Juan 9:41 - Dupade Uruode

⁴¹ Uje Jesús chajnai ore uruode enga chojninga: –Ujetiga jec ũré enga agúpurai uaque ome Dupade uruode quigode, enga jogadi jé urásu ujetiga uacajnui urásu edoparigode. Enga a ca tiógararása ujetiga pujuya uaque ome uacate gajnaréngone. Mu uacojnicho: "Yirajágo Dupade uruode quigode." Jecute jé tiógara ome uacáringane pujuya.

Juan 9:41 Iomraidhean Croise

Provérbios 26:12

Gajnareque ayoré táyipiegode ore isocade mu gajnarenguipise uñai uje ore chicota re enga chiese áyipieranguipíse ore ome dacotaquéode ome raque, mu que ore chirajapise cuchárique.

Lúcas 12:47

Ujetiga ore irótique chiraja darósõri áyipiedie mu que tangári, ga que pésu áyipiedie aja quigode go, ga uté irósõri a ca chajire dajuyaquérigo ome jne ujetiga chujé útigo.

Lúcas 18:14

Jecute yo yuruode quigome uaque. Uje jnani tuté ore eduguéjnai iroi uté uje utaidé ore iplátadie, a chajni aja daguíjnai ga Dupade imeserãi tu. Mu que Dupade chise fariséogosi catecãraitigade unétique. Mu a Dupade sosi uté gosi iji jnumi ujetiga gosi chicotapise re. Jé basa sosi uté gosi iji gaté ujetiga ca gosi cho ayorédatéi iji re.–

Hebréos 10:26

Ujetiga yirajágo Dupade uru uréone, mu yico enga yajnerango yocate gajnaréngone udore údi enga a ca yiboco pẽrapáitique uñeque jne ujetiga yẽcója Dupade ome yoquisijnaringuéone úringane pĩrocho.

Santiágo 4:17

Ujetiga pate omone chiringare re iji uté gosi ajei, mu uté gosi que doi enga chiradome re, enga e pisijnaringuéo ome uté gosi.