Juéces 17:1 - Dupade Uruode

¹ Israélgosi déji nanique uje i tu Micaía. Ga uté uniri tu ore uniri to nanique uje déji cucaranone uje Efraín ape disi ejode cho dajnéngu udire nanique iji taningai.

Juéces 17:1 Iomraidhean Croise

1 Reyes 4:8

Enga gobernador udore ı́ode u udojo nanique: Uñai i tu Ben-hur ga uté gajnepı́di u israélgosode ore achamini Efraı́n uté uje déji cucaranone ujade nanique jeta chutai ore iji uté.

Josué 15:9

Ga ore gajnepídi jnupe eruei uté cho jñuque iji cucarani uté ójo ga dopóji jnumi iji sibíjnai nanique uje ore ajmini tu ga ore ĩcarai tu Neftóa aja nanique. Ga eruei jnopo to nanique rĩ ga chise guidáyode uñane uje ore déji cucarani Efrón jmainie, ga jé jno ga chise ore idai Báala to uje i uñai cuse to nanique ga i u Quiriat-jearim.

Josué 21:21

Ga ore gueranone uñai i tu Siquem to nanique. Ga ore idai uté jogadi u cucarani jmané to uje cucarani uté i tu Efraín Gajneque to nanique. Ga guidai paréngone uñai jé u uté to nanique. Ga ayorérique jeta chujé dojórique ayoré nanique ujetiga ca ájningarángome dojórique ayoré mu chujé bisidec, ga chijna dagajñúraque aja ore idai uté to nanique, enga chacája ajei to nanique enga que toc jeta yui iguiotique chacája ore idai uté ajei to nanique jeta doi ga chujé iji ore idai ajénique to. Mu que gusu guidai uté uje ore chisi ome ore nanique, mu ore chisi ome ore idai Gezer ome ore to nanique.

Josué 24:30

Ga jé u nanique uje ore jno údi aja dajnepídi jnupe nanique. Enga ore chicha ode taja ore idai Timnat-séra to nanique uje ore idai uté déji Josué gajnepídi jnupe ajei to nanique. Ga Josué gajnepídi jnupe uté déji cucarani uté jmainie to nanique uje cucarani uté déji efraíngosode ore uniri ajei to nanique. Enga cucaranone uñane déji uté tiógarei to nanique iji umusoi garani yui to nanique uje ore íode u Gaas.

Juéces 10:1

Israélgosode ore adode ajirisṍri cuse nanique iji Abimelec úringai chuque quigade nanique, ga i tu Tóla. Ísacargose Tóla uté ga dai i tu Púa, jé basa ga dáquide i u Dódo. Ga Tóla uté idai tu Samir nanique uje ore idai uté déji cucaranone ore ujai, uje ore cho jnani bajai Efraín gajnepídi iji cucaranone udore nanique.

Juéces 16:31

Uje ore chudute Sansón ujnomei to ga jĩraque desade tibágui jeta ore jno Sansón údi jeta ore chijóchame iji garai uje déji ore idáyode ujai uje ore íode u Zóra, Estaol ore. Enga Sansón iguiosode jnese nóna desade aja yui. Enga ore chijóchame iji dai Manóa ode ejoi. Enga Sansón guejnanie siqueré chise 20 años nanique uje chajire israélgosode ore adode aja quigode.

Juéces 17:2

Ga uté toria daté iplátadie. Diga chatatapome daté doridedie rĩ. Enga chojninga: –Ité á, bapláta poridé casidé uje bacacãre orisónique diríca ome baru gajnaréngone, udire déji yari iji de. Uje uyu u uje yoria baplátadie udire. Ga yatire gu uje yudute to uje bangara udire jogadi jeta apésu bangarátique dupa iji udire. Ga yudúdapo rĩ uje a apésu ayoré gajnua iji udire ga bamese gáyode ome guebeque póroro nanganata ga pláta u jnese. Enga que toc jeta diga yoria Pangarádejnai Dupade gajnenie plátai udire, jecute yatirépo rĩ.– Enga chatire ga daté chojningame: –¡Yababi á, Dupade a chusípise beo jne, uje ueradéjna basocade udore gu!–

Juéces 18:13

Ga ore jnoji dapáringai ga ore chicáji cucaranone uje ore íode u Efraín Gajnéone Garáyo. Enga ore chise Micaía iji iguíjnai iji te.

Juéces 18:2

Jecute dángosode uje ore idáyode u Zóra, Estaol ore nanique, ga ore chiroque jnani chaguesíode uñane uje ore chejna yijmanai ga ore cho guidai ga ore chicáji cucaranone uje ore i u Efraín Gajnéone Garáyo. Uje ore eduguéjnane chósi tome ore: "Adójnachopísa cucaranone iji te, jé aja unirisórone udore ore." Ga jé u uje ore jno ga ore chicáji Micaía iguíjnai aja dajesui ga qué ore moji uté to iji dejai.

Juéces 3:27

Enga uje Aod e chise daniri Israel ga choru cucarani uje i tu Efraín ga chisa dapúpuria ga chubúchu ome darasade ore ga ore chudute ga ore tibágui. Ga jé u uje ore doi jnumi tiji cucarani ga ore chijñaque Aod aja jnumi.