Juéces 1:1 - Dupade Uruode

¹ Iji Josué úringai toque quigade ga israélgosode catecã́ri Dupade ga ore chojninga: "¿Dupade á, gosi te jne a iji yocuáguedie jeta sué cananéogosode ore gai iji yocuniri udé údode? Jeta bajéo ga yocuague chojmaráraque chedu rome ore, jeoga yejnángo yógaja udore ore. ¿Jé bajátigui iji yoque jne jeta cho dajocaningame udore ore?"

Juéces 1:1 Iomraidhean Croise

1 Reyes 22:5

Josafat uruode udojo quigade, ga chopósi tome Acab rı̃: –Mu cucha chojmarai déji enga u jeta acuebi Pangarádejnai uté áyipiedie to ome ua bajaque, ome pocaningai yui jetiga yicoi jne.–

Éxodo 18:15

Ga Moisés chajnai dayoquíjnai uruode ga chojninga: –Uje yurasade udore ore ujuredie cuse ome ñane enga ore chucué yu ujetiga yingo Dupade uru quigode ome ore.

Éxodo 28:30

Acháji yáyipiedie pijogútodie cucaranei uje ore íode u Urim, Tumim ore iji pectoral uté ajei uje uacamochẽ́cho uacorai uté iji gatócoro que. Ga a Aarón doi yiquei gatuaque jne enga jĩraque tujúna udire iji yedominone iji Pangarádejnai Dupa Eyúgojma yiquei jne. Ga jogadi a u jne jeta quene cho quigome yu ga a yatatapísa udire quigode ome Aarón uté jne jeta chirajaque quitígo.

Números 27:21

Enga angome Josué ujetiga chucué yáyipiedie quigode gatuaque to ome darasade ore enga quene chiroque ore aja cuchade uje chirajapise uje yajegaicho cuchade udore gu. Ga jé basa enga urasade israélgose ore dopísi uté ojningane cucha to. A Josué chingo raja yiroi Eleazar ome cuchade, ga jé basa ga Eleazar a catecã́ri yu bajaque ome cuchade enga ajiri a urásu daríjogoto cucarané uje uaté i tu Urim. Enga jé u jeta chajire cucarané uaté enga chiraja yipotigádode cucha, enga a uté u jne jeta jé basa chingome quitígo ome Josué to. Jé basa ga a Josué u jne jeta chingopísa yuruode ome darasade israélgose ore. Jé basa ga a ore tangaripísi uté gaté to jne.–

Juéces 1:27

Israélgosode uague uña manasésgosode ore pota jóroga jeta ore sué cananéogosode idáyo uñane gáyode jé aja acorásedie iji pidáyode dosadode, mu que togome ore gotique. Ga ore idáyode udore íode u: Bet-seán, Taanac, Dor, Ibleam, Meguído ore nanique. Jecute cananéogosode jé ore jogate dedáyode udore iji manasésgosode ore ujade.

Juéces 2:21

Uje cáma Josué toi nanique ga purása quedéjnane uñane qué ore déji punirone udore nanique iji israélgosode ujade. Yajéode u jetiga yijócãre ore iji ore iquéode mu a jé ca yijócãrapo ore jne rĩ uje angoninguite pariguipise disi ejode udore ome yuru quigode gu.

Juéces 2:8

Uje Dupade iroi Josué toi nanique ga guejnanie sequeré 110 años uje toi. Ga ore chijóchame Nun ujnacari Josué uté iji gajnei jnupe uje i tu Timnat-séra nanique. Ga Josué ode jogapi uté jnupe déji casaque garani yui iji efraíngosode ore uniri jogosórone cucarãcho tiógarei uje déji umusoi garani yui. Ga cucaranone udore uñai déji ode iquei ga cucarani uté i tu Gaas.

Juéces 20:18

Enga israélgosode ore chicáji ore idai uje i tu Betel ga ore catecã́ri Dupade iji uté jeta gosode u iji ore ujade jeta ore cho dajnéngu benjamíngosode iji ore idai tuté bajaque. Enga Pangarádejnai Dupade juéga jetiga judágosode ore u jeta ore cho dajnéngu benjamíngosode ore iji ore idai tuté.

Juéces 20:27

Enga Dupade uruode pi cajo déji ore idai Betel uté iji dirode udojo nanique, ga uté irodisṍri u jnani bajai Aarón ajnami uje i tu Finees nanique. Ga uté dai i tu Eleazar to. Enga israélgosode ore chutṍri Finees ga ore chojningame: "Angoma yógaja Dupade jetiga ajéo ga qué yocope yoquijocaningame yocurasade benjamíngose udore ore, jeoga yiyágo pocaningai ome ore, enga jé dóji ga ore cho pujnuéngaisṍre iji raque." Ga Finees chojningame ore: "Pangarádejnai Dupade jnari uágome jetiga jé beyoi ore, enga a tẽra uacáringáringo pujnuéngaisóño ome uaque dirome jne."

1 Samuel 10:22

Ga Samuel ore catecã́ri Dupade ome ore eduguéjna acoyatai tuté jeta chatata jogatígome ore. Ga Dupade chojningame Samuel: "Qué déji ti, ga pógu re iji ore ugúchade ujade iji ti."