Juéces 2:3 - Dupade Uruode

³ Jecute yojningame uáguiji udé: A jé ca yirógapo purása quedéjnane udore ore aja dode jne rĩ iji uacaquéode. Ga a udore angurenone dupa quedéjna a cho paringaquei gajnéone ome uaque jne. Jé basa ga a purása quedéjnane ore cho jeta ore pésu dajuyáraque ome uaque jne. Enga a ca togápo guese pigaitígome uaque jne rĩ."

Juéces 2:3 Iomraidhean Croise

Sálmos 106:36

Ga ore catecã́ri udore ore angurenone ayoré gajnúo to, ga jé u uje ore isoca gajnaréngone udore igarique ore, ga jé ore chise dagachodi.

Éxodo 23:33

Enga jé ca ajuécho jeta ore chácariji uacaniri udé to jne. A ore pota chacate uágome cucha gajnaréngone úringáringo pigaicho iji uacaniri uté, ga jé ca ajuécho uacaniri tuté ome udore ore jne. Enga uacagaidi u gu jeta jé ca apéso cucha gajnarétigo ome yu. Enga jé ca ajuécho uágome udore ore angurenone dupa quedéjna to jne. Jé soca ajicho udore to ga pésu danéningai ome uaque ga udore ore angurenone chimate rágaja uaque, ga jogadi u uje uacapéso cucha gajnaréngone ome yu. Ga udojo a ipesute uacañosoringuéone jne ga gose yu."

Éxodo 34:12

Enga jé ca acatecãchoi puniri uté unirisórone ore jne jeta ore pota cháta dáyipie quitígo aja uaque. Uje a udore ore gajnunie u pujuyadie jne uje ore chicháji dajuya aja uacaquei jne ga ore gaidi u jne jeta abasója enga a udore ore sué uacabai jne.

Juéces 2:21

Uje cáma Josué toi nanique ga purása quedéjnane uñane qué ore déji punirone udore nanique iji israélgosode ujade. Yajéode u jetiga yijócãre ore iji ore iquéode mu a jé ca yijócãrapo ore jne rĩ uje angoninguite pariguipise disi ejode udore ome yuru quigode gu.

Juéces 2:4

Uje Dupade utocaidi gaté unirísõre cha daruode ga israélgosode ore po iji dejode ga ore chinguíra dabijnanone aja dejode.

Juéces 3:6

Ga ore abidie, ore ujnacarode ore chisa purása quedéjnane ore ga ore chóji ñane gari iji ñane ujade. Ga jé u uje ore catecã́ri ore angurenone dupa quedéjna to.

Juéces 8:27

Ga Gedeón pésu pujnápeode iji óro udire ga ipesudi ueradipise. Ga jé cho Dupade iroguipísi jnani bajai Aarón arobé jogotodie cucarané uje i tu Efod. Ga urasade ore irasiguipise oradie udire. Ga Gedeón jno dapesudi uté údi ga chicha aja dedaipísi Ófra jeta urasade israélgose ore pañaji jnese. Mu uje e igasique iji dajogadi ga israélgosode jnese ore cho dadupáji ga ore catecã́ri Gedeón ipesudode udore pujnápecho. Que gusu ore mu Gedeón, jogasui ore, ore ãrai tu raque to ga ore changureta Gedeón ipesudi uté to, enga a jé cho trámpa ome ore. Ga jé ore ipesute dajnei Dupade etétiga nanique.