Juéces 1:4 - Dupade Uruode

^4-5 Ga judágosode ore socárome cananéogosode ga ore sué ore gai jnese, jé aja ferezéogosode ore to rĩ. Enga chopise jeta Dupade chicha punirone udore aja ore jmainie ¡paque! Judágosode ore yugode jiei iji ore idai uje i tu Bezec nanique, ga ore chisecãru degode iji ore nanique ga ore yugode chise 10.000 jnese nanique. Mu iji ore jocaningai uté ga qué cananéogosode ore asuté eca iji pocaningai ga uté i tu Adoni-bezec nanique.

Juéces 1:4 Iomraidhean Croise

1 Samuel 11:8

Enga ore chimáta ñane aja ore idai uje i tu Bezec nanique. Enga Saúl chisecãru ore jocaningai gaisórone ga israélgosode uñane ore chise 300.000 nanique, jé basa judágosode ore chise 30.000.

1 Reyes 22:15

Uje Micaı́as e basája eduguéjnai Acab uté iquei, ga Acab uté catecã́ri ga chojningame: –Micaı́as, ¿ama ueradéjnarase ujetiga yipéco yoquijocaningai ome sı́riagosode ore jne a, ga yatiregópo yoquidai casica yoquibai to rı̃ uje i tu Ramot-Galaad? ¿Jeoga jé dóji yoquijocaningai ome ore a?– Ga Micaı́as chajnai uruode, mu chujñieta iji taningai, ga chojninga: –Ejẽ́, be ga acugujnáñoji ore, uje a ejnáño ore jne arı̃a. Uje a Pangarádejnai chichapo yoquidai casica aja bajmainie jne.–

1 Reyes 22:6

Enga jé u nanique uje israélgosode ore eduguéjna cuchábi Acab chamáta darógode proféta tácho ore aja ñane, uje ore batigai a jé chorase 400 uñeque nanique. Ga udore ore eduguéjnai Acab chojningame ore: –¿Ama ueradi tu ujetiga yucugujnángoji yoquida casica Ramot-Galaad uje déji sı́riagosode ore gari, jeoga jé dóji yoquijocaningai ome ore a?– Ga ore chajnai deduguéjnai uruode ga ore chojninga: –Be, uje a Dupa Pujnuéngaisṍri chicha ore idai aja bajmainie jne, Yoqueduguéjná.–

1 Samuel 14:6

Jonatán chojningame dajõrai: –Bo yico, ga jé yucuegoi dupa quedéjnane anguresórone udore ore irengúrique ga yejnángo ore jne jeta Pangarádejnai Dupade ajéo ome yoque. Que cucha gotique gu ome Dupade jetiga jiei ayorérigo, jeoga garósi ore uje a chisi ome ore úringane pujnuéngaisṍre ome gosode ga gosode sué dajocaningai gajnéone ore gai gu Dupade.–

Juéces 1:3

Uje judágosode ore chudute dajnéone Dupade uru quicho ga jé u uje ore catecã́ri simeóngosode ore ga ore chósi tome ñane: "Beyoi ga átayope uágaja yoque to ome yoquijocaningai uje yoco yoquijocaningai ome cananéogosode iji yocujade. Ga a yejnángo ore jne ga a judágosode uyoque a yoco yocajnéngu ore unirone jnese jne. Ga quigade jne enga a yátago uacajocaningai aja uaque to jne jeta ejnáño purása quedéjnane uñéngo to jne." Ga simeóngosode ore doi judágosode ore utoquei nanique.

Sálmos 44:2

Bajmainie upúsu uje bajócãre purása quedéjnane udore ore iji ore unirone ga bacha yocáquiode ore aja udore ore jogadode. Uje babéro punirone unirisórone udore ore, jé basa ga bapésu barasade udore ore iquéraningai.

Sálmos 78:55

Dupade chijócãre purása quedéjnane udore ore ome israélgosode ore iquei nanique. Enga Dupade chajuque jnumi ome israélgosode ore uague chojmara, chojmaranie udire jnese nanique jeta ore cho dajnenguíji uté. Enga uté pésu ujetiga israélgosode ore chicha daguíjnane cárpa aja dáguedie ore gajnepídode jnupe udore uje chajuguína ore.

Juéces 3:5

Ga Josué ore jocaningane quigade u nanique uje israélgosode e ore cho darása iji cananéogosode ore nanique, jé aja hitítagosode, jé aja amorréogosode, jé aja ferezéogosode, jé aja hevéogosode, jebuséogosode ore to nanique.

Juéces 11:32

Ga jé u uje Jefté jno ga nóna israélgosode ore aja amóngosode ore uniri. Ga ore chachẽre amóngosode ga ore sué ore gai ga Dupade chisi ome Jefté úringai pujnuéngaisṍre ome nanique.