Juan 8:22 - Dupade Uruode

²² Mu judíode ore catecã́ri ñane ome Jesús uruode udore enga ore chojninga: –¿Ja chujé re jne a? Uje chojninga: "A ca togome uaque jne ujetiga eso ta yiqui."–

Juan 8:22 Iomraidhean Croise

Sálmos 123:4

E jiei uje yocáyipie chejnáreque atade ore ujñiequé noñángone udore ome yoque; ga e jiei uje dicotárechoquíode udore ore dojnóngaja uyoque.

Sálmos 22:6

Mu uyu ga que ayorépo uyu to rĩ, ga yajnui tu júpuchaque quedéjnarique. Jnanione udore ore cho detéquedatéi iji yu, ga yujode ayoré ore chujna yu jnese.

Sálmos 31:18

Apésu ga ore pijnana táquechoquíode chope paraque. Udore ore u uje dicotare ore ga ore posode u jnani uréone udore ore aja dajesúode, ga jecucha ore chijna dajoyaquéode, dadojnóngamátigade aja ore.

Juan 1:19

Enga judíode ore eduguéjnane iji Jerusalén ore chiroque sacerdóteode, levíteode uñane aja Juan ujetiga ore chiraja úringárique ayoré.

Juan 10:20

Enga uásejna ore uje ore chojninga: –¿Jé ome gotique gu a uje uacangáchoi uté? ¿Ja ca arajáyo uje Satanás utocaitique a déji uté enga cho ũrusode?–

Juan 7:20

Mu uñane ore chojningame: –A Satanás utocaitique déji bajei enga a ãraque ua ¡jõ! ¿Jé gosi te a ujetiga pota chui ome ua ya?–

Juan 7:35

Jé u uje judíode ore catecã́ri ñane enga ore chojninga: –¿Jé chicapi rique jne uté ujetiga ca yimóngopo jne rĩ? A chicáji ore uniri Grécia jne. Uacamóño uje uásejna judíode ore iji ta. A pota chacate gréciagosode ¡jõ!

Juan 8:48

Jecute judíode ore chojningame Jesús: –¿Ja ca ũré yoque a? uje yojnicome ua: "Yoquetégode samáriagosode uñai u ua. Enga Satanás utocaitique déji bajei."–

Juan 8:52

Jecute judíode ore catecãrápoi Jesús rĩ enga ore chojninga: –Que potigayaquérique déji yoque uje a Satanás utocaitique déji bajéode ome baruode udore. Uje yocai jnani bajai Abraham, Dupade uruode atatasórone uñane ore toi jnese. Mu jé go uje bojninga: "Gosi ujetiga doi yacajnaquéode quigode a ca gosi toi jne iji deréjnane jnese."

Hebréos 12:3

Jecute jé ca uacáyipieraque jnoji Jesús úringai pumajódaté nanique ome jnani sijnángone ore. Aracho uté enga ca oyo caru iji uacanguretigade ome Dupade. Enga ca arañíñopóme uacáringane ducañerájma rĩ.

Hebréos 13:13

Jecute yicoi enga yátago yógaja Jesús iji cachodi iji guidáidatéi guesi. Yirajágo mu uje pajegátiga ujetiga ducarãte gosi aja guesi iji ore idáidatérique. Mu yico enga yátago yógaja Jesús ome gajnéone pujuyaqué.