Juéces 17:2 - Dupade Uruode

^2-3 Ga uté toria daté iplátadie. Diga chatatapome daté doridedie rĩ. Enga chojninga: –Ité á, bapláta poridé casidé uje bacacãre orisónique diríca ome baru gajnaréngone, udire déji yari iji de. Uje uyu u uje yoria baplátadie udire. Ga yatire gu uje yudute to uje bangara udire jogadi jeta apésu bangarátique dupa iji udire. Ga yudúdapo rĩ uje a apésu ayoré gajnua iji udire ga bamese gáyode ome guebeque póroro nanganata ga pláta u jnese. Enga que toc jeta diga yoria Pangarádejnai Dupade gajnenie plátai udire, jecute yatirépo rĩ.– Enga chatire ga daté chojningame: –¡Yababi á, Dupade a chusípise beo jne, uje ueradéjna basocade udore gu!–

Juéces 17:2 Iomraidhean Croise

Génesis 14:19

Uje e chise Abram nanique ga cho darúja. Enga chojninga: "Yipésupú ga Dupa Pujnuéngaisṍri chátapísaja ua uje uté ipesute gaté, jnumi, jogonórone cucha jnese nanique. Dupa picotaque opejã uté u uje juéga ome ua jetiga ejna bamajosórone ore." Enga uje Abram chudute Melquisedec uté uruode udore uje cho darúja enga jé u uje chajuguína dasagode cucha enga chojningame darógode: "Asecãcho yocugúchade jnese uje yijnángo iji eduguéjnane udore gari. Yigaidi tu gu ujetiga yisígo Melquisedec uté iji yocugúchade péode. Ujetiga 10 déji enga yisígome chojmaráringome uté ga chijnoque jne. Ga jé ate jne ome yocugúchade jnese. Jé tiógara gu uje cho darúja yoque gu."

Nehemías 13:25

Ga yicáji yurasade udore uje ore chóji purása quedéjnanie gari, enga yajei dotárome ore enga yejnapise yu aja guesi ome ore. Ga yinguíra yijmanai taja uñane, jé basa ga yayo uñane gatúode údi ga yĩrarare enga yósi tome ore: "Enga beyoi enga ãraracho iji yiquigade ome uacáyuquetoringane jne enga oyósi tome Dupade jne: 'Dupade á, a ca yujuéga yuróraque, yujnacánique ore jne ome purása quedéjnarique ore jeta ore chóji ore gari.' Enga ojnichópo jne rĩ: 'Dupade á, a ca yóji purása quedéjnaraque gari jne enga a ca yopise yacoté iji purása quedéjnaraque jne.' Enga oyósi tome uacáyuquetoringáringo jne.

Sálmos 10:3

Jnani ate noñai uté narare ga dicotare ome dajegaitígo cucha quigode. Ga uté irasigode u tãrarachugode ore isocade, uje uté jmapiedie jé u to gu; jé basa ga uté idojnóngamáni tupúsu Pangarádejnai uté.

Éxodo 20:7

Be ga jé ca ajñieta bangarádejnai Dupapísi uyu yojningai udé yi, enga jé ca o berángu bisideque. Ga jé ca gosi chapídome yu jne gu ujeta gosi cho derángu yi udé bisideque.

Provérbios 28:24

Ujetiga jnacánique toria danique ugúcharigo jeoga daté ugúcha ga ujórique ayoré a chojningárasome: "Uté oricho dayé ugúchade." Mu a chojningárasa: "Taque uaque, uje yapade ugúchade ga jé yugúcha to." Mu cachi uté urúo ome daruode udore. Jé oriechoquíode udore ore isocai u uté gu, ga jé oriechoqui uté to.

Matéo 26:74

Mu Pédro chojningame ore: –Dupade chiraja uje jé ũré yu uje que yimo uacojningai gotique to.– Mu Pédro cáma chejna darai guesi eti cochagájnai po.

1 Coríntios 16:22

Ujetiga uñeque ca chijnóra Yocangarádejnai Jesucrísto to enga jé tiógara ujetiga pamacarãque uté gosi. Yangarádejná, bajneque yuruode unojo: "Jĩraque ãri iji yoque."

