.

2 Samuel 24:2

Enga David chojningame dajorámei soldádode asuté uje i tu Joab: –Bo ga asecãru yocurasade ujetiga yiraja ore eruénique jnese. Átaja dángosode ore to jne iji ore idai tuté iji casaque garani yui, jé aja beersébagosode ore to iji ore idai iji umusoi garani yui. Enga áta ore idaisórone aja ñane jne iji ore idáyode jnese iji ore idáyode udore ore ujai jnese.–

1 Reyes 5:5

Enga e Salomón uyu yipésu yáyipie ome Pangarádejnai gajnei guiguı́jna uté yui jeta yipésu ome yangureni Dupade uté, ga pisi uté gai iji. Chamáñaje Pangarádejnai uté chı̃́care udore ome yai casicaite David nanique uje chojninga: –Bajnacari uté uje yicháji bayaripi cuchábi gai ome dáringárique eduguéjna cuchape iji baquigáningo ga a uté gajnepı́di u jne jeta pésu yajegaidi guiguı́jna uté ome yi úringárique pisı́gai.–

2 Reyes 25:23

Judágosode ore isoldádode eduguéjnane uñane qué ore déji daniri Judá uté nanique, jé aja ore irógode soldácho, uje a ore chayome babilóniagosode ore eduguéjnai jocaningai to ica, ga ore chisite rágaja quedéjnane. Ga soldádode ore eduguéjnane ore ı́ode u udojo: Ismael u uñai uje uté dayé u Netanı́as; Johanán u uñai to uje uté dayé i tu Caréah; Seraı́as upo uñai rı̃ uje netófagose uté dayé nanique ga dayé uté i tu Tanhumet; Jaazanı́as upo uñai rı̃ ga maacágosode uñai ape uté nanique. Uje soldádode eduguéjnane udore, jé aja ore irógode soldácho udore jnese, chudute Gedalías ujnomei uje e babilóniagosode eduguéjna cuchábi pésu uté úringai gobernador uté, enga ore basája Gedalías uté iquei jnese iji charidi uté iji ore idai Mízpa nanique, enga ore chingongara raja uté.

Ésdras 3:1

Uje e ore chise deda arode nanique ga ore guejnane guedosi e gari iji ti iji ore guida arode uje ore chacáji nanique, ga jé ore chimátapo ñane gaté rĩ aja ore idáidatéi Jerusalén.

Nehemías 11:27

Hazar-sual, Beerséba,

Nehemías 8:1

Mu jĩraque yocurasade ore chimátapo ñane aja yoquidai Jerusalén abuéjna nanique rĩ. Enga abuéjna uaté idógosiji yocujuyaquei piagode uñai uje piagoi tuté i tu Yodi Gajnei Piago. Ga jé u uje ore chojningame ore acadisṍri Ésdras: "Be Moisés urusarane Dupade urúo ga ãraráraja quigode gai iji yoquiquei ga yangácoi quitígo to. Uje Pangarádejnai Dupade chisi ome daruode udore ome israélgosode yoca cásodicáite ore nanique."

Josué 15:38

Jé aja Dileán, Mízpa, Jocteel ore to.

Josué 17:1

Jnani bajai José ape bajai tu Manasés nanique ga Manasés uté ape disi ejode ore gajnéone jnupe u yatatagode udojo jne. Ga jnani bajai Manasés uté ape bajai u Maquir to nanique rĩ ga uté ape disi ejode u uje ore cho dajnéngu dajnepídi erãpe bajaque iji yote quedéjnai Jordán uéchamitó iji guedé garani yui nanique. (Jnani bajai Maquir uté ujnacari i tu Galaad to nanique rĩ.) Ga jnani bajai Maquir uté ape disi ejode udore ore chirajapise pocaningane nanique ga jĩraque ore cho dajnéngu dajnepídode erámio to iji yote quedéjnai Jordán uécha uñai iji guedé garani yui nanique. Ga ore gajnepídode erãpe u ore unirone udore nanique uje ore íode u Galaad, Basán ore.

Josué 18:26

Jé aja Mízpa, Cafíra, Mozah ore.

Josué 22:12

Enga ájningarãque ore ome rubéngosode, gádgosode, manasésgosode uague uña nanique, ga jĩraque ore cháta rágaja ñane iji ore idai Sílo nanique ujetiga ore doi pocaningai ome darása dode udore uje ore pésu daseradéjnai iji quedéjnarique ome Dupade iguíjnai gajnei paseradéjna gu.

Josué 22:9

Ga jé u nanique uje rubéngosode ore jnoji darasade israélgoso uñane gari iji ore idai Sílo nanique uje ore idai uté déji puniri Canaán ajei nanique. Jé aja gádgosode, manasésgosode uague uña ore jno to, ga ore nóna ñane aja dajesui nanique uje ore chajníja daniripísi iji yote quedéjnai Jordán uéchamitó iji guedé garani yui, uje ore uniri uté i tu Galaad nanique. Chamáñaje Dupade iro casica Moisés chisi ome ore gajnepídode erámio ome ore nanique gu iji puniri uté ajei, uje Yocangarádejnai jé ajéode u ome ore nanique gu.

Josué 4:13

Enga 40.000 u ore nanique iji ore jochai uje ore pésu Yocangarádejnai ojningane cucha nanique, ga ore chijna dorãchade iji dajmainie jnese ome pocaningai yui. Enga jõcaratade udore ore quítequigája ore idai Jericó ujetiga ore doi pocaningai ome ore to.

Juéces 10:17

Udojo quigade ga amóngosode ore chimáta rágome israélgosode yui jeta ore cho dajocaningame ore ga ore chicha dacárpade aja israélgosode uniri Galaad ajei. Ga israélgosode ore chimáta ñane ome pocaningai yui to ga ore chicha dacárpade aja ore idai Mízpa uje déji ore uniri Galaad uté ajei to.

Juéces 11:11

Ga Jefté cháta raja israélgosode ore ga ore cho dasuté iji uté ome pocaningane yúode, ga ore chopo dasuté iji uté rĩ iji ore uniri tuté údode jnese. Ga Jefté nóna jõcaratade ore aja ore idai Mízpa ga chingopísa raja Dupade iji ore idai tuté ga chatata eduguéjnane ore uru quigode jnese ome Dupade, jé aja daru quigode to. Gaidi tu gu jeta Dupade nóna uté aja ore jocaningai yui.

Juéces 11:34

Uje Jefté e díji daguíjnai ga ape ugurábia qué doi jobeyei iji iquei ga chujé deguedie cucha uña uje i tu panderéta. Uje irasique dayé yui gu uje chudute ujnomei uje sué amóngosode ore gai. Ga uaté u uje jĩraque doi guesi bajaque iji dayé iguíjnai ajei iji ore idai Mízpa uté nanique ujetiga chachai dayé iji garani.

Juéces 18:29

Enga ore cha ore idai tuté i bajai ome, ga ore pésu i ejoi ga ore chojningame Dan. Uje ore urásarique israélgose i u nanique jecute ore chĩ́caraja dedai tuté. Ore gaidi u gu jeta jé ca picadique ore gãrapi jnani bajai uté uje jnani bajaguipise Israel ujnacarode uña uté nanique.

Juéces 20:11

Enga israélgosode ore chopise ayoré chojmarárique aja benjamíngosode ore yui uje ore áyipie quigode chojmaráji jnumi jeta ore cugujnáji ore idai Guibeá uté.

Juéces 20:18

Enga israélgosode ore chicáji ore idai uje i tu Betel ga ore catecã́ri Dupade iji uté jeta gosode u iji ore ujade jeta ore cho dajnéngu benjamíngosode iji ore idai tuté bajaque. Enga Pangarádejnai Dupade juéga jetiga judágosode ore u jeta ore cho dajnéngu benjamíngosode ore iji ore idai tuté.

Juéces 20:2

Israélgosode asutedie nóna darasade iji udore, udore jnese aja ore imatapídi. Ga Dupade cho darása iji ore nanique ga jé u nanique uje ore cho deduguéjnai iji Dupade to ome benjamíngosode ore nanique, ga ore isoldádode iji ore ejode chise 400.000 ore jnese jeta ore pésu rome benjamíngosode ore yui.

Juéces 20:26

Enga israélgosode ore chajniápo aja ore idai rĩ uje i tu Betel ga ore catecã́ri Pangarádejnai Dupade iji deréjnai údode enga que ore tagúpo dabotique rĩ. Enga que ore áyipie jnoji benjamíngosode ore yugode ore urása gu. Enga ore chujé dachidode cuchiso uñámone ome Pangarádejnai Dupade ga ore chaníraja Dupade aseradéjnai gai. Ore gaidi u jetiga Pangarádejnai Dupade ajei cho sere ome udore ore.

Juéces 20:8

Enga israélgosode ore chague jnese ga ore chósi tome daruode jnese: –¡A jé ca yocuñeque chajnésarapo dedánique jeoga dacárparique bajaque jne rĩ, jetiga cáma yijṍcacome benjamíngosode ore iji ore idai Guibeá!

Juéces 21:5

Enga ore jnusina daru casodica uje cáma ore doi pocaningai uje ore chimáta ñane aja ore idai Mízpa ica. Uje ore chojninga ica: "Jeta jé ca pidáyode uñeque chiroque datocaitígo aja ore idai Mízpa to jne enga a yujégo gosode iji ore idai uté to jne." Enga jé u uje ore catecã́ri ñane ga ore chojninga: "¿Gosode u ica uje que ore cháta raja yoque iji yocaquiningamei iji ore idai Mízpa?"

1 Samuel 10:17

Udojo quigade ga Samuel tibidi israélgosode ore jnese jeta ore chimáta ñane aja ore idai Mízpa jeta ore catecã́ri Dupade iji ñane gari jnese iji ore idai uté.

1 Samuel 3:20

Israélgosode ore cho dangaráni iji Samuel iji ore uniri údode jnese, jé iji dángosode ore uniri iji casaque garani yui, jé aja beersébagosode ore uniri iji umusoi garani yui to. Ujnomerãque Samuel uté gu ome israélgosode ore jnese uje Dupade uruode júsõripíse gu.