Juan 8:44 - Dupade Uruode

⁴⁴ Uacai u Satanás. Enga uté gajneque uaque. Jecute uacapótayo apéso uté ajegaidode cucha. Ayoré yungore Satanás uté iji taningápisi. Enga que togome ujetiga urúrique ũré. Chamáñaje cucha uréone guetésõre uté gu. Urupatáquechoquí u enga uruode u purupatáringane. Enga urupatáquechoquíode ore dai u uté. Chamáñaje purupatáringane garani u uté gu.

Juan 8:44 Iomraidhean Croise

Génesis 3:15

A yipésu jne enga chequé, uhua uacamajo ñane. Jé cho uaté ape disi ejórique, bape disi ejórique, a ore cho damajo ome ñane to jne. A chise dínique to jne ujetiga uaté ape disi ejórique chĩro batoi ome dajadia te jne. Jé basa ga a agu uaté ape disi ejoi guídogoróraque to jne.–

1 Reyes 22:22

Ga pujopié uaté chajnai Pangarádejnai uruode ga chojningame: "A yiji jne ga a yijnare yu aja Acab irógode proféta tácho ore jnese, ga a yo pujopié aringaquéraque jne iji udore ore pijnanone. Ga a purupatáringa ore uruode quigode jne ome deduguéjnai Acab uté, mu uté a cho ũréji ore." Ga Pangarádejnai chajnai pujopié uaté uruode, enga chósi tome: "Ejẽ́, be ga ãra Acab uté, enga ajnué gai. Boco, apésu baruode udore aja quigode."–

Matéo 12:34

Uga gajnúone uaque á, ¿enga esórase uacaru oníngo a ome uacáringane sijnácho? Úngare. Chamáñaje uacasijnaringuéone irágu uacáyipiedie gu. Jecute uacaruode noñácho jnese uje tṍraji uacabijnanone.

Matéo 13:15

Chamáñaje angoninguite pariguipise israélgosode udore ore gu. Enga que ore tangári yu. Cho jetiga ca ore edóraque cus. Chamáñaje ore gaidi u ujetiga ca ore chimo. Enga ore gaidi upo rĩ ujetiga ca ore chudute cuchárique. Que ore pota gu ujetiga ore chiraja. Que ore pota rĩ ujetiga ore chajni yibai enga yiqueta ore.

Matéo 13:38

Jeque corã́cabia gajnui tu erámone unojo. Cucha ajñu ueradedie gajnúone u Dupade urasapísode ore. Jé basa ugarape gajnarénguei gajnúone u Satanás ajnangórone ayoréo jnese.

Juan 6:70

Jesús chajnai ore uruode enga chojninga: –¿Ja jé ca ũré a uje yajegaite yacadigode uaque uje gare uáguiji yirídai? Mu uñai déji uacajade uje Satanás déji ajei.–

Juan 7:17

Ujetiga gosi angoninguinone guesája ome Dupade enga a chiraja yacajnaquéode udojo garãtique. Jeoga garani u Dupade, jeoga garani jé u yu.

Juan 8:38

Yatatagode u Yapade ingoméone cucha ome yu. Enga uacagaidode u uacai ojningane cucha to.–

Juan 8:41

Uacapesudode u uacai ipesudode to.– Jecute ore chajnai Jesús uruode enga ore chojninga: –A ajos eti pape bisideque yoque enga que yirajágo yocai gosi. Mu que quigode u go. Mu yocai ugurui cuse uje Dupade u.–

Juan 8:55

Chiese uacangureni u Dupade mu que arajáyo go. Uyu u uje yiraja. Ujetiga yojningárasa: "Que yiraja Dupade," enga a yorase uaque ome uacáringane urupatáquechoquío. Mu jé ũré yu uje yimo Dupade enga que yiyó ojningárique cucha gai ome yu.

Héchos 13:10

Enga chojninga: –Satanás abi á. Pisijnaringuéone gajnengóri á. Paringaquéode gajnengóri á. Pátegoningáne guetésõri á. ¿Gotique ĩ́rique uje que aya uje bo táguiji Yocangarádejnai uru uréone?

Héchos 24:9

Jé u uje judíode uñane uje ore déji uté to ore chajo raja jnese uje jé ũrepíso ore utocaidi ojningane cucha jnese.

Héchos 5:3

Mu Pédro chojningame Ananías: –Ananías á, que oredie u jnese go. Jé bapógu pei. ¿Gotique gu a uje bajuéga ujetiga Satanás chacája bajei? Chamáñaje uté ipesudei báyipie gajnarénguenie udire gu uje bo barupatáringa que ome Dupade Ujopié Espíritu Sánto.

2 Coríntios 11:3

Uacarajáyo uje Satanás chacája ugai nanique enga chãra yocaté bajé Éva nanique ome daringaquéode. Jecute yitodópisa udojo ome uaque ujetiga jnanione udore ore chãra uaque to ome dacajnaqué tátigo. Yiraja uje jé ũrepise uágome uacajnoraquei ica ome Crísto. Enga que uacáyipieraque déji cucha uñeque ica. Mu yitodópisa ujetiga e ecãcho uacáyipiedie quitígo enga angáchoi pacaditíga tágode udore, enga oyópise jmíti, jmíti ome Crísto.

1 Pédro 5:8

Ajusópise uacáyipiedie guio, enga beyoi enga ãrijínaño uaquejode. Uacamóño uje uacamajósõri Satanás diguiji erámi gu. Enga ucuegode u Dupade anguresórone uyoque iji erámi ujetiga sué yoquibai. Enga gajnui tu caraté quedéjnarique uje chijna dajéode aja guesi aja dajesúode. Enga ucuei tu gosi ujetiga chajnangarase aja dejode enga chejna.

2 Pédro 2:4

Yirajágo uje Dupade que chĩro daroque gateminórone ore isijnaringuéone nanique. Mu tṍra ore aja gajño pioi. Enga noñome ore iji ijnangununie, enga chigaru ore ome ojnaquérodie enga suru ore gai iji te, jé aja ujetiga chajire ore adode aja quigode.

1 Juan 1:8

Mu ujetiga yojnico: "Que yisijnaringuérique cuse," enga yocarane jé u yoque, enga taque yoque.

1 Juan 2:21

Yiraja uje uacarajáyo cucha uréone quigode. Jecute que yurusarane quigode u go ujetiga ca arajáyo. Enga uacarajáyo to uje que paringaquérique tṍraji cucha uréone ore jnese.

1 Juan 2:4

Mu ujetiga uñeque cho darajáguiji Dupade marínga, que pésu uruode quigode enga taque uté, enga que ũré gotique.

1 Juan 3:12

Jé ca yiraco jnacare bajai Caín. Uje Satanás irasingore uté enga que áyipieraque jnoji adode. Jecute doi enga chujé dajõrai Abel nanique. ¿Jõrai báringome uje chujé a? Bade u dapesute arégode. Uje Caín ipesudode gajnarécho gu.

1 Juan 3:15

Jecute gosi ujetiga chetaque dajõrárique, enga gajnui tu ujetiga jé yuque dajõrai. Enga ujetiga gosi chujé dojórique ayoré enga obiréjnapise uje que pucuecaringué eyúgojmai déji uté gosi ajei.

Júdas 1:6

A e arajáyo to jõ Dupade utocaidode gaté unirísoño uñane adode. Uje ore chetaque dáringane Dupade irócho ga ore cha Dupade iroquéode. Jecute Dupade suru udore ore gai iji ijnangununie ajei. Enga chigaru ore ome ojnaquérorigui uje a ca eruénique cuse, jé aja dire iyiejnai tuté ujetiga Dupade chajire ore adode aja quigode jnese.

Apocalípsis 12:9

Enga arócojna guichayai tuté jiei íode. I bajai tu Ugai. I uñai tupo Dicoré te rĩ. I uñai tupo Satanás te rĩ. Enga uté u uje chãra erámone jogosórone ore jnese. Diga uté patĩ́ora darógode ore uje ore tṍra ore aja erámone.

Apocalípsis 2:10

A ejnárecho uaque jne, mu ca atodóyo yui jne. Chamáñaje Satanás a chetingare uacanguretigade jnese jne gu. Enga a ore suru uacuñane gáyode jne iji soldádode iguíjnane. Mu a ejnárechopise uacajnéone petingaquéo udore jne jé aja díningo ujetiga chejna yijmanáyone. A ore chujé uacuñane jne mu ujetiga gosi jno danguretigai údi jne ome yu jé aja datoringárique, enga jogadi a u jne ujetiga yẽrája uté gosi. Enga a yerani u pucuecaringué eyúgojmai jne ome uté gosi.

Apocalípsis 21:8

Mu pisijnaringuéone ipesusórone a parãte udore ore jnese aja gajño pioi jne uje azufre ai nóna pioi ocaraidie aja gaté iji uté. Enga pitoringai erueminóripísi u uté jne. Gajño pioi quisórone ore u: sadodéchoquíode. Upo Dupade uruode otigayasórone ore rĩ. Upo pijnacóroráne ore rĩ. Upo ayoré yungórone ore rĩ. Upo jnanione, chequedíe ore jnese rĩ uje ore chachia ráguiji punganingane. Upo udore ore jnese rĩ uje ore chequetingare re ome pujopié gajnarénguenie. Upo ayoré gajnúone catecãraisórone ore rĩ. Upo urupatáquechoquíode ore jnese to rĩ.–

Apocalípsis 22:15

Mu Dupade a chãraque dedáidatéi tuté ome cucha gajnaréngone ipesungórone ore jnese jne. Yojningane u udore ore uje ore chécãre pisoca omone quigode enga ore chachia ráguiji cucha gajnaréngone udore. Upo Dupade uruode otigayasórone ore rĩ. Upo pujopié gajnarénguenie etingarasórone rĩ. Upo udore ore jnese rĩ uje ore pota pungáningane ome jnani quedéjnane, jeoga chequé quedéjnanie. Upo ayoré yungórone rĩ. Upo ayoré gajnúone catecãraisórone ore rĩ. Upo udore ore jnese rĩ uje que ore chibéro re ome daringaquéode.

Apocalípsis 9:11

Enga chuguyúgu quedéjnanie ore eduguéjnai cuse uje cho Dupade irógode. Enga ejo cuchabé tuaté uje que eruénique cuse gajnengóri u uté. Enga Dupade irógode gajnui tuté i tu Abadón iji hebréode ore uruode. Jé basa i tu Apolión ome gréciagosode ore. Uje Abadón, Apolión ore urui jé qui chojmára uté. Enga qui tu: jnani dequejnangóri.