Juan 9:11 - Dupade Uruode

¹¹ Enga uté chajnai ore uruode enga chojninga: –Jnani uté uje i u Jesús chutĩ́raja jnumi enga pésu pacataringuei enga jé u uje chaguñéra yedodie. Enga chojningame yu: "Bo, ga acáji ore esãrapié uje i tu Siloé enga aru bedodie iji." Ga yiji uruode. Yuru yedodie iji. Jé u uje yimo yajirigode.–

Juan 9:11 Iomraidhean Croise

Lúcas 13:4

E uacadúcho jnese uje jnanione uñane uje gadioc ore iji yirídai uñai ore toi to uje ore ora cototé gajnua péro ore gai diríca iji Siloé. A ajoso ati ore úringane máraque sué jerusaléngosode uñane ore gai. Jecute cucha dacadode udore chise ore.

Juan 9:10

Jecute ore catecã́ri enga ore chojninga: –¿Jé go uje bamo bajirigode?–

Juan 9:12

Jé ore ate uje ore catecã́ri enga ore chojninga: –¿Jé déji rique jnani uté?– Mu uté chojninga: –Que yiraja jogatique.–

Juan 9:27

Enga jnani edopari chojninga: –E yingome uaque erĩ́e. Mu que angáchoi yuruode. ¿Ome gotique gu a ujetiga yingopome uaque gaté rĩ? ¿Uacajegaidi u panguretigai ome uté to a?–