Juéces 2:10 - Dupade Uruode

¹⁰ Iji Josué úringai toque quigade ga ujo casodica jnani uje ore urásapise Josué ica, ga ore chejna raja toi jnese. Ga jé u uje israélgosode ore ape ejode que uñeque chirajápo Pangarádejnai Dupade gotique rĩ. Ga que ore chirajápo Dupade átedatéode gotique to rĩ uje uté pésu ome ore dayode israélgoso ore jnese.

Juéces 2:10 Iomraidhean Croise

1 Samuel 2:12

Mu Elí ape urejane sijnanguipise ore. Que ore chise Pangarádejnai Dupade unétique, enga ore cho cucha bisidéguiji uté iroquéode.

Éxodo 5:2

Ga Faraón chojningame Moisés ore: –¿Jé gosi te bangaráni tuté jeta yujuéga doi ome Israel ujnacare disi ejode ore iji yocujade? Que yimo bangaráni uté gosi to gu. Ga que toc jeta yujuéga doi ome bojningane udore Israel ujnacare disi ejode ore.–

Títo 1:16

Chiese ore chiraja Dupade, mu gajnareque ore adode, enga obiréjna uje que ore changuretapise Dupade to. Gajnarenguipise ore adode enga angoninguite paric ore, enga que ore chibote dacátegoningáne adode gotique.

Héchos 13:36

Que David ojningai u re go iji darusarane udore. Uje qué eca nanique enga David doi Dupade áyipiedie quigode ome darasade. Mu quigade enga toi to enga chicai dayode jnani bajácho iji jnaropié. Enga aoi tarata aja jnumi.

2 Samuel 7:12

Ujetiga e atopoi to jne rĩ, mu a yipésu bape disi ejode uñeque ga a yo israélgosode ore eduguéjna cuchábi iji uté to jne.

2 Tesalonicénses 1:8

Yocangarádejnai Jesucrísto a di jne gu ujetiga cho dajuñame Dupade guetesórone ore jnese, angoninguite parigode ore rĩ uje ore chotigase yocatatagode Yocangarádejnai Jesucrísto acho.

Deuteronómio 31:16

Ga Dupade narare ga jé u uje catecã́ri Moisés to, ga chojningame to: "E idógosipise batoringai, jecute a yingome cucha piqueminórone ome ua to jne. Israélgosode a ore chise yojningai punire ueradéjna jne, mu a jĩraque ore chirate purása quedéjnane ome ore angurenone cucha bisidécho to. Yisi ome yuru iyiejájnane ome ore dayode nanique, mu a chise diri jne ujetiga ore abode cho cucha bisidéguiji yuru iyiejájnane udore, ga a ore noñome yu iji te jmete jne.

Números 27:13

Mu Dupade chojninga: –Gusu bedominone ome to jne jeta ajire iji quedéjnai to. A udojo quigade jne enga a atopísi to jne. Enga a ajna bayode jnani bajácho ore aja jnaropié to jne, jé aja batigate Aarón to rĩ.

Génesis 49:33

Enga Jacob jé niji iji damochápi gai uje catecã́ri dajnacarode ore gu ome dóderaque jogatique to jne. Mu uje e chejna daruode udore aja guesi enga chujépo raja damochápi gai enga jé u uje topísi.

Génesis 25:8

Enga Abraham que ejnarétaque gotique nanique, mu chisipise deruei gu enga jé toi bisidec. Enga uté chajna dayode jnani bajácho uje chopise ore gu uje ore topísi jnese to nanique rĩ.

Génesis 15:15

Mu uhua enga a ca amo cuchade udore jne, mu a jé aságaja báringai choquíjnapise jne ga a atopísi jne enga a áta ua aja bayode jnani bajácho ore jne.

Génesis 25:17

Enga Ismael guejnanie sequerei déji 137 nanique uje topísi to. Enga uté chajna dayode jnani bajácho uje chopise ore to uje ore toi jnese to nanique rĩ.

Éxodo 1:6

E mu José, uyade ore toji ore uniri uté nanique jnese, jé aja ore dai, jé aja Egípto guiyasõre bajade ore jnese.

Éxodo 1:8

Egíptogosode ore eduguéjna bajai chirajapise José nanique ga chijnóra José urasade ore to uje que suseque ore urásai José gu. Mu uje siquerérigui e orocóji José úringai toque quigade nanique ga egíptogosode ore eduguéjna ichárique cuse to uje a jé ca áyipieraque dépoji José casica gotique rĩ, ga jé u uje áyipie déji petétigai ome urasade ore.

Josué 24:31

Enga jecucha ga israélgosode ore gaidode u Dupade ajegaidode cucha to uje Josué qué eca nanique. Ga jé ore chuságaja ore angarãte uñane to uje qué ore eca iji Josué itoringai quigade nanique, udore ore uje ore pañapísiji Dupade átedatéode to iji taningai nanique uje Dupade chijnime ore iji egíptogosode ore jmainie nanique. Mu uje ore angaránone udore ore toi jnese nanique ga jé u uje quene israélgosode ore áyipiedie chicai quedéjnane ome Dupade adode.

Lúcas 20:32

Ga quene uaté toi to chequé tuaqué.