Juan 8:7 - Dupade Uruode

⁷ Mu jé ore ate dadi uje ore catecã́ri Jesús uje ore chojninga: "¿Jé o ringome chequé udaque?" Mu Jesús chipotingarápo re rĩ enga chojningame ore: –Ujetiga íjnoque uacuñeque isijnaringuéone enga bajaque uté gosi jne ujetiga chisa cucaranéraque ga chatingare chequé ome doidéraque cucarané.–

Juan 8:7 Iomraidhean Croise

Provérbios 12:18

Ayoréode uje ore uruode dosója ore ujode ayoré ga cho jetiga ore chichagu ore ome asṍreraque ome daru dosógode udore. Jé basa ga ayoré áyipierane udore ore cho jetiga ore uruode chisi ome pijóningai ome ore ujode ayoré. Uje paraque ore gu.

Juan 7:46

Mu Dupade iguíjna cuchábi irodisórone ore chojninga: –Que togome yoque. Arecujaidie chajuque yocagutedie. Uje que uñeque déji ujetiga arecujatígui cho uté arecujaidie quigode.–

Juan 8:10

Jé u uje Jesús chipotingare re aja gaté. Enga que chimo ayorérique. Gusu chequé iji charidi. Jecute catecã́ri, enga chojninga: –Chequé a, ¿jnanione ucode jé ore déji rique uje ore chaguhéta cuchade babai? ¿A ca uñeque chatingare ua que a?–

Juan 8:8

Dopoi jnumi iji dayaridi rĩ ga jé ate uje churúsãre iji jnumi.

Colosénses 4:6

Mu ajuso uacaruode guio enga ore chajmára uacaruode. Enga ujetiga uñeque catecã́ri uágome cuchárique, mu e dimane uágome ujetiga oyo uté quique.

Apocalípsis 1:16

Guédo garitidie déji uté jmanai ãrachua. Enga quesé asicoi tõrapóji uté pijnani rĩ uje uo jnese. Enga uté edodie cho guedé ojo dotárenie uje tagu jnumi.

Apocalípsis 19:15

Enga quesé asicoi tṍraji buricai charipísõri bajai tuté pijnani. Enga angúromei a u quesei uté jne ujetiga chicha erámi unirisórone ore aja jnumi yui iji ore unirone jnese. Enga a ore eduguéjna cuchape uté jne, enga a chijna pogué guebetique jne ome dáringai Pujnuéngaisṍre. Enga ujetiga uté dayé Dupa Pujnuéngaisṍri ájningárique tocade jne, enga jé u ujetiga uté chopise dajuñame erámi unirisórone ore jnese jne.

Apocalípsis 2:16

Jecute beyoi enga ecãcho uacadode. Mu ujetiga etácho yuruode udore enga a jĩraque yĩri jne iji uaque, enga a yo yijocaningame angoninguite parigode udore ore jnese. Enga yõráchai a u yiquesei jne uje tṍraji yibijnani.