Juan 9:5 - Dupade Uruode

⁵ Uje qué yugúsiji erámone udojo enga yajnui u dírecaringuéi iji erámone udojo.–

Juan 9:5 Iomraidhean Croise

Malaquías 4:2

Mu yiríringai a ueradéjna ome yijnorasórone uaque to jne. Ga gajnua tu guedé uje tocade ga dírecaringuéi cho jnip aja gaté ga guedé ojodie chise uaque ga chiqueta gosi ome ejnaréngone to ga pésu uacáringane ijoréjna to. Ga unere yiríringai yui ome uaque ga uacajnua tu aquirájna ucatógabia uje quene gachisṍri chijnime iji pi ajei ga cana ga choja quedéjnane ¡chem! ¡chem!

Matéo 4:16

Pachaminone udore jogosórone ore déji ijnangununie ajñonie icaite, Mu e ore chimo dírecaringuéi to. Pitoringai suru ore gai nanique. Mu ore ejode cho jnaque gajneri ome ore imoi dírecaringué tuté.

Matéo 5:14

Uacajnui u dírecaringuéi iji erámone. Uacajnui upo guidai cuchábi uje déji cucarani ójo uje que toc ujetiga chacose re.

Lúcas 2:32

Chamáñaje uté u gu ujetiga chijñate purása quedéjnane ore, yoquibáyode. Enga a picotaque barasade israélgose uyoque jne uje piquetangóri Jesús gãrapíode u yoc.

Juan 12:46

Uyu u uje yajnui u dírecaringuéi. Enga yĩri iji erámone udojo icaite gu ujetiga gosi changureta yu ga jé ca cháji ijnangununie.

Juan 8:12

Jesús chacadápo ayorébui ore rĩ enga chojninga: –Dírecaringuéi u uyu iji erámone udojo. Ujetiga gosi tangaripísi yacajnaquéode quigode enga uté gosi u uje déji dírecaringuéi. Enga pucuecaringué eyúgojmai gajnesṍri u uté gosi. Enga a ca digapóji ijnangununie jne rĩ.–

Héchos 13:47

Chamáñaje Yocangarádejnai chiroque yógaja ore uje chojninga: Yiroque uágaja purása quedéjnane Ujetiga ajñacho ore gáyode. Yigaidi u gu ujetiga ore chise dáringane piquetaque to Iji erámi údode jnese.

Héchos 26:18

Yiroque ua aja ore gu ujetiga acate ore ome yadode to. Chamáñaje ore gajnúone u ayoré edoparigode. Enga cho ujetiga ore déji ijnangununie ajéode. Diga ore changureta bacajnaquéode ome yu enga cho ujetiga achẽre ore edodie gáyode enga quene díreca ore ejode. Que yipota gu ujetiga Satanás jno ore údi uje sué ore gai, mu yipota ujetiga ore changureta yu enga ore doi Dupade adode to. Yipota to ujetiga yĩro ore isijnaringuéone ujetiga Dupade cháta ore aja danoningañane to jne ome dẽratígo cucha omío."

Héchos 26:23

Chamáñaje udore ore chatata jnese uje judíode yoquijnati Crísto gajnei tu ujetiga chejnáreque re enga toi ome yoquisijnaringuéone. Enga a uté u to jne ujetiga chijñate yurasade judío ore gáyode, jé aja purása quedéjnane ore gáyode rĩ. Gaidi u gu ujetiga ore chise dáringane piquetaque jnese.–

Efésios 5:14

Chamáñaje dírecaringuéi isocai jé u gu. Ujetiga pecãraque cuchárique aja dírecaringuéi enga e que dépoji ijnangununie rĩ ome dáringai pipoguiete. Jecute ijnangununie jongosórone isocai uté jé cunguésõri purusãrasórone uñai urusarane, uje chósi te: "Mocucha chá, ¡ãriji iji bamoi! ¡Ãriji iji báringai toque uté quigade é! Enga Crísto a chijñate babai ome dadírecaringuéi."

Apocalípsis 21:23

E que cucha guedé, guedoside ore ome idáidatéi idaisórone udore ore. Dupade chijñate ore gai gu ome dangoningájnadatéi. Enga guidáidatéi tuté idírecaringuéi tu Jesús uje gajnua tu áyasa pẽrapáideraque.