Juan 8:6 - Dupade Uruode

⁶ Ore ajéode u ujetiga ore chise Jesús bárique cucha iji uruode ujetiga ore doi enga ore chaguhéta gai iji dangaránone iquei. Jecute Jesús doi jnumi iji dayaridi enga churúsãre iji jnumi ome dajmané.

Juan 8:6 Iomraidhean Croise

Génesis 49:9

Yababi á, Judá, bajnua u caraté ababi uje chujé darosipétique enga quigade enga tagu enga chejna jnese, ga quigade enga mopóji darosipei ejoi te rĩ uje subudéji datigai gai. Enga moji jnumi ga cho caratédatédie ome dadode udore enga que chuseque re iji jnumi. Enga chojningame re: 'Que toc ujetiga punguráña uyu iji de.'

Sálmos 39:1

Yojningame yu iji yáyipie: –A yujusípise yadode guio jne, jeta jé ca yipesutique cucha gajnareque tṍraji yibijnani, jé iji ate gajnaréngone udore ore edominone. Uje a yigaru yibijnani ome buricade pijnani erã́sore gajnui jne.–

Provérbios 26:17

Ujetiga ayorérigo ore pojna ñane ga que uyoc u dipojnane ome ore to, mu jeta yoque gosi chisi uñeque gánique ga jé u uje ore chaguhéta ayoré ajéquesérique gánique to. Ga uté gajnui tu ujetiga pisaque tamoco sijnátique angoroinie ga payudei ga tagu gosi jmainie yúode.

Daniel 5:5

Iji ore jódode udore quigábode enga pijmanai chiqueta raja eduguéjnai uté iji jogadi uje churúsãre ore iguíjnai pajei ome dajmané. Churúsãre iji ore apósode udore ujai uje díreca enga ore pañaji udore jnese.

Números 14:22

Enga que potigayagápo yurúrique rĩ, uje yĩrarare enga jecucha yuruode tocade. Jecute uje yãraque yojningai punire ueradéjna ome ore ga que potigayaquérique déji yuruode udore to, enga a ca ore chisípise yojningai tuté punire jne. Yojningane u israélgosode ore uje ore pañaji yipesútedatéode iji egíptogosode ore uniri ica uje yijnime ore iji egíptogosode ore jmainie ica, jé aja yipesútedatéode to uje yipésu iji de erãpetarei udé ajei. Ore chimo to mu ore dojnóngaja yipesudode udore ore jnese. Ore u uje ore pañapísiji yingoningájnai mu ore cho cucha bisidéguiji, enga ore pésu yujuredie gatuaque to iji erãpetarei udé ajei. Que ore áyipieraque dépisi yuruode úringáringo pipesucho to enga ore tagu yuruode aja gatuaque to.

Matéo 10:16

Jesús chojningápome ore rĩ: –Boyo mu ajusópise uaqueo iji erámi jne uje a uásejna erámi unirisórone ore jne ujetiga ore pota sué uacabai ome uacáringáringo chucho. Uje a uacajnunie u áyasadie jne iji cuchiso chagúrigo ajénique. Uacarajáyo uje ugade edodie chojmára ome dejode. Jecute omi tu to ujetiga oyo ugade edodie to ome uaquejode. Oyópo cucujudaijnane to rĩ, uje pajnotácho enga que tagu dejórique go.

Matéo 15:23

Mu Jesús que chajnai chequé uaté pijnane go. Jé u uje acadigode chise. Enga ore chijócha ajei údi. Enga ore chojningame: –Aroque chequé uaté aja doi. Bamo uje que cha dabijnacaraidie aja yoquiquigade.–

Matéo 16:1

Enga fariséode, jé aja saducéode ore tibágui Jesús ome daringaquérique. Enga ore chutai ujetiga uté pésu cucha pitijátique enga tõrarásiji gaté ome ore.

Matéo 19:3

Fariséode uñéngo ore chise Jesús ome daringaquérigo ujetiga pijoque Jesús igajnarétigárique ujetiga chajnai ore. Enga ore chojningame: –¿Ja jé areque a ujetiga uñeque cha dacotéraque enga chapúsaja bárique?–

Matéo 22:18

Jesús jĩraque chiraja ore áyipie gajnarénguenie quigode enga chojningame ore: –Urupatáquechoquío uaque. ¿Gotique gu a uje uacáyipiedie gajnarénguei ome yu, uje uacacuei tu yibárique cucha?

Matéo 22:35

Uje ore chimate dáyipiedie enga Moisés urusarane atatasórone uñai chague iji ore ajei. Enga catecã́ri Jesús. Mu qué equetingarãque to. Enga chojningame:

Matéo 26:63

Mu Jesús jé que cho chimíñimi go. Jé u uje judíode eduguéjna cuchábi chojningame: –Ujetiga ũré ua enga bangureni jé u Dupa uecai, enga baru ũréningo pijoque. Ãrarare. ¿Dupade utocaidi Crísto jé u ua ya?–

Márcos 10:2

Jecute fariséode uñéngo ore sose Jesús yui ga ore catecã́ri ujetiga pujuegate ome ayorérique ujetiga cha dacotéraque. Mu ore ucuei upúsu ujetiga cho paraque enga jé u ujetiga ore chise bárique cucha.

Márcos 12:15

Mu jĩrique Jesús chiraja udore ore áyipie gajnarénguenie udire quigode ome re. Jecute chojningame ore: –Yiraja uaque uje uacagaidi u ujetiga ca yijnime uacaruode udore ãrírique. Mu boyo ga beyosi uacaplátataque enga yajirape. Ga a jé yimo enga jé u ujetiga yijnime yáyipiedie ome uaque.–

Márcos 3:2

Mu Jesús guetesórone uñéngo ore chajire Jesús aja tijode, uje ore chajmita ujetiga chiqueta jnani tuté iji dire puyai. Ga jé u ujetiga ore cho báji.

Márcos 8:11

Enga fariséode uñéngo ore yore Jesús gai uje qué ore botare. Uje ore ajegaidi tu ujetiga Jesús chetingarape re ome ore, enga pésabu dapesútedatérique ome ore ujetiga tõramíji gaté ome ore. Uje ore ipotigádi u ujetiga ore chimópise ome dedodie ga jé urásu ujetiga chiese ore changuretarase uté to.

Lúcas 10:25

Udojo quigade uje Jesús chacate ayoréburique ga Moisés urusarane atatasórone uñeque chague iji ore ajei ga catecã́ri Jesús ujetiga qué chetingare Jesús. Ga chósi tome uté: –Yocacadisṍri á, ¿jé yisocárique dérasi rique a, ujetiga yise yúringárique piquetaque to a?–

Lúcas 11:16

Jé basa uñane ore pota ore chetingare Jesús ujetiga pésu dapesútedatérique ujetiga tṍraji gatajnoquei tome ore.

Juan 8:2

Dire uñai enga Jesús jnoji direjnímei enga chicapóji Dupade iguíjna cuchábi rĩ. Enga ayorébui ore chose yui enga Jesús chácariji dayaridi iji Dupade iguíjna cuchábi ajei enga jé u uje chacate ore.

1 Coríntios 10:9

Yirajágo uje yocayode jnani bajade ore pésu Dupade ejóporinguéone to nanique enga Dupade cho dajuñame udore ore enga chiroque ugade aja ore nanique. Enga uásejna ugade equesarane iji udore ore nanique. Jecute beyoi enga yujucópise yocadode guio ome Dupade enga jé ca yipéco ejóporinguéringo to.