Juéces 10:4 - Dupade Uruode

⁴ Enga Jaír abode cuse ga ujnacarode ore chise 30 nanique ga ore choru burica quedéjnane jnese uje ore chicáji dajesúode erámio. Ga Jaír ujnacarode ore cho dajnéngu pidáyode udore, udore nanique jeta déji Jaír ujnacarode udore ore jnese. Ga pidáyode udore idaisórone ore cho dasuté iji Jaír ujnacarode udore ore jnese iji dedáyode. Ore ipesudode udojo pidai déji puniri ajei uje i tu Galaad. Ga ore chojningame pidáyode udore jnese: 'Jaír ipesudode pidáyo.' Jé aja dirode udojo to uje jecucha ore cho jnani bajai Jaír gajnecho iji pidáyode udore uje 30 u nanique.

Juéces 10:4 Iomraidhean Croise

2 Samuel 16:2

Ga eduguéjnai David chojningame: –¿Gotique uje bajna udore aja de?– Ga Síba chojninga: –Burica quedéjnanie udire u ujetiga bacotedie uñáringui choru aja uacajesúode. Jé basa ga cucha pibosode ga barógode soldácho ore gajnecho jeta ore tagu. Jé basa víno ga ãre posode gajneque jeta ore chóji iji dajugugode erã́petarécho.–

Juéces 10:3

Iji Tóla uté úringai toque quigade ga uñai basapója jogadi uje i tu Jaír ga galaádgose uté. Ga israélgosode ore cho dasuté iji uté aja siqueredie uje chise 22 años nanique.

Juéces 10:5

Uje Jaír toi ga ore chijóchame iji ore idai ejoi uje i tu Camón.

Juéces 12:14

Enga uté guejnanie siqueré chise 8 años nanique uje chajire israélgosode adode aja quigode. Ga Abdón uté abode jiei nanique ga ore chise 40 nanique, enga ájnamone 30 u ore nanique to. Ga ape chojmara, chojmarane ore ga jecucha ore choru dachidode burica quedéjna, jé aja ájnamone ore to.

Juéces 5:10

Ayoré atade uaque uje uacácayoji burica quedéjna pórorodie gáyode aja uacajesúode, ¡beyoi ga acotáyo Pangarádejnai Dupade to aja quedéjnane! Jé aja ayoré atade uaque uje uaquetéquetí ayáguenaño gatérique iji uacayaripíode, ¡beyoi ga acotáyo Pangarádejnai Dupade uté to! Jé aja ayoré jmatágode uaque uje que ácayo uacádi ome uacáringane urugúo, ¡beyoi ga acotáyo Yocangarádejnai to aja uacajesúode!