Juéces 16:4 - Dupade Uruode

⁴ Cuchade udojo quigade enga Sansón chimo gapúraque iji cucaranone ujai uje i tu Cucarãte Ujai Sorec enga pota chóji uaté gari uje gapua uaté i tu Dalíla.

Juéces 16:4 Iomraidhean Croise

1 Reyes 11:1

Uje eduguéjna cuchábi Salomón cho dacotéji egı́ptogosode ore eduguéjna cuchábi Faraón uro nanique, mu que chedu uaté ome úringa pijõra gotique. Uje jiépisi acotedie uñanie uje tṍraji purása quedéjnane ore unirone to iji israélgosode ore dosadode. Enga udire uñanie u moábgotodie, jé basa ga amóngotodie u uñanie. Enga cháta edómgotodie aja udire to, jé aja sidóniogotodie, hitı́tagotodie ore, uje chóji ore gari jnese.

Nehemías 13:26

Enga yĩrarare ga yopósi tome ore rĩ: "Uacasijnaringuéone udore jé chopise israélgosode ore eduguéjna cuchábi casicaite Salomón isijnaringuédatéi casicaite. Iji taningai nanique ga uté ujnomei sué eduguéjna cuchábode ore ujnoméone gáyode nanique iji erámi údode jnese. Ga Dupade chejna cutejmai dajnoraquédaté aja uté to nanique. Enga ichajapite uté úringai eduguéjna cuchape aja uté nanique ujetiga israélgosode ore cho deduguéjnai iji uté nanique. Mu uté acotedie gapu dipeséjnai ore pésu unerotiguei nanique ome Dupade uje uté acoté dipeséjnanie purása quedéjna ore chacate uté ome dangurenone dupa quedéjna adode nanique.

Provérbios 22:14

Ujetiga chequé dipotéraque tibidi dejode ome uaque gosode, ga e Pangarádejnai Dupade cho darúja uaque gu uje uacabáchoi uaté pijnane. Ga e uacabasója eruguéjnarique uje que eruénique cuse. Chamáñaje uaté pijnane jé chopise eruguéjnai tuté ome uaque gu.

Provérbios 23:27

Bamo uje que yise chequé quedéjnaraque unétique gotique. Yojninganie u gapu dibéchoquídie, chequé dipotedie ore. Uje gajnunie u ejopiéraque uje que piyaque eruénique, enga gosi basája ejo tuaté ga gosi cachodi jé u.

Provérbios 26:11

Tamocode jé ore ate uje ore chajniápo dapogaidode gáyode rĩ. Ga jé adi tu ayoré táyipiegode ore uje ore chajniápo aja datáyipietigade rĩ.

Provérbios 27:22

Ujetiga paquesuque ayoré táyipietique údode marínga, que cha datáyipietigai tuté.

1 Coríntios 10:6

Cucha dacadode udore jnese cho ejémplo ome uyoque, ga chacate yoque ujetiga jé ca yiraco udore ore aja ore isoca gajnaréngone udore to. Enga jé ca yipótago cucha gajnaréngone to.

Juéces 16:3

Uje Sansón doi guesi iji dibéchoquía iguíjnai iji dejnínga gatócoro ga dorási guesi iji ore idai mu ore suru piagoi ga uajádiji uje ore chanire erã́sori aja gu. Ga chijnime ore ujuyaquéode piago cuchábode uje ore chiramísara ñane, mu uje chijnime ga isangurúone tocade to, jé aja erásorone jnese, ga chaníraja dorotadé ga jno udore údi aja ore idai ejominóri cucarãte ójo enga chicháji uté ójo tiji gaté. Cucarani uté déji cucarãte uñai tiógarei uje i tu Hebrón.

Juéces 16:5

Enga filistéogosode asutedie ore tibágui gapabia suaté ga ore catecã́ri enga ore chojninga: –Ãra Sansón enga acatecã́ri ome etotiguei garãtique cucha jne. Ga ojningame jne: "¿Cucha dacatique dérasi iji rique jeta suérase babai?" Enga a chatatame ua jne enga a angome yoque gaté jne. Ga jé u jeta yirajágo yoquisocáringome jne jeta yisago. Enga a yoco boré jne jeta acatecã́ri ome etotiguei garãtique cucha. Ga a jnani chojmara, chojmarane iji yoque chimate ua ome 1.000 iji pláta guebéode.–