2 Juan 1:11

Chamáñaje ujetiga acatecãchoi ore ome uacaru omone enga cho ujetiga átayo uágaja ore to uje ore pésu cucha gajnaréngone iji uacajade.

Juéces 17:1

Israélgosi déji nanique uje i tu Micaía. Ga uté uniri tu ore uniri to nanique uje déji cucaranone uje Efraín ape disi ejode cho dajnéngu udire nanique iji taningai.

Juéces 5:23

Jé adójnacho to uje Pangarádejnai Dupade utocaidi gaté unirísõre qué cho darúja yocurasade uñane ore iji yoquejo tuti uje ore idai i tu Meroz. Ga iyieja jóroque Dupade ujuyaquei yui ome ore uje que ore cháta raja darasade uyoque to ome yoquijocaningai. ¡Pangarádejnai tibidi ore to mu ore etéquetí ore doi utoquérique to!

Rut 3:10

Ga jé u uje Booz chajnai Rut uruode: –Jé yajéode u to ga yacaranguipísome Pangarádejnai Dupade uje bango ua aja yu to. Ga a Dupade chatapísaja ua jne ome bacaniratiguéode udore. Yirajapise uje a ajnorapise babai ica ga bacuepoi iguiosode uyoque rĩ. Bamo uje jnacarode déji yocujade ga omipíso ore ome yu. Ayoré gajnareque udore uñane, jé ataque uñéngo to, enga bacuegode urásu udore uñeque ga orase babai iji uñeque. Mu jé arec uje bacuegode u babai casica iguiosipísode uyoque.–

1 Samuel 14:24

Mu uje israélgosode ore cha dajocaningai ga jé u uje ore chiraja peyutiguei ome raque. Ga que uñeque tagu dabotique iji deréjnai údode. Uje Saúl chojningame darasade ore gu: "A yo yurúja uaque gosi gajiné ujetiga cha dajocaningai ga jĩraque gosi chucué dabosode cucha pibose jé aja jeta yiyágo yoquijocaningai ome filistéogosode udore ore iji guedéjnoringái."

1 Samuel 14:28

Mu soldádode uñai chimo Jonatán ga chojningame: –Jonatán, bayé chãraque cucha pibosode ome yoque que jeta yajo. Uje a cho darúja yocuñeque jeta gosi tagu dabotique. Jecute eyuque yoque jnese.–

1 Samuel 15:13

Ga jĩraque Samuel chucué Saúl iji ore ojningai Gilgal uté. Uje diji Saúl ga Saúl chojninga: –Pangarádejnai acacarani dedugate u ua, Samuel á. Unere bei jeta ese yoque iji de. Uje e yimate Pangarádejnai Dupade ojninga casodé cucha jnese jeta yipésu ga achietai yu to.–

1 Samuel 23:21

Saúl chojninga: –Pangarádejnai Dupade a chatapísaja uaque gajiné uje uaqueso yu iji de ome David uté. Ga uacáringane yijnorasóño pijógome yu.–

1 Samuel 26:19

Yijócha bajei údi jeta angarami yuruode to, Yeduguéjná. Ujetiga Pangarádejnai Dupade u uje chiroque ua aja ujetiga o bajocaningame yu ome yatique uñeque uje gajnaréngome uté, enga a yi ga yẽra yachidode cuchiso uñeque ome Dupade ga pajesereringai a dépoji yógome ñane jne rĩ. Mu ujetiga yujode erámi unirísõre u uje pésu bájningane ome yu bisideque ga ¡yipésupú ga Pangarádejnai Dupade cho dajuñame ore jne jõ! Uje ore chijócãre yu iji yunirípisi uje Pangarádejnai gueranome yu mu. Ga yayóji punire quedéjna unirisórone ore ujade iji udojo, ga gose ore uje ore chajna yu aja quedéjnane. A ore ajéode u jórogu jeta yácariji purása quedéjnane ujade ga yangureta ore angurenone dupa quedéjna to.