Juan 8:41 - Dupade Uruode

⁴¹ Uacapesudode u uacai ipesudode to.– Jecute ore chajnai Jesús uruode enga ore chojninga: –A ajos eti pape bisideque yoque enga que yirajágo yocai gosi. Mu que quigode u go. Mu yocai ugurui cuse uje Dupade u.–

Juan 8:41 Iomraidhean Croise

Éxodo 4:22

Ujetiga Faraón jé ca juéga doi ome uaque ga a ojningame jne: 'Faraón á, jé Dupade urúo u udojo ome ua uje cho dajnacare urejane iji Israel ujnié disi ejode uyoque.

Malaquías 1:6

Ga Dupa Pujnuéngaisṍre nararápo rĩ ga uruode unojo gajnengórone u darógode sacerdote udore uje ore isai tu picatecãraitigade ome Dupade ome darasade israélgoso. Ga chósi tome ore: "Yimo jnacarode uje ore tangaripísi dayode uruode. Yimópo pirógode ore rĩ uje ore dopísi darósorone uruode. Jé basa yirógode uje uacacatecãchoi uyu ome uacarasade israélgose ore ga quĩrique beyoi yáyipiedie quigode. Ujetiga jé ũré enga uacai tu yu, enga ¿gotique gu a uje que angáchoi yu to? Ujetiga uacarósõri u yu, ga ¿jé gotique to a uje que beyoi yuruode quigode? Jé ũrepise yuruode udore ome uaque to uje uacadojnóchopísaja yu iji deréjnane jnese. Mu yiraja uje a uacuñeque chajnárasi yuruode udore to ga uacuñeque chojningárasa: 'Taguipise ua. Que yidojnójoja ua gotique to. Enga atata yoquisocárigo uje chiese yidojnójoja ua to.'

Malaquías 2:11

Judágosode e ore chicapísiji quedéjnane ome Dupade adode, ga e Dupade chujãpise ore isocade to iji ore idáidatéi Jerusalén uté. Mu que gusu iji Jerusalén mu e chise israélgosode uñane iji yocuniri tudé jnese to. Dupade chijnorapise daguíjnai, ga cucha iyiejnai urásu ome yoque to. Mu judágosode ore cho cucha bisidéguiji Dupade iguíjna cuchábi uté. Chamáñaje ore u gu uje ore chisa dacotedie iji purása quedéjnanie to. Ore chiraja uje que pijnoraquei déji dacotedie udire ome Pangarádejnai Dupade iguíjna cuchábi gotique, mu qué ore chijnóra ore. Yojninganie udire ore catecã́ri dangurenone cucha bisidécho ga ore cho Dupade iji ayoré gajnúone to.

Juan 8:38

Yatatagode u Yapade ingoméone cucha ome yu. Enga uacagaidode u uacai ojningane cucha to.–

Juan 8:44

Uacai u Satanás. Enga uté gajneque uaque. Jecute uacapótayo apéso uté ajegaidode cucha. Ayoré yungore Satanás uté iji taningápisi. Enga que togome ujetiga urúrique ũré. Chamáñaje cucha uréone guetésõre uté gu. Urupatáquechoquí u enga uruode u purupatáringane. Enga urupatáquechoquíode ore dai u uté. Chamáñaje purupatáringane garani u uté gu.

Deuteronómio 32:6

¿Ama ca Dupade u a uje ipesute uáguiji taningai to? U arĩ́e, jecute uacagúsoji erámi tudé to. ¿Ama jé ca u to a? uje cho dabi iji uaque iji erámi tudé, ga chojningame uaque: 'Oyo uacaji yu to.' U arĩ́e. Jecute uté gajnenguírase uacacotaquéode, mu uhuaque ga uacadojnóchoja Dupa eyúgojmai uté to. Enga áyipie eyuque uaque, israélgosode uaque á, enga cho jetiga ca arajayopise cuchárique to.

1 Juan 3:12

Jé ca yiraco jnacare bajai Caín. Uje Satanás irasingore uté enga que áyipieraque jnoji adode. Jecute doi enga chujé dajõrai Abel nanique. ¿Jõrai báringome uje chujé a? Bade u dapesute arégode. Uje Caín ipesudode gajnarécho gu